Tweet
انا هتكلم بحسب خبرتي علي الطقطقة اللي بتحصل في مكان متسفلت حلو ومفهوش مطبات يعني بعيدا عن عيوب العفشة اللي بتدي اصوات في الحتت المتكسرة هنبتدي بأول نوع
١- لما تكون واقف بالعربية مكانك وتكسر الطارة سواء الي اليمين او اليسار ده بيكون بسبب البطاحات يا اما مش مربوطة في مكانها كويس يا البطاحة بايظة (الكاوتشة بتاعتها اتشققت)
وللي ميعرفش البطاحة دي حاجة بتركب فوق بلي بيركب فوق المساعدين الامامي فقط عشانيمسكو المساعد في جسم العربية ويكون ليه مطلق الحركة يمين ويسار عندما تكسر الدركسيون وده بعكس المساعد الخلفي لانه ثابت في مكانه لانه لايلف بل ينضغط فقط اما الامامي فهو ينضغط ويلف
٢- عندما تسمع صوت طقطقة وانت تسير مع كسر الدركسيون ويكون هذا بسبب الكبالن الخارجية تعطي صوت طقة في الملفات وفي هذه الحاله ينصح بتغيرها فورا لانها لاقدر الله لو انكسرت الفردة هتنام تحت العربية يعني ممكن العربية تتقلب تلف بيك اللي فيه نصيب هتخده فبلاش حد يجري وعنده كبالن خارجية بايظة
وفي موضوع تاني همسك فيه وظيفة الكبالن بالتفصيل واجزائها
٣- دي نادرة جدا بس جاتلي انا عشان الكبالن القديمة اللي عندي كانت بايظة والفتيس اوتوماتيك فالبوشة اللي في الكوبلن الداخلي انتقلت للفتيس في حاجة اسمها كارونة في قلب الفتيس الاوتو لما تيجي تكسر الطارة بتسمع صوت طقة كأنك دوست علي قالب طوب واتكسر لان لما تكسر الطارة في فالكرونة سنين اسمهم ناقر ونقير بلفو عكس بعض فالبوشة جت فيهم فبتعمل صوت قالب طوب انتا دست عليه وفي الحالة دي ينصح باصلاح العيب قبل ان يؤثر علي الفتيس نفسه او تريح دماغك وغير فتيس وطرق الوقاية انك متصبرش علي الكبالن الداخلية لو فيها بوشة عشان اديك شوفت بدأت تاثر علي الفتيس ازاي
الموضوع ده كله من خبرتي المحدودة ولو في اي استفسار انا في الخدمه
اخوكم عبده
١- لما تكون واقف بالعربية مكانك وتكسر الطارة سواء الي اليمين او اليسار ده بيكون بسبب البطاحات يا اما مش مربوطة في مكانها كويس يا البطاحة بايظة (الكاوتشة بتاعتها اتشققت)
وللي ميعرفش البطاحة دي حاجة بتركب فوق بلي بيركب فوق المساعدين الامامي فقط عشانيمسكو المساعد في جسم العربية ويكون ليه مطلق الحركة يمين ويسار عندما تكسر الدركسيون وده بعكس المساعد الخلفي لانه ثابت في مكانه لانه لايلف بل ينضغط فقط اما الامامي فهو ينضغط ويلف
٢- عندما تسمع صوت طقطقة وانت تسير مع كسر الدركسيون ويكون هذا بسبب الكبالن الخارجية تعطي صوت طقة في الملفات وفي هذه الحاله ينصح بتغيرها فورا لانها لاقدر الله لو انكسرت الفردة هتنام تحت العربية يعني ممكن العربية تتقلب تلف بيك اللي فيه نصيب هتخده فبلاش حد يجري وعنده كبالن خارجية بايظة
وفي موضوع تاني همسك فيه وظيفة الكبالن بالتفصيل واجزائها
٣- دي نادرة جدا بس جاتلي انا عشان الكبالن القديمة اللي عندي كانت بايظة والفتيس اوتوماتيك فالبوشة اللي في الكوبلن الداخلي انتقلت للفتيس في حاجة اسمها كارونة في قلب الفتيس الاوتو لما تيجي تكسر الطارة بتسمع صوت طقة كأنك دوست علي قالب طوب واتكسر لان لما تكسر الطارة في فالكرونة سنين اسمهم ناقر ونقير بلفو عكس بعض فالبوشة جت فيهم فبتعمل صوت قالب طوب انتا دست عليه وفي الحالة دي ينصح باصلاح العيب قبل ان يؤثر علي الفتيس نفسه او تريح دماغك وغير فتيس وطرق الوقاية انك متصبرش علي الكبالن الداخلية لو فيها بوشة عشان اديك شوفت بدأت تاثر علي الفتيس ازاي
الموضوع ده كله من خبرتي المحدودة ولو في اي استفسار انا في الخدمه
اخوكم عبده
Comment