سؤال خزعبلي حبتين

[jimmy86]

النهارده طرء موضوع في دماغي وماكنتش فاهم فيه حاجه وقولت لازم اقتله بحث لاني بصراحه بحب حاجه اسمها عربيات الحاجه اللي طرات في دماغي الاتي ايه الفرق مابين Traction control system وال electronic stability program اللي انا عرفته في الموضوع ده او اللي فهمته حاجه وحده ان ال TCS ممكن يكون موجود في العربيه من غير ال ESP زي السكودا فانتازيا كده اللي في مصر اما ال ESP بيكون معاه لازم ال TCS زي السيفيك الجديده فيها نظام الVSA اللي عامل زي ال ESP بالظبط اما بقى عن الاختلاف الجوهري او اختلاف الشغلانه ايه بالظبط مش فاهم فيها بقى حاجه قعدت الف في منتديات وحسيت ان اغلب الناس مطلعه ان كله في الاخر حاجه وحده بس مادام هي حاجه وحده ليه السكودا بره مصر بتنزل بنظام ال ESP ده يعني كانوا خلوها بال anti-slip regulation =ASR اللي موجود بيها وخلاص هو اللي انا حسه والله اعلم ان ESP ده التطور بتاع الTCS والله اعلم وفي معلومه حبيت اشارك بيها عرفتها بردوا ان السوبارو ونظامها AWD يدي كل اللي فاتوا دوووول بال .......... يعني فعلا اختراع وابتكار ياكوتش بس هم لجاوا للموضوع بتاع ال ESP ده علشان تكلفة AWD غالية جدا كتصليح بس هم بيقولوا ان بردوا مهما كانت الجمودية بتاعت الESP مش هايوصول لل AWD System وشكرا ......

[moha4tec]

معلوماتى مش كتير
و مش عاوز افتى
ممكن تنتظر راى الخبراء زى الدكتور مصطفى . Formulator

[dede_dodo88]

الESP يعتبر أحدث و أشمل من الABS و ال TCS,,
يعني العربية اللي بيكون فيها TCS بيبقى فيها EPS..

الـTCS هو بيحافظ على الTraction بتاع العربية مع أي سطح طريق..بمعنى أنه بيخلي عجل العربية ماسك في الأرض حتى لو كانت على سطح منزلق.. و على ما أعتقد ده بيكون تأثيره على العجل الأمامي..
الـEPS بيكون تأثيره على الأربع عجلات و ده بيساعد ان العربية متعملش لا over وللا under-steering في الـcornering.. يعني بيظبط دايماً لو في عجلة سرعتها أكبر من باقي العجل..
بس هما الأتنين في الاخر هدفهم أن العربية تفضل محافظة على أتجاهها..
و اللــــه أعلــــم!!... lol

استنى formulator برضه يجي يقولك المعلومة الأكيدة.. الكتالوج معاه.. lol

[jimmy86]

واللهي ده اللي انا فهمته بردوا ان اللي العربيه اللي فيها ESP بيبقى فيها TCS وقريت في حته تانيه معضله تانيه بيقولك ايه بقى
ان العربيات اللي فيها ABS وبس ده كانت بتبقها مشكلتها ايه ان ال ABS بيشتغل لما بيبقى السطح اللي انت ماشي عليه كله حاجه وحده بمعنى كله ميه او كله رمل فجم الخبراء قالولك طب افرض بقى لو العجل حبه على وسط والحبه التانيه على وسط تاني فضلوا يفكروا لغاية ماتوصلوا الى الاختراع اللي اسمه (وده بيشتغل على فرامل العربيه)
ال EBD اللي بيوزع الفرامل على العجل بنسب مختلفه علشان لو عجل على ميه وعجل على رمل فبيعمل توزيع لقوة الفرامل على كل فرده على حسب الوسط جم بقا لمشكله تانيه ان البني ادم اللي سايق ده ممكن يبقى غشيم موت لاقي بقعة زيت قدامه وداخل فيها بسرعه وعاوز يتفادى حاجه يقوم هبه قالب الدركسيون يمين في شمال فتلاقي العربيه بتعوم معاك هنا جه فايدة اختراع
ال ESP ده بيقولك انه اشمل من ال TCS بيشتغل ساعة استخدام الفرامل وانت بتاخد غرزه جامده او ساعة ماانت بتاخد غرزه جامده على سرعه كبيره بيعمل موضوع انه بيلم ضهر العربيه معاك عن طريق بردوا انه بيشتغل على كل فرده لوحدها وبيحسب وبيشوف انهي فرده بتلف اسرعه فبيهديها ويسرع فرده وهكذا
يعني كده الملاحظ ان ال ESP اشمل من ال TCS بس اللي انا مش عارفه هل ال ESP بيحافظ على ثبات العربيه في المنحنيات زي ال TCS ولا لاه
ال TCS بيشتغل على العربيه بانها بتهدي من سرعة العربية اتوماتيك بطريقه معينه كده بانه يشتغل على الفرامل وبيشتغل على الموتور بتاع العربيه فبيعمل على تقليل سرعة دوران فرده ويزود في ناحيه تانيه وهكذا وبيقلل من سرعة العربية وبيحافظ بردوا على ثبات العربيه في المنحنيات عن طريق تقليل معامل الاحتكاك
وبردوا مش عارف انا كده فاهم صح ولا لاه واحب اقول في الاخر شكرا لكل من شارك معايا في الموضوع ده وان شاء الله نستنى استاذ formulator علشان الواحد خايف يكون بيفتي ...........