مشكلة

[SunSet]

انا ملاحظة ان لما بألف بالعربية وبألف الدريكسيون للأخر العربية بتلف على الواسع مش الضيق وساعات بأضطر الف الشارع على مرحلتين والا اخبط في الرصيف

مش عارفة المشكلة كدة فين !؟

[aldesha989]

لازم توسع لنفسك قبل ما تلف لان لو الرصيف مثلآ جنبك بالظبط وانتا لفيت عليه هتطلع فوقه
ولو لفيت وسط هتبقى بعيد فى نص الشارع
لازم تكون بعيد عن الرصيف حاجه بسيطه علشان لما تلف بالعربيه تبقى اول ما تلف تبقى بالظبط على الضيق وجنب الرصيف

[SunSet]

أنا بأقول وانا بألف على الضيق والف الدركسيون للاخ باروح على الرصيف " التاني " اللي مش جنبي وممكن ابقى لازم ارجع لوراء واضبط عشان ما اطلعش فوقه !

[ramadan272]

متابع لأنى باعانى من نفس المشكله
وسيارتى لادا 2110

[aldesha989]

لو تقصد ان العجل مش بيلف كامل حاول تتأكد والعربيه واقفه وتلف الدركسيون لفتين يمين ولفتين شمال وتشوف العجل بيلف كامل ولا لا لو مش بيلف كامل مش متأكد العيب هيكون منين بصراحه

[mem]

عربيتك نوعها ايه ويا ترى فيها باور ولا لا

[SunSet]

عربيتك نوعها ايه ويا ترى فيها باور ولا لا

Maruti with no Power

[aw2100]

اللف يمين وشمال كل عربية ليها نصف قطر للدوران ودة حسب فتحة العجلة والمهم فى الموضوع ان يكون اللف يمين زى اللف شمال بمعنى فية عربية بتحود يمين اكثر من الشمال والعكس ودة بيكون من ظبط الزوايا ومن علبة الدركسيون او الاسكترا فى الماروتى روح اظبط زوايا وهو حيقولك ان كانت فتحة العجل مضبوطة ولا فى مشكلة فى الاسكترا او فى العفشة والله اعلم

[SunSet]

اللف يمين وشمال كل عربية ليها نصف قطر للدوران ودة حسب فتحة العجلة والمهم فى الموضوع ان يكون اللف يمين زى اللف شمال بمعنى فية عربية بتحود يمين اكثر من الشمال والعكس ودة بيكون من ظبط الزوايا ومن علبة الدركسيون او الاسكترا فى الماروتى روح اظبط زوايا وهو حيقولك ان كانت فتحة العجل مضبوطة ولا فى مشكلة فى الاسكترا او فى العفشة والله اعلم

جزاك الله خيرا

انا حاسة ان العربية محتاجة مشوار ضبط زوايا واتزان والكلام ده

كمية مطبات غير مرئية بتأخذها العربية

لها الله

[linkin2008]

ظبت زاوايا الاول وبعدين شوف انا كان عند المشكلة دية فى 128 والمشكلة طلعت ان كان فى عجلة ماخرة مش فاكر كام سنتى فروحت لسمكرى وعملها زرجينة و الحمد لله ظبتت

[canner]

فعلا شكلها زوايا

تحياتى

[akmm]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[walaaeldeen]

السلام عليكم
هل العيب ده عند اللف يمين وشمال ولا في ناحيه واحده
والله المستعان

[SunSet]

ما تفكرونيش ايه اللي حصل !!!