انا بإذن الله هجيب عربية مستعمله كنت عايز اعرف ايه الي هستلمه مع العربية ؟؟

[thisisman]

الاعضاء الكرام

دي اول مره ليا هشتري عربية و طبعا هجيب مستعمل اتعلم فيه شوية فكنت عايز اعرف من حضارتكم ايه الحاجات الي بستلمها من الي هشتري منه غير العربية طبعاً هههههه و لو في نصايح ابقى شاكر ليكم

و شكرا جزيلاً

[mem]

اولا مبروك مقدما للعربية
ثانيا الحاجات اللى ها تستلمها مع العربية هى كالتالى
1 كوريك رفع العربية
2 مفتاح فك العجل
3 الاستيبن
4 طفايه الحريق
5 الكاسيت والسماعات لان فى ناس عند البيع تلاقيه شال الكاسيت والسماعات يكون جايب ماركات غالية فبيشلها وخلاص من غير ما يقول وفى ناس بتشلها وتركب مكانها سماعات وكاسيت عاديين فتاكد بس من الجزئية ده
الخمس حاجات دول دول حاجات اساسية
فى بقى حاجتيين استتثنائيتين هما مش الزاميين زى السابقيين
1 غطاء العربية انت وحظك
2 شنطه عده صغيره انت وحظك

[thisisman]

اولا مبروك مقدما للعربية
ثانيا الحاجات اللى ها تستلمها مع العربية هى كالتالى
1 كوريك رفع العربية
2 مفتاح فك العجل
3 الاستيبن
4 طفايه الحريق
5 الكاسيت والسماعات لان فى ناس عند البيع تلاقيه شال الكاسيت والسماعات يكون جايب ماركات غالية فبيشلها وخلاص من غير ما يقول وفى ناس بتشلها وتركب مكانها سماعات وكاسيت عاديين فتاكد بس من الجزئية ده
الخمس حاجات دول دول حاجات اساسية
فى بقى حاجتيين استتثنائيتين هما مش الزاميين زى السابقيين
1 غطاء العربية انت وحظك
2 شنطه عده صغيره انت وحظك

ربنا يخليك و متشكر جدا

[thisisman]

طب و الكتالوج ؟؟؟؟

[mem]

طب و الكتالوج ؟؟؟؟

الكتالوج لو العربية حديثة اطلبه لكن فى كتيير ناس بيضيع منها الكتالوج فمش مهم
لانك سهل تنزله من النت او تصوره بعد كده من اى حد
فحضرتك تحاول بس انك تخليه يلاقيه لو قال لك انه ضائع
اما لو عربيه قديمه فصعب تلاقى الكتالوج معاه من الاساس

[thisisman]

متشكر جدا

[magic girl]

لو عربية جديدة شوية كمان ياريت يبقى معاها جدول الصيانات و اللي اتعمل فيها و اتغير فيها أو الصيانة الدورية اللي حصلت.. و استفسر كويس عن امتى اخر مرة عمل الصيانة و غير السيور والفلاتر و الزيوت.. و ربنا يباركلك فيها :)

[pro_samir]

لو عربية جديدة شوية كمان ياريت يبقى معاها جدول الصيانات و اللي اتعمل فيها و اتغير فيها أو الصيانة الدورية اللي حصلت.. و استفسر كويس عن امتى اخر مرة عمل الصيانة و غير السيور والفلاتر و الزيوت.. و ربنا يباركلك فيها :)

+1

والأفضل تشوف الهيستوري بتاعها في التوكيل علشان تطمن

[nab!l]

نسختين من المفتاح

[ahmdmagdy]

لو العربيه شاريها من مالكها الاول و محافظ عليها هيديك نسختين مفتاح و الكاتالوج و خللي بالك لو ملقتش استبن ف العربيه او كوريك تبقي نزل تمنهم من سعرها

[thisisman]

متشكر جدا لمجهوداتكم

[bebom]

خلي بالك بعد لما تكشف عليها كويس جد وياريت لو حديثة تكشف عليها في التوكيل

الي هتستلمه
زي مقالك احد الاعضاء الكويك والمفتاح( خد بالك لازم تجربه انا اشتريت عربيتين وكل مرة الكوريك والطفايه بايظين والسمعات سماعه بس الي شغاله والاستبن شوفه عشان في مره كان ملوح عندي بايظ) شوف ولو مش موجودين او بيظين نزل في تمنهم

البطاريه اكشف عليها (برده في المرتين البطاريه جايبه ربع)


حسام السويدي

[Ahmed.sawy]

1 كوريك رفع العربية – وتتاكد انه شغال
2 مفتاح فك العجل
3 الاستيبن
4 طفايه الحريق - وتتاكد انها شغاله وتاريخها تشوفه
5 الكاسيت والسماعات
6 نسختين من المفتاح
وفي حاجات لازم تشوفها كويس يعني تكشف علي كبس الموتور وتشوف نظافه الرادياتير والبطاريه تكشف عليها و مش هيضر لو كشفت علي دينموا الشحن
وربنا معاك ومبروك مقدما