محتاجه نصيحه لاول مره اشترى عربيه

[asmaazz]

محتاجه نصيحه منكم ياجماعه انا دلوقتى خلاص الحمد لله هشترى لاول مره عربيه وهجيب طبعا مستعمل اتعلم فيه الاول ف قررت على اونو ان شاء الله كذا حد نصحنى بيها علشان ناعمه فى سواقتها
انا كنت متعلمه سواقه من فتره فى مدرسة سواقه بس من ساعتها تقريبا مسوقتش غير مره او اتنين وفى اماكن فاضيه مش زحمه
ناس كتير بتنصحنى دلوقتى اروح اخدلى حصتين او تلاته سواقه تانيه فى اى مدرسه قبل ماركب عربيتى علشان مش اهلك عربيتى اول لما اجيبها وناس تانيه تقولى اتعلمى ف عربيتك احسن ف انا مش عارفه اعمل ايه
تنصحونى بايه اروح اخد حصتين تلاته ولا اسوق ف عربيتى ع طول للعلم انا خلاص هشترى خلال الاسبوع ده ان شاء الله

[gadoo30]

خدى حصتين تلاتة الاول علشان تفتكرى اصلى الواحد دايما بينسى

[asmaazz]

خدى حصتين تلاتة الاول علشان تفتكرى اصلى الواحد دايما بينسى

ميرسى لردك

[bergkamp]

على حسب امكانياتك لو قلبك جامد زيى اركبى عربيتك ومش تخافى دا السواقه سهله جدا

[S O P H O S]

ممكن تخدي حد مع حضرتك يستلم العربية
وبعدين تجربي تسوقيها فوقت هادي وتاخدي عليها
وده افضل شئ هو التعود علي العربية الي هتبقي معاكي علطول ..

[asmaazz]

شكرا ليكم كلكم هو انا الحمد لله قلبى جامد ف السواقه وبالنسبه ان حد هيكون معايا وانا بستلمها ف ده اكيد باذن الله

[S O P H O S]

ان شاء الله تستلمي علي خير ..

[akmm]

موفقه فى القياده ..........

[samo9992003]

لو عاوزه حد كويس بيعلم سواقه فى اسكندريه قوليلى ابعتلك رقمه عالخاص

[asmaazz]

لو عاوزه حد كويس بيعلم سواقه فى اسكندريه قوليلى ابعتلك رقمه عالخاص

ميرسى لاهتمام حضرتك هو انا متعلمه بس انا حبه افتكر مش اكتر علشان معملش غلطات فى عربيتى هى دى الفكره

[mohamedrabia]

اهم شي في القياده الممارسة واكتساب مهارتها من خلال الاحتكاك بالطرق واكيد الفترة دي في الاسكندرية خاليه من الزحمة فهي فرصه عظيمة للممارسة علي سيارتك وبدل ما تاخدي حصص وتكلفي نفسك زي ما الاعضاء قالوا اتعلمي علي عربيتك واتعودي عليها وخدي في يوم بدري كده مع شروق الشمس الكورنيش مشوار واحد بمنحنياته وعيشي تجربه القياده

[asmaazz]

اهم شي في القياده الممارسة واكتساب مهارتها من خلال الاحتكاك بالطرق واكيد الفترة دي في الاسكندرية خاليه من الزحمة فهي فرصه عظيمة للممارسة علي سيارتك وبدل ما تاخدي حصص وتكلفي نفسك زي ما الاعضاء قالوا اتعلمي علي عربيتك واتعودي عليها وخدي في يوم بدري كده مع شروق الشمس الكورنيش مشوار واحد بمنحنياته وعيشي تجربه القياده

ميرسى لرد حضرتك وهى تقريبا هترسى على كده ف الغالب