مقياس الكاوتش غريب

[samozaen91]

بسم الله الرحمن الرحيم
وبه نستعين
الحقيقه انا محتار جدا
نفخت الكاوتش عند حد عنده كومبيوتر زى اللى بيبقى فى او ذا رن و قلى انه كده منفوخ 30
قولت تمام بس مشيت من عنده و لقيت الفرامل ضعفت و الكاوتش بقى بصرخ مع الفرمله
ة الطاره بترعش على 30 و 40 كم قولت مابدهاش كده فى حاجه فى الكاوتش روحت لوحد تانى بتاعمل معاه من زمان عنده المقياس اليدوى قالى كلهم كانوا 25
المهم كل واحد عنده مقياس و كل واحد بيطلع الكاوتش على مزاجه ياترى مين الصح المقياس اليدوى (المدور) ولا مقياس الكومبيوتر ؟؟؟؟ و هل حد حصل معاه كده ؟؟؟

[akmm]

المفروض المقياس اللى بالكومبوتر بيب الأصح ... لأنه بيتوقف عن دفع الهواء عند الوصول للضغط المعلم عليه مسبقا ... والمقياس التانى عاده بيكون مش مضبوط من كثره استخدامه عند بتاع الكاوتش ... اناافضل يكون معاك مقياس خاص بيك وهو تمنه حوالى من 20 الى 30 جنيه.

[walaaeldeen]

السلام عليكم
عند ظبط ضغط الأطار لابد ان يكون بارد مش واخد بيه مشوار
فمن الممكن ان يكون القياس الأول وانت ماشي مشوار طويل
والقياس الثاني تكون لسه طالع من البيت
والله المستعان

[gadoo30]

هات كمبروسر صغير واظبط هواك بنفسك وريح دماغك من افتكاسات بتوع الكاوتش

[Dr.M_baz]

بتوع الكاوتش فعلا في اختلافات كبيره بينهم.

[momo44]

المقياس ايا كان هو ايه
مع الاستعمال المتكرر بتضعف الابرة فبيدى قراية مش مظبوطة
الاحسن مقياسك فى شنطتك
وقيش لنفسك