الفرق بين النيتروجين و الهواء فى الكاوتش

[mood_8210]

بسم الله الرحمن الرحيم

قبل ما نعرف مميزات و عيوب النيتروجين او الهواء فى الكاوتش
لازم نعرف مكونات كل واحد فيهم


- النيتروجين بيكون عبارة عن نيتروجين صافى N2

-الهواء بيتكون من 78% نيتروجين و 21% اكسجين O2 و 1% مكونات تانية
زى بخار المياة و ثانى أكسيد الكربون CO2


- مميزات نفخ الكاوتش نيتروجين هى :-

- النيتروجين كثافتة اكبر من الاكسجين و بالتالى
الأكسجين ممكن يهرب بنسبة أكبر من مسام الكاوتش على عكس النيتروجين
و دة طبعا حيسبب ان ضغط الكاوتش حيقل و النيتروجين بيحد من المشكله دى.




- لما بتتغير درجة حرارة الكاوتش و دة طبعا بسبب الاحتكاك مع الطريق فبالتالى بتزيد
درجة حرارة الهواء داخل الكاوتش و اللى بدورة بيسبب تكثف بخار المياة الموجود بنسبة 1% و اللى حيسبب تغير فى ضغط الكاوتش المطلوب و النيتروجين بيمنع
حدوث كدة لأنة مفيهوش أى بخار ماء .

- بخار الماء الموجود فى الهواء لما بتزيد درجة حرارتة و يتكثف فى صورة نقط مياة
ممكن على المدى الطويل يسبب صدأ فى معدن الجنط من جوة بس المشكلة دى نادرة الحدوث و لا تشكل أهمية .

- أما بالنسبة لعيوب نفخ الكاوتش بالنيتروجين فلحد دلوقتى على حسب علمى مفيش اى عيوب غير أنة مكلف نسبيا بالمقارنة للهواء العادى .

ملحوظة : فروقات ضغط الكاوتش اللى بيسببها الهواء العادى بتكون بسيطة
يعنى مثلا لو الكاوتش منفوخ على ضغط 32 ممكن بعد فترة يقل و يوصل 30 او يزيد و يوصل 34

[S O P H O S]

تسلــم الايـــادي ..

[akmm]

مشكور .... وضيف على عيوب النتروجين انه مش موجود فى كل مكان خاصه فى السفر

[muha]

شكرا علي المجهود

[aldesha989]

والله هو ممتاز بس لو انتا معاك منفاخ هواء فى العربيه يااما تحرقه ياما تخليه لما الكاوتش ينام وترجع للهواء الطبيعى :d
انا كنت بفكر احط نيتروجين بس قولت على ايه اجيب منفاخ هواء احسن اشيله وكده كده لو العجله اتخرمت مش هيفرق معاها ولا نيتروجين ولا هواء

[_hema]

تسلم ايديك ياباشا على المعلومه