ممكن الجواب النهائى لعمر الزيت بالوقت مش بالكيلو

[bassem100]

ممكن الجواب النهائى لعمر الزيت بالوقت مش بالكيلو
يعنى لو حطيت زيت ال 10000 ويقعد وقت قد ايه العربية بغض النظر عن عداد الكيلومتر علشان مكتوب على الجركن بتاعه الصلاحية 4 سنوات معنى كده ان عمره بالوقت مش بس الكيلو فيارت لو حد يعرف يقول الرد وشكرا مقدما

[dr.hazem]

عمر الزيت جوه الماتور غير عمره في الجركن....
الزيت المعدني لا ينصح تركه أكثر من 6شهور والتخليقي سنه....


تحياتي

Sent from my SE Arc S using Forum Runner

[S O P H O S]

عمر الزيت جوه الماتور غير عمره في الجركن....
الزيت المعدني لا ينصح تركه أكثر من 6شهور والتخليقي سنه....

+111111111

[bassem100]

طيب ليه الكلام ده مش بيتكتب على العبوة بتاعة الزيت زى مثلا المنتجات الغذائية التى يكتب عليها يستهلك خلال اسبوع من فتح العبوة

[مواطن مصرى]

عمر الزيت داخل الجركن من سنتين الى 5 سنين حسب نوع الزيت و الشركه المصنعه له و احيانا بيكتبوا على الزيوت المستورده تاريخ الانتاج و الصلاحيه

عمر الزيت داخل الموتور ..

لو زيت معدنى احادى الدرجه (شيل الاحمر و كالتكس الرمادى مثلاً) عمره 3 شهور

لو زيت معدنى (شيل الاصفر و موبيل سوبر و التعاون مثلاً) عمره 6 شهور

لو زيت تخليقى (موبيل 1 و فالفولين مثلاً) عمره سنه

[Amr Axel]

بص يا باشا استحالة تلاقي شركة منزلة الزيت يقعد كام كيلو او اد ايه في الموتور لكن ليه تاريخ صلاحية بدون استخدام زي اي حاجة في الدنيا و ديه بتفرق من زيت لأخر لكن غالبا بتكون 3-5 سنين بدون استخدام و معبأ و محفوظ
اما بخصوص تحديد وقت الزيت في الموتور ديه بتعتمد ع حسب الجو و طريقة السواقة و حالة الموتور
اما يفضل و ميفضلش ديه مش عشان الزيت بس لكن عشان الموتور نفسه
يعني بص مثلا في دليل العربية هيقولك الزيت يتغير كل اد ايه سواء بالكيلو او المدة ع سبيل المثال عندي ينصح بتغيير الزيت كل 5000 ك او 4 شهور و بتفرق من عربية لعربية
بالاضافة ان مفيش حاجة اسمها زيت بيقعد 10 الاف و زيت بيقعد 5 الاف فيه حاجة اسمها لزوجة مناسبة للموتور و للجو المحيط بالعربية يعني ع سبيل المثال عندي مطلوب 10w30 طبعا 30 متنسبش هنا و بالتالي بدل 30 بخليها 40 او 50
اما رقم 10 ده فديه لزوجة الزيت في درجات الحرارة المنخفضة و طبعا كل ما كان أخف كل ما يقدر يوصل لأجزاء الموتور اسهل و اسرع و مش هتلاقي أقل من 5 هنا لكن فيه 10 و 15 و 20
لكن طبعا مع المواتير اللي عدت 100 ك انا بفضل ان يتحطلها 10w40 او 15w40 او 15w50 بما انها الزيوت المناسبة للجو هنا
و مش معني ان الدليل بيقول الزيت ينصح بتغييره كل 5 الاف معناه اني اروح احط زيت معدني اللي بيقولوا عليه بيقعد 5 الاف لأ طبعا لكن بحط الزيت المناسب للموتور و الجو و ع فكرة قبل كده نزلت زيت معدني ع 8 الاف تقريبيا و كان فيسكو 2000 كمان المهم متابعة حالة الزيت و لزوجته و ريحته هي اللي تحدد اذا كان حان ميعاد تغييره و لا لأ

و عامة انا لا افضل وجود الزيت في الموتور اكتر من4-6 شهور اي ان كان

[bmw323]

بص يا باشا استحالة تلاقي شركة منزلة الزيت يقعد كام كيلو او اد ايه في الموتور لكن ليه تاريخ صلاحية بدون استخدام زي اي حاجة في الدنيا و ديه بتفرق من زيت لأخر لكن غالبا بتكون 3-5 سنين بدون استخدام و معبأ و محفوظ
اما بخصوص تحديد وقت الزيت في الموتور ديه بتعتمد ع حسب الجو و طريقة السواقة و حالة الموتور
اما يفضل و ميفضلش ديه مش عشان الزيت بس لكن عشان الموتور نفسه
يعني بص مثلا في دليل العربية هيقولك الزيت يتغير كل اد ايه سواء بالكيلو او المدة ع سبيل المثال عندي ينصح بتغيير الزيت كل 5000 ك او 4 شهور و بتفرق من عربية لعربية
بالاضافة ان مفيش حاجة اسمها زيت بيقعد 10 الاف و زيت بيقعد 5 الاف فيه حاجة اسمها لزوجة مناسبة للموتور و للجو المحيط بالعربية يعني ع سبيل المثال عندي مطلوب 10w30 طبعا 30 متنسبش هنا و بالتالي بدل 30 بخليها 40 او 50
اما رقم 10 ده فديه لزوجة الزيت في درجات الحرارة المنخفضة و طبعا كل ما كان أخف كل ما يقدر يوصل لأجزاء الموتور اسهل و اسرع و مش هتلاقي أقل من 5 هنا لكن فيه 10 و 15 و 20
لكن طبعا مع المواتير اللي عدت 100 ك انا بفضل ان يتحطلها 10w40 او 15w40 او 15w50 بما انها الزيوت المناسبة للجو هنا
و مش معني ان الدليل بيقول الزيت ينصح بتغييره كل 5 الاف معناه اني اروح احط زيت معدني اللي بيقولوا عليه بيقعد 5 الاف لأ طبعا لكن بحط الزيت المناسب للموتور و الجو و ع فكرة قبل كده نزلت زيت معدني ع 8 الاف تقريبيا و كان فيسكو 2000 كمان المهم متابعة حالة الزيت و لزوجته و ريحته هي اللي تحدد اذا كان حان ميعاد تغييره و لا لأ

و عامة انا لا افضل وجود الزيت في الموتور اكتر من4-6 شهور اي ان كان

+1111111111111111111111111111

[bassem100]

طيب مش الفيصل اللزوجة يبقى ايه المشكلة فى انه يقعد فترة فى العربية طالما الزوجة كويسة وبعدين لو وجوده فى الماتور بيأثر عليه هيكون بسبب ايه انه بتعرض لتغيير فى درجة الحرارة طيب لو هو بيتأثر بدرجة الحرارة بالطريقة دى يبقى ممكن يبوظ بسرعة فى المناطق شديدة الحرارة او شديدة البرودة قبل استخدامه وهو فى علبته وبعدين مش فى ناس بتحرق على الماتور وناس سواقتها هادئة مش بتحرق بدرو لازم الزيت يتغير بدرى

[akmm]

راى المتواضع مش اكتر من 6 شهور يعنى مرتين فى العام ... كتير على ضمان حاله المحرك ..؟؟

[Amr Axel]

طيب مش الفيصل اللزوجة يبقى ايه المشكلة فى انه يقعد فترة فى العربية طالما الزوجة كويسة وبعدين لو وجوده فى الماتور بيأثر عليه هيكون بسبب ايه انه بتعرض لتغيير فى درجة الحرارة طيب لو هو بيتأثر بدرجة الحرارة بالطريقة دى يبقى ممكن يبوظ بسرعة فى المناطق شديدة الحرارة او شديدة البرودة قبل استخدامه وهو فى علبته وبعدين مش فى ناس بتحرق على الماتور وناس سواقتها هادئة مش بتحرق بدرو لازم الزيت يتغير بدرى

لأ طبعا مش اللزوجة بس ممكن فيه لزوجة لكن اتأكسدو ده يبان من ريحته
و طبعا بتفرق من سواقة لسواقة عشان كده بنقول مفيش حاجة اسمها زيت يقعد 5000 و زيت 10000 مثلا واحد سواقته هادية و نقلاته ع ار بي ام منخفض من الاخر ناقص يمشي ع جنب و الموتور حالته كويسة و الجو معتدل الزيت هيعيش معاه اكتر من واحد طول مهو ماشي بيحرق و ار بي ام عالي او درجة الحرارة اعلي من المعتاد و ديه صعب نوصلها هنا لأن درجة الحرارة مبتزدش عن 40-45 لو الحر شديد و فيه زيوت 60 كمان لكن ديه اللي تناسب جو الخليج اكتر في الصيف
ع سبيل المثال انا غير زيت تخليقي ع 4000 لأن لزوجته راحت عشان كنت بحرق جامد و طول مانا ماشي شادد و مش كده و بس لأ كمان نقص كام ملم
حكاية انه يقعد و التغيير الزيت له صلاحية بدون استخدام يعني معبأ و محفوظ في حالة الاستخدام و مع مرور الوقت خلاص الصلاحية بتقصر هديك مثل الكاوتش صلاحيته بدون استخدام 5-6 سنين مع الحفظ الجيد لو الحفظ غير جيد يبقي الصلاحية هتقل نيجي للاستخدام كبييره هيكون 3-4 سنين لو مبتمشيش عليه كتيير كمان ان مكنش يباان اعراض تغييره زي لوحه او مسح النقشة و السلك يبان ليه بيقل لأنه خلاص اتركب و بقي معرض لعوامل كتيير زي الشمس و الحر و التراب و المية و الطينة و الاراضي الوعرة كل ده بيقل من عمر الكاوتش
نيجي للفرق بين واحد و واحد زي مقولت واحد ساوقته هادية و ماشي بعقل الكاوتش ممكن يعيش معاه الـ3-4 سنين زي الفل لكن بعدها هيكون معرض للتلف في اي لحظة في الاواخر و واحد سواقته كلها شد و غرز و جري و فرملة الكاوتش هيجيب اخره و ممكن ميكملش معاه سنة حتي و الموضوع بيعتمد بقي طبعا غير جودة الكاوتش اللي تفرق
نرجع للزيت تاني المعدني دايما يقولك كبييره 6 شهور في الموتور و التخليقي سنة لأن صلاحيه التخليقي بتكون اطول من المعدني و خاصة في موضوع الأكسدة
و لكن في جميع الحالات شخصيا مفضلش الزيت يقعد اكتر من 4-6 شهور اي ان كان الزيت معدني او تخليقي بالاضافة لكلام المصنع اللي لازم تمشي عليه المصنع مش عامل اختبارات و مكلف نفسه ملايين و مليارات و يطلع بالنتيجة ديه عشان يغلس علينا في تغيير الزيت كل كام شهر هههههههه
و زي مقولت قبل كده عربيتي ينصح بتغيير الزيت كل 5 الاف ك او 4 شهور - فيه عربيات 5 الاف او 3 شهور و فيه عربيات 15 الف او 6 شهور و لاحظ ان ده في الظروف العادية يعني في الظروف عندنا و الجو هنا شايف ان 6 شهور كتيير و بالتالي بتفرق من مكان لمكان طبقا لظروفه
و متنساش نقطة كمان تنظيف الموتور لأن الزيت مهمته مش تزييت الاجزاء فقط لكن تنظيف الموتور كمان و بالتالي كل ما كان التغيير اقرب كل ما الموتور بيتنضف اكتر بواسطة الزيت غير لما تفضل سايب زيت مليان رواسب و كربون و يفضل رايح جي في الدورة و بالتالي مش هينضف زي ما اتحط اول مرة و كان لسه نضيف و لا ايه يا رجالة :)

[sakr_skoda]

مش عارف ايه الموضوع دا بالظبط يعنى ممكن احط الزيت فى العربية واركنها شهرين تلاته يبقى الزيت خلاص....* المكتوب على الجركن هو صلاحية الزيت للاستعمال ولاكن بعد تفريغة بالماتور يحسب العمر بالكيلومتر يعنى لو جبت زيت ينتهى الصلاحية عام 2018 مثلا يبقى احطه النهاردة واغيرة سنة 2018 !!!!!!!!!!!! حاجة فعلا غريبة ....

[bassem100]

لا طبعا مش ده المقصود المقصود لو العربية استعملها قليل وصعب الوصول لعدد الكيلو متر بتاع تغير الزيت ما هى اقصى فترة يتحملها الزيت داخل الماتور مع الإستخدام القليل مجرد نقاش لان مفيش مرجع موثق للكلام ده

[sno7y]

طيب انا عندى سوال لو انا عندى زيت بتاريخ قديم ممكن احط معاه زيت جديد مع العلم ان الاتنين مش مستخدامين يعنى لسه فى الجركن