موضوع شاغل مخى يا رجاله يارب حد يكون عارف

[aldesha989]

السلام عليكم ورحمة الله وبركاتة

ازيكم يا شباب

انا دلوقتى شاغل مخى حاجه وعايز اعرف عنها كل حاجه
اولآ يعنى ايه cc الماتور انا اللى عارفه انه سعة الماتور
بس مش فاهم يعنى ايه
وعارف انه كل ما يقل سحب العربيه بيقل ومش بتجمع زى ما يكون عالى
يعنى التسارع وكده من 0 مثلآ ل 100 فى قد ايه

بس هو بيشتغل ازاى والياته ايه وهل ممكن مثلآ عربيه 1100 سى سى نخليها اكبر ؟ 1600 مثلآ ؟

[graffittiii]

http://www.nilemotors.net/Nile/58-1.html

[aldesha989]

http://www.nilemotors.net/nile/58-1.html

الف شكر بس الموضوع ما جاوبش على سؤالى اللى هو السى سى وكيفية تكبيره وتصغيره ودوره ايه فى الماتور

[AlGazar2]

السى سى ده حجم او كمية الخليط المحروق من الهواء و البنزين فى اللفه الواحدة

تكبيره او تصغيره ممكن بس صعب و مش فى كل المواتير
اشهر ماتور بيتعمل فيه كده بتاع البيجو ال 1800 بيتجابلة بساتم و شمايز ال 2000 سى سى و يتخرط عند الخراط و تركب الحاجة بتاعه ال 2000 سى سى و يبقى ماتور 2000 سى سى

بس طبعا ده كان بيتعمل فى الماتور ده بالذات بسهولة عشان الماتورين كانوا زى بعض تقريبا فى كل حاجة و المسافة بين جدار البستم تسمح انه يتخرط و الماتور يستحمل

[aldesha989]

السى سى ده حجم او كمية الخليط المحروق من الهواء و البنزين فى اللفه الواحدة

تكبيره او تصغيره ممكن بس صعب و مش فى كل المواتير
اشهر ماتور بيتعمل فيه كده بتاع البيجو ال 1800 بيتجابلة بساتم و شمايز ال 2000 سى سى و يتخرط عند الخراط و تركب الحاجة بتاعه ال 2000 سى سى و يبقى ماتور 2000 سى سى

بس طبعا ده كان بيتعمل فى الماتور ده بالذات بسهولة عشان الماتورين كانوا زى بعض تقريبا فى كل حاجة و المسافة بين جدار البستم تسمح انه يتخرط و الماتور يستحمل

الله يكرمك
طب انا الماتور بتاعى 1100 سى سى مازدا 121
هل ممكن مثلآ اخليه 1400 طبعآ مش هعمل حاجه زى دى دلوقتى ممكن لو لاقدر الله هعمل عمرة ماتور بس هل ينفع
والحجم ده بيتقاس بالملى ولا بالسنتى ولا بيتقاس ازاى

[graffittiii]

والحجم ده بيتقاس بالملى ولا بالسنتى ولا بيتقاس ازاى

معلش أعذرني أنا مش بعرف أشرح أوي بس هقول في حدود معلوماتي ...

هي نقدر نقول عليها سعة مش حجم لإننا بنتكلم عن الحيز الداخلي للإسطوانة ...
وسعة الإسطوانة هنا المقصود بيها كمية خليط الهواء والوقود اللي ممكن تاخده الإسطوانة ...
والسعة بتتقاس بالـ سي سي ( سم مكعب ) ( Cubic Cm ) ...
وممكن تتقاس بأي وحدة مكافئة زي اللتر ( اللتر = 1000 سم مكعب ) مثلا يقولك المحرك ده سعته 1.2 لتر يعني 1200 سي سي ..

طبعا العربية بيبقي فيها أكتر من إسطوانة بيتحرك جوا كل واحدة مكبس مكبس والحتة دي هتلاقيها شرحها هنا سهل أوي ومشبهها بالحقنة الطبية ...

طيب وإزاى المحرك بيعمل الحاجات دى كلها، برضه بسيطة،فى قلب المحرك الملتهب يوجد اهم اجزاء المحرك، المكبس piston او ما نطلق عليه البستم وحمعها بساتم ، والذى يتحرك صعودا وهبوطا داخل إسطوانة cylinder التى نطلق عليها إسم السلندر، بالضبط نفس فكرة الحقنة الطبية، لتسهيل التخيل إعتبر ان محرك العربية الأربعة سلندر عبارة عن اربعة حقن جنب بعض كل حقنة منهم لها فتحتين إبرة مش فتحة واحدة والاربعة حقن فتحات الإبرة بتاعتهم لفوق وايد المكبس لتحت، البستم دا له اربع مهمات بيقضى حياته كلها يمارسهم واحدة تلو الأخرى بنفس الترتيب،
المهمة الإولى إنه ينزل لأسفل علشان يسحب مخلوط الهواء والوقود، كأنك بالضبط بتملا حقنة بس بتملاها هوا مش مية، احنا قلنا ان كل حقنة لها فتحتين إبرة، ليه فتحتين ، علشان واحدة هانملا منها وواحدة هانفضى منها وكل واحدة بتفتح وتقفل بطريقة معينة هانشرحها لاحقا لما نغير أسم فتحات الإبر دى ونعرف ان اسمها الصبابات، المهم ان ساعة ما المكبس بينزل لأسفل لسحب المخلوط(اللى بيكون فى شكل غاز(هواء +بخار بنزين) وليس سائل)، تكون الفتحة(الصباب) الخاصة بدخول المخلوط مفتوحة، والأخرى الخاصة بطرد العادم مقفولة

المهمة الثانية للبستم انه يرتفع لأعلى علشان يكبس المخلوط، فى هذة الحال تكون الفتحتين العلويتين، اللى هانسميهم من ديلوقتى صباب الوقود وصباب العادم مقفولين، كأنك بتضغط على حقنه هواء بإيدك وانت سادد طرفها العلوى بصباعك، لحد ما المكبس يوصل لنهاية مشوارة من فوق، وعادة نهاية المشوار مش بتكون عند نهاية السلندر من فوق ولكن قبلها بشوية لان المخلوط الموجود لازم يبقى له حيز يعيش فيه(جرب بنفسك انك تضغط على حقنه هواء وانت سادد مخرجها بإيدك، لو انت عضلاتك قوية هاتكسر الحقنة قبل ما تقدر توصل المكبس لنهاية الحقنة ولو عضلاتك زى عضلاتى مش هاتقدر توصله لاكثر من تلات تربع مشواره)، (ملحوظة: يمنك إجراء هذة التجربة بالمنزل :) )

قبل ما نتكلم على المهمة التالتة للبستم لازم نقول ان اول ما البستم بيخلص مهمته التانية بتحصل حاجة تانية جوا السلندر، لان السلندر يزيد عن الحقنة فى حاجة كمان غير فتحتين الإبرة، ان احنا مركبين فيه ولاعة كهربا بتطلع شرارة زى بتاعة البوتاجاز ، راكبة فى السلندر من فوق جنب الفتحتين، الولاعة دى هانسميها بعد كدة شمعة الإحتراق- البوجيه-spark plug ولما المكبس بيوصل لأخر مشواره بتروح الولاعة دى عاملة شرارة، هوب يروح البنزين مولع فى الهوا، مع الإشتعال دا المخلوط بيتمدد بعنف ويبقى عنده طاقة يزق بيها المكبس اللى بدوره بيزق باقى اجزاء المحرك زى ما هانشرح لاحقا، ناخد بالنا ان الصبابين لسة مقفولين وبالتالى فإن الوقود معندوش فرصة يصرف الطاقة دى غير انه يزق بيها المكبس وهنا يقوم المكبس بمهمته التالتة انه يتزق بفعل الوقود المحترق وينزل لتحت ويحرك الموتور والعربية لحد ما يوصل لأخر مشوارة من تحت

المهمة الرابعة بسيطة جدا، هى ان صباب العادم(فتحة الإبرة التانية) اللى كان مقفول من ساعة ما بدأنا الحكاية بيفتح فى اللحظة دى والبستم يطلع لفوق لتنفيذ مهمته الاخيرة وهى التخلص من المخلوط المحترق ودفعه الى خارج المحرك فى شكل عادم بعد ان ادى المخلوط وظيفته فى الحياة وشغل المحرك لفة ، وبعدها يقفل صباب العادم وصباب البنزين يفتح ونعيد الحكاية من تانى
البستم بيعمل الحكاية دى كتير؟ لأ مش كثير أوى، بيكرر القصة دى فى حدود خمسة وعشرين مرة فى الثانية الواحدة لو انت ماشى بسرعة متوسطة3000 RPM يعنى انت فى مشوار لحد أسكندرية على سرعة 100 كيلومتر فى الساعة بيكون كل بستم كرر القصة اللى فوق دى حوالى نص مليون مرة ، بيتعب والله البستم دا

طيب نبتدى نسأل شوية أسئلة: البستم دا طالع نازل، إزاى الحركة الترددية دى بتتحول الى حركة دائرية، سهلة جدا، جربت تفتح شباك عربية قبل كدا؟ أكيد، انت كتفك بيطلع وينزل بس ولكن مش بيلف حوالين محوره ، وإيدك بتاخد حركة كتفك تحت وفوق وهى بتتحرك يمين وشمال فتكون المحصلة حركة ايدك على اكرة الشباك حركة دائرية، الأكرة تاخد الحركة دى وتنقلها للمحور بتاعها فى شكلا حركة دوران صرفة( طبعا الكلام هنا مش على الإزاز الكهربا، اللى عنده عربية إزاز كهربا ربنا يباركله بس مش دا موضوعنا :))))) ) ، نفس الفكرة بيعمله مكبس العربية، يعنى الفرق بين مكبس العربية ومكبس الحقنة ان إيد مكبس الحقنه هى جزء لا يتجرأ منه لكن إيد مكبس العربية (هانسمييها بعد كدة البييل connecting rod) موصولة فى المكبس بمفصلة تسمح لها بالحركة يمين وشمال، فلو تخيلنا المكبس وهو طالع نازل والبييل بيروح يمين وشمال زى البندول هاتبقى عندنا حركة دائرية، البييل من طرفه الأخر السفلى بيبقى مربوط بمفصلة بحاجة زى أكرة الشباك بالضبط إسمها عمود الكرنك( بالمناسبة المفصلة اللى بين البييل والبستم اسمها البنز واللى بين البيل وعمود الكرنك اسمها السبيكة)، وعمود الكرنك دا عبارة عن مجموعة من أوكر الشبابيك متوصلة فى بعض بتاخد الحركة من كل البساتم وتحولها لحركة دائرية وهى دى الحركة اللى انا باخدها من الموتور


(:@:)سبعاوى

[aldesha989]

معلش أعذرني أنا مش بعرف أشرح أوي بس هقول في حدود معلوماتي ...

هي نقدر نقول عليها سعة مش حجم لإننا بنتكلم عن الحيز الداخلي للإسطوانة ...
وسعة الإسطوانة هنا المقصود بيها كمية خليط الهواء والوقود اللي ممكن تاخده الإسطوانة ...
والسعة بتتقاس بالـ سي سي ( سم مكعب ) ( cubic cm ) ...
وممكن تتقاس بأي وحدة مكافئة زي اللتر ( اللتر = 1000 سم مكعب ) مثلا يقولك المحرك ده سعته 1.2 لتر يعني 1200 سي سي ..

طبعا العربية بيبقي فيها أكتر من إسطوانة بيتحرك جوا كل واحدة مكبس مكبس والحتة دي هتلاقيها شرحها هنا سهل أوي ومشبهها بالحقنة الطبية ...

الله يكرمك ويجزاك كل خير بس يارب حد يقدر يفيدنى لو ينفع اعمل كده مثلآ فى ماتور مازدا 121 اخليه مثلآ 1400 او 1600

[graffittiii]

الله يكرمك ويجزاك كل خير بس يارب حد يقدر يفيدنى لو ينفع اعمل كده مثلآ فى ماتور مازدا 121 اخليه مثلآ 1400 او 1600

أعتقد كـ تعديل علي موتورك ماينفعش ...
لكن أكيد ممكن تسقط موتور أكبر ( من نفس النوع مازدا ) بس يكون متوافق مع الحوض والقواعد ...

وإستني ردود بقيت الأعضاء الأكثر تخصصا إن شاء الله يفيدوك أكتر ...
.

[AlGazar2]

الله يكرمك
طب انا الماتور بتاعى 1100 سى سى مازدا 121
هل ممكن مثلآ اخليه 1400 طبعآ مش هعمل حاجه زى دى دلوقتى ممكن لو لاقدر الله هعمل عمرة ماتور بس هل ينفع
والحجم ده بيتقاس بالملى ولا بالسنتى ولا بيتقاس ازاى

انا معرفش ده ينفع ولا لا بس اعتقد هيكون صعب تلاقى البساتم بتاعه ال 1400
و الماتور نفسه هل هيستحمل الخرط و التوسعه و يعيش ولا لا

ماتور البيجو ده كان ال 1800 هوه ال 2000 بالظبط فى كل حاجة الا سعه الاسطوانة

بص فى فكره لسه جايالى حالا ان انت لو عايز تكبر السعه ممكن بدل ما توسع الاسطوانة تقلل طول البستم بس معرفش الفكره دى فعليا ممكن تتنفذ ولا لا بس فى الغالب لا و دى عايزه حد ليه خبرة فى الميكانيزم بتاعه البساتم و الانضغاط بتاع الماتور و الكرنك و ليها حسابات هندسية كتير عشان الاشعال و وقت قفل و غلق الصمامات

الاسهل من ده كله انك تسقط ماتور اكبر بتاع مازدا على نفس قواعدك و تعدل الفرامل بفرامل اكبر
و يبقى ماتور محدش افتكس فيه الافتكاسات الى لسه قايلها دى

[aldesha989]

أعتقد كـ تعديل علي موتورك ماينفعش ...
لكن أكيد ممكن تسقط موتور أكبر ( من نفس النوع مازدا ) بس يكون متوافق مع الحوض والقواعد ...

وإستني ردود بقيت الأعضاء الأكثر تخصصا إن شاء الله يفيدوك أكتر ...
.

شكرآ ليك تعبتك معايا :)

انا معرفش ده ينفع ولا لا بس اعتقد هيكون صعب تلاقى البساتم بتاعه ال 1400
و الماتور نفسه هل هيستحمل الخرط و التوسعه و يعيش ولا لا

ماتور البيجو ده كان ال 1800 هوه ال 2000 بالظبط فى كل حاجة الا سعه الاسطوانة

بص فى فكره لسه جايالى حالا ان انت لو عايز تكبر السعه ممكن بدل ما توسع الاسطوانة تقلل طول البستم بس معرفش الفكره دى فعليا ممكن تتنفذ ولا لا بس فى الغالب لا و دى عايزه حد ليه خبرة فى الميكانيزم بتاعه البساتم و الانضغاط بتاع الماتور و الكرنك و ليها حسابات هندسية كتير عشان الاشعال و وقت قفل و غلق الصمامات

الاسهل من ده كله انك تسقط ماتور اكبر بتاع مازدا على نفس قواعدك و تعدل الفرامل بفرامل اكبر
و يبقى ماتور محدش افتكس فيه الافتكاسات الى لسه قايلها دى

ربنا يكرمك تعبتك معايا انتا كمان يا جميل بس هى فكره حلوه بس فعلآ زى ما انتا قولت بعد تفكير بسيط هتلاقيها محتاجه دراسه كبيره علشان حاجه بسيطه وخصوصآ الغلطه فى الماتور مش حلوه

طب مثلآ لو انا سقطت ماتور تانى طبعآ انا لو اسقط ماتور اجيبه انجكشين احسن ولا دى محتاجه شغل كتير ؟

بتهيئلى علشان العربيه تبقى انجكشين لازم تبقى كلها حساسات وبلاوى ولا عادى ؟

[AlGazar2]

شكرآ ليك تعبتك معايا :)





ربنا يكرمك تعبتك معايا انتا كمان يا جميل بس هى فكره حلوه بس فعلآ زى ما انتا قولت بعد تفكير بسيط هتلاقيها محتاجه دراسه كبيره علشان حاجه بسيطه وخصوصآ الغلطه فى الماتور مش حلوه

طب مثلآ لو انا سقطت ماتور تانى طبعآ انا لو اسقط ماتور اجيبه انجكشين احسن ولا دى محتاجه شغل كتير ؟

بتهيئلى علشان العربيه تبقى انجكشين لازم تبقى كلها حساسات وبلاوى ولا عادى ؟

مفيش تعب ولا حاجة يا باشا

لا مش لازم تسقطه انجيكشن
عشان هتجيب معاه حاجات كتير كنترول و ضفيره و تعديلات كتير و احنا فى مصر بلد المليون عكاك الا لو تعرف حد ينزلك الماتور الانجكشن و يبقى فنان و معاه واحد كهربائى بريمو عشان الشغل يطلع مظبوط
غير كده يبقى الكاربراتير العادى و لو عايز شد يبقى تجيب الماتور الكاربراتير بتاعه 2 باب او كاربراتير كبير عشان يسحب معاك و سحبة الكاربراتير فى بعض المواتير اشد من الانجكشن

[aldesha989]

مفيش تعب ولا حاجة يا باشا

لا مش لازم تسقطه انجيكشن
عشان هتجيب معاه حاجات كتير كنترول و ضفيره و تعديلات كتير و احنا فى مصر بلد المليون عكاك الا لو تعرف حد ينزلك الماتور الانجكشن و يبقى فنان و معاه واحد كهربائى بريمو عشان الشغل يطلع مظبوط
غير كده يبقى الكاربراتير العادى و لو عايز شد يبقى تجيب الماتور الكاربراتير بتاعه 2 باب او كاربراتير كبير عشان يسحب معاك و سحبة الكاربراتير فى بعض المواتير اشد من الانجكشن

مليون بس يا راجل زود شويه احنا ما شاء الله 80 مليون فتاى وعكاك :d الا من رحم ربى

بس ما اعتقدتش انى هقدر على الانجكشين وخصوصآ ان علشان الماتور والحساسات والكنترول وكده هتفتح معايا مصاريف جامده اوى
بس انا مش متأكد الكاربرتير اللى عندى باب واحد ولا بابين انا ما بصتش عليه بصراحه قبل كده بس وانا بغير فلتر الهواء كمان كام يوم هبص عليه لانى عندى مشكلة مع السحب ساعات العبريه بتتخنق كده وبعدين تسحب مره واحده بس هى سحبها مش وحش لحد 90 بعد كده ما بتسحبش بتكركر :d

لو اتنين باب يبقى الكرابرتير ده احسن من الانجيكشين فى السحب ؟

انا لو بحرق على الغيار بحس انه سحبه حلو لو مش بحرق عليه بحس انه فعلآ كرابرتير :d

وربنا يكرمك يا جميل

[AlGazar2]

مليون بس يا راجل زود شويه احنا ما شاء الله 80 مليون فتاى وعكاك :d الا من رحم ربى

بس ما اعتقدتش انى هقدر على الانجكشين وخصوصآ ان علشان الماتور والحساسات والكنترول وكده هتفتح معايا مصاريف جامده اوى
بس انا مش متأكد الكاربرتير اللى عندى باب واحد ولا بابين انا ما بصتش عليه بصراحه قبل كده بس وانا بغير فلتر الهواء كمان كام يوم هبص عليه لانى عندى مشكلة مع السحب ساعات العبريه بتتخنق كده وبعدين تسحب مره واحده بس هى سحبها مش وحش لحد 90 بعد كده ما بتسحبش بتكركر :d

لو اتنين باب يبقى الكرابرتير ده احسن من الانجيكشين فى السحب ؟

انا لو بحرق على الغيار بحس انه سحبه حلو لو مش بحرق عليه بحس انه فعلآ كرابرتير :d

وربنا يكرمك يا جميل

انا بتكلم على الصنايعية دول عكاكين لكن عموم الشعب فتايين

انت عندك اكيد 1 باب لان الماتور صغير
ال 2 باب هيبقى فى السحب عملى معاك بس على حساب البنزين طبعا
هوه احسن ولا الانجكشن بصراحة معرفش و على حسب حالة الجو اعتقد الانجكشن بيظبط نفسه على الى موجود دلوقتى الكاربراتير مبيفرقش بينهم

المشكلة فى الانجكشن من الحساسات لان الماتور بيجى بحساساته بالكنترول بتاعه بسلطاته ببابا غنوجه المشكله ان مفيش حد هيظبط الكلام ده كله صح و ممكن متلاقيلوش قطع غيار جديدة بعد كده عشان مش موجود منه

[aldesha989]

انا بتكلم على الصنايعية دول عكاكين لكن عموم الشعب فتايين

انت عندك اكيد 1 باب لان الماتور صغير
ال 2 باب هيبقى فى السحب عملى معاك بس على حساب البنزين طبعا
هوه احسن ولا الانجكشن بصراحة معرفش و على حسب حالة الجو اعتقد الانجكشن بيظبط نفسه على الى موجود دلوقتى الكاربراتير مبيفرقش بينهم

المشكلة فى الانجكشن من الحساسات لان الماتور بيجى بحساساته بالكنترول بتاعه بسلطاته ببابا غنوجه المشكله ان مفيش حد هيظبط الكلام ده كله صح و ممكن متلاقيلوش قطع غيار جديدة بعد كده عشان مش موجود منه

الله الغنى عن وجع القلب :d
انا هشد العربيه شويه واظبط ادائها وهتشتغل معايا حلو وخلاص

ربنا يكرمك واسف على تعبك معايا ومتابعتك يارب المنتدى كله يبقى زيك كده :d

[AlGazar2]

الله الغنى عن وجع القلب :d
انا هشد العربيه شويه واظبط ادائها وهتشتغل معايا حلو وخلاص

ربنا يكرمك واسف على تعبك معايا ومتابعتك يارب المنتدى كله يبقى زيك كده :d

يا باشا ربنا يخليك و المعلومات دى 75 % منها من المنتدى هنا بس الى مش عارف حاجة مبيقلش عشان ميلبسش حد فى الحيطة مش اكتر