السفر بالسيارة لمبتدى فى قيادة السيارات

[uhlphp]

انا مبتدى فى القيادة ولدى سيارة مازدا 323 هاتش باك وكنت عاوز اسافر بالسيارة الى راس البر ( مصيف ) وهناك عدة اشياء كنت اريد الاستفسار عنها
1 - بما انى لسة مبتدء فى القيادة فهل هناك خطر انى اسافر بيها ( لما فكرت فى انسب الاوقات رجحت انى امشى على الفجر عشان الطريق يكون لسة رايق وبحيث انى لما اوصل الى اول الطريق السريع يكون ضوء النهار طلع واقدر اشوف الطريق كويس وهاخد يمين الطريق دائماً ) وهل اسافر بالطريق الزراعى افضل ام الصحراوى ( اسماعلية - طريق بورسعيد - شمال على دمياط ) افضل لانى خايف من حدوث عطل بالسيارة وانا فى الصحراوى ( علما انا من القاهرة ) .
2 - نحن اربعة افراد وطفلان وطبعاً هايكون معانا شنط وانا لا اعلم هل الحمل كثير على السيارة وهل هناك حدود معينة لحمولة السيارة .
3 - سوف اراجع على زيت الموتور والماء فى الرداتير والبطارية والفلاتر وخلافة فهل تنصحون بشئ اخر خاص بالسيارة المازدا .
ارجو مساعدتى فى هذا الامر وبماذا تنصحونى .
واشكركم جزيل الشكر

[osamaesm]

اكشف علي الهوا كمان والكاوتش

[Ashraf A.Kader]

بما ان حضرتك مبتدئ ومعاك اطفال انصحك بعدم السفر بالسيارة شوف حضرتك طريقة تانية افضل لو سمحت والحمولة فعلا حتكون كتير علي مازدا 323 يا ريت حضرتك تسمع النصيحة

[Nader]

اتأكد ان السيور كلها سليمة

وشيك على زيت الموتور والفتيس والفرامل

شيك على اضلئة العربية

واضبط ضغط الاطارات

وتوكل على الله.

[Xpert]

ماتجريش بس ... و كله هايبقي تمام ان شاء الله ...(خد بالك انك مش عارف الطريق ...)

[uhlphp]

السادة الاعضاء متكر لكم على الردود
ولكن اليس هناك احد اخر لهو راى او تجربة يحكلنى عليها فانا اريد ان اتعلم من تجاربكم وخبراتكم فى طرق السفر وتعليقاتكم على النقاط التى ذكرتها فى المشاركة الاولى .
ولكم جزيل الشكر

[M!NA]

أنا مش هنصحك بعدم السفر... أنا أنصحك تسافر و لحد سينا و شرم كمان... بس ميكونش معاك أطفال أو زوجتك أو حد مسن أو كدا

جرب أنتا و واحد أو اتنين أصحابك و يفضل يكون منهم واحد ليه في الميكانيكا... و موضوع الخبرة في السفر و الطرق هتيجي هتيجي متقلقش

بس متجازفش بأسرة و اطفال بالسفر و انتا مش ضامن نفسك من ناحية السواقة و مش ضامن العربية... دا رأيي الشخصي

[algo2000]

You had better: do the follwoings
Travel alone once to know the way and get familial with the streets and the car.
Use Google earth to know the streets very well.

[aboalm]

بص يا زعيم طالما ناوى على السفر بالعربيه إن شاء الله زى ما هو واضح هيا كده الحموله يعنى كتير شويه على العربيه خصوصا انى افضل ليك انك تسافر زراعى طالما العربيه مش جديده .
بس خلى بالك الطريق الزراعى مليان مليان مليان مطبات صناعيه بالتحديد بعد ما تلف من يمين من عند كوبرى بنها اوعى تجرى و كمان مره اوعى تجرى راح تلاقى يجى 80 او 90 مطب لحد المنصوره بعد المنصوره الطريق بيتحسن شويه و راح تلاقى يجى 50 مطب بس.
أتوكل على الله و شيك على الزيت و المياه و السيور و اطمن على طقم الكهرباء و سافر الصبح بدرى راح يكون الجو كويس و العربيه تكون مستريحه و مش تسخن. و توصل بألف سلامة

[l0new0lf]

i would recommend that before you go take your car to a mechanics and do the usual maintenance and checkups, either roads u use, you dont drive fast and be aware of heavy truck drivers and microbus specially to BANHA, I usually pray fajr and take off and sometimes an hour earlier before fajr, U did not say when are you going to leave, I can join you if you are going there the day after tomorrow-thursday- i am going there anyway via mansoura
ROAD TRIP
:)

[casperinoo]

السفر اسهل بكتيييير من السواقه داخل القاهره.
...يعني لو بتسوق كويس جوه القاهره يبقي توكل علي الله بس راجع علي كل حاجه في العربيه...