كاوتش بشنبر يتخرم ... ينام فجأة ولا بالراحة ؟؟

[MohammedAladel]

السلام عليكم

أنا سمعت كتير إن الكاوتش لو فيه شنبر داخلى وضرب هيضرب مرة واحدة كأنه انفجر

لكن اللى حصل معايا غير كدا

أنا عندى الاستبن كان راكب فى العربية كاوتش تيوبلس قديم وفيه شنبر داخلى

اتخرم دخل فيه مسمار ولكنه فش بهدووووووووووووووووووووووووء

بم تفسر ؟؟

سؤال آخر هو إيه الفرق بين الكاوتش التيوبلس والكاوتش اللى بشنبر ؟؟؟

يعنى إيه اللى يخلى الكاوتشات بتاع زمان اللى بشنبر ما ينفعش تتنفخ بدونه ؟؟

[Land_Cruiser]

هو الداخلى عباره عن عوامه رقيقه من الكاوتش و بالتالى لو مسمار اخترق الكاوتش بيبقى سهل جدا انه يخرمها و خاصه مع المشى الكتير على العجله لان ده مع وزن العربيه بيدخل المسمار لجوه فبيخرم الداخلى و الهواء بيفضى منه على طول أما التيوبلس فده مفيهوش داخلى و لذلك لو دخل فيه مسمار المسمار بيدخل فى فرده الكاوتش و هو نفسه بيبقى سادد الفتحه إنما طبعا مش كليا إنما طبعا بينفث مع الوقت و الهواء بيفضى مع الوقت ومش على طول فى الاغلب. بالنسبه للداخلى لانه اسهل فى الخرم من الكاوتش و هو اللى جواه الهواء فده يخليه فرصه احتفاظه بالهوا قليله لكن الموضوع برضه بيتوقف على طول المسمار اللى دخل فى العجله فلو كان قصير بيبقى اغلبيته فى الكاوتش و يا دوب عامل خرم صغير فى الكاوتش الداخلى و بالتالى بيسرب هواء بعد فتره أما لو كان طويل فهما مترين تلاته و هتلاقيه بقى على الجنط.

عامه اللى يخللى كاوتش يستخدم شنبر فقط هو وجود عوجه كبيره او استعدال فى الجنط يعنى لو حاله الجنط تعبانه ما ينفعش يبقى تيوبلس

[S O P H O S]

+111111
بالاضافة ان ممكن يكون كان مسمار صغير جدا ففضي الهواء ببطئ
انما لما يكون مسمار كويس الهواء بيفضي بسرعة اكتر طبعا ..