عند ال u tern مين فينا اللي غلطان؟

[casperinoo]

سعات كتييير ببقي ماشي شمال ومره واحده يظهر يووتيرن ..فأكتر حاجه بكرها في السواقه اللي بيعد يتنطط من حاره لحاره حتي لو الطريق فاضي فبستني لحد اليو تيرن ودي اشاره يمين...بس المشكله بقي في العربيات اللي بتبقي جيه من اليمين علشان تاخد اليو تيرن..

.انا كده مش عارف ميين فيينا اللي غلطان انا علشان ماشي في الحاره الشمال ولا هو علشان جي من اليمين علشان ياخد اليو تيرن؟؟

[MMamdouh]

بتعتمد على اليو ترن

يعنى لو اليوترن معمولة حارة لوحدة زى مثلا اليوترنات اللى على طريق مصر اسماعيلية يبقى اللى ماشى طوالى مش المفروض يدخل على الحارة دى و بالتالى اللى ماسك شمال لازم يدخل اليوترن

اما لو اليوترن ملوش حارة لوحدة زى يوترنات شارع جامعة الدول يبقى اللى داخل اليوترن لازم يبقى ماسك اقصى الشمال و مش شرط كل واحد ماسك الشمال يبقى داخل اليوترن

MMamdouh

[islamnabil]

هوا على العموم الحكومة هيا اللي غلطانة عشان بتعمل u turn من غير حارة امان
و طبعا احنا ناقشنا قبا كدة ان الu turn ده اختراع مصري فاشل

المشكلة في حاجتين
1 - انك مابتبقاش عارف ان فيه u turn امامك ودي ممكن حلها انك تلاحظ الطريق كويس و تشوف لو العربيات كلها مدية اشارة شمال يبقى في u turn امامك و تحاول تخلع منه بدري

2 - ان قواعد القيادة المصرية بتنصح عشان تاخد يوتيرن انك تاخده من اقصى اليمين و بأوسع زاوية ممكنة (لاحظها في شارع مصطفى النحاس - مدينة نصر ) و دي بقى مش عارف لها حل غير انك تعمل زيهم

على العموم مافيش قواعد في الشارع المصري
القاعدة الوحيدة اللي انا شايفها ان طالما عربيتك ماتخبطتش يبقى انت ماشي صح

وسلملي على قانون المرور الجديد

[MoToRiZeR]

و لو طلعت انت اللي علي حق .. ايه اللي هيحصل يعني :) ؟

[MMamdouh]

و لو طلعت انت اللي علي حق .. ايه اللي هيحصل يعني :) ؟

نفس اللى حيحصل لو كان غلطان... ولا حاجة

MMamdouh

[tutankhamoun]

أهلا بكم ............... في شوارع المحروسة
السيرك القومي ............... مدينة الملاهي التصاديمة للأطفال

و تحيا ج ع ع هاي هيئ

[casperinoo]

شكرا للاهتمام وجزاكم الله خيرا

و لو طلعت انت اللي علي حق .. ايه اللي هيحصل يعني :) ؟

بص كتيير كنت بنتقد الهمجيه وعدم النظام في الشارع...بس بعد فتره لقيت نفسي ان انا سعات بعمل كده ومش واخد بالي..اما سهوا او جهلا
بس فبحاول اعرف الصح...علشان اعمله ويبقي ضميري مستريح ومحسش ان انا بشارك في السيرك ده

[MomoMedo]

انا اعتقد عموما ان الحارة الشمال في كل الاحوال المفروض محدش يمشي فيها الا لو عايز يتخطي عربية قدامه
او هيلف من u turn جاي عليه

[MoToRiZeR]

بص كتيير كنت بنتقد الهمجيه وعدم النظام في الشارع...بس بعد فتره لقيت نفسي ان انا سعات بعمل كده ومش واخد بالي..اما سهوا او جهلا
بس فبحاول اعرف الصح...علشان اعمله ويبقي ضميري مستريح ومحسش ان انا بشارك في السيرك ده

تحياتي يا كاسبر انت شخصية محترمة جدا يا ريت الناس تفكر زيك
فيه ناس بتسوق من سنين غلط و فاكرة إن اللي بتعمله ده أصول السواقة .. و نادر أوي اما حد بيسأل لأن كل واحد مقتنع إن اللي بيعمله هو الصح

[AhmedElsayed]

اول متعلمت السواقة كان اللى يعلمنى من مدرسة سواقة فكنت بحاول ابعد عن الحارة اليمين علشان عارف ان فى تقاطعات فقالى مفيش حاجة بتلزمك انك تخلى الحارة علشان الناس عايزة تدخل يمين
بس دايما لما بفكر فيها الافضل على قدر الامكان انى لو عارف ان فى حارة ناس حتلف منها اطلع منها من بدرى