إعـــــــلان

Collapse

.

,
See more
See less

مدرسة تعليم السواقة في غمرة-شركة النصر للسيارات

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    مدرسة تعليم السواقة في غمرة-شركة النصر للسيارات

    مدرسة رائعة ومنظمة ومفيدة جدا بس نظامها قارص وصاروخي ومعندهومش ياما ارحميني

    بتروح تقدم فى مقر المدرسة فى غمرة ، عندهم مكثف بيخلص كله فى اسبوع والعادي بيخلص فى شهر
    طبعا المكثف أغلى من العادي بس مبتستناش كتير بتبدأ على طول
    انا رأيي ان الواحد ياخد العادي علشان يتعلم براحته ويجرب الا لو مستعجل لأي ظرف
    لو اخترت العادي :
    تلاقي المجموعة اللي بيتحجزلها كمان كام شهر "معايا كان ست شهور وأخويا اتنين بس" حسب الظروف
    بتدفع 200 جنيه تقريبا تمن 12 حصة كل أسبوع 3 حصص (2 عملي وواحدة نظري يوم الخميس) لمدة أربع أسابيع
    بيطلبه منك كمية أوراق كبيرة بس مش هتحتاج غيرها لحد ما تطلع الرخصة فى ايدك

    الخميس الأول حصة ميكانيكا رائعة
    الثاني كهرباء محصلتش
    الثالث كل اشارات المرور
    الرابع دكتور بيشرحلك الاسعافات الاولية بجد مش بهزار

    وبالتوازي معاهم معاك 8 حصص سواقة عملي كل أسبوع حصتين
    ليك يومين ثابتين ساعة واحدة مع نفس المدرب على نفس العربية
    بيدربك كل مرة على اللي تعلمته وحاجة جديدة كل مرة "الركن- الرجوع-المطالع"
    والتدريب بيكون فى الشارع فى شروق النادي الأهلي وممكن ينزل بيك شوارع مدينة نصر لو اطمن لسواقتك
    ده أول ست حصص
    السابعة والثامنة تدريب فى مقر الشركة فى غمرة على الامتحان

    عندهم عربيتين جاهزين للإمتحان ومتظبطين ، عمرهم ما بفصلو حتى لو معشق ودايس فرامل "بهزر" بتاخدالمنحنى كام مرة لحد متتعود عليه

    بعد الشهر ما يعدي وتخلص كل ده يطلبو منك 20 جنيه رسوم تأجير عربية من الاتنين التحف دول للأمتحان و5 جنيه رسوم الامتحان الكمبيوتر
    بيحددو يوم تروح تمتحن نظري في مرور عبود بتلاقي المجموعة بتاعتك كلها موجودة 150 واحد مثلا
    بيخشو كلهم طابور يتسأل كل واحد سؤال عبيط فى الاشارات ويطلع وتنجح فيه
    بعدها باسبوع يحددو معاد للعملي تروح تلاقي العربية واقفة على الممر بالدور تسوقها فى الملف وترجع بيها حتة والمدرب بتاع المدرسة ياخدها يوقفها على أول الملف تاني للبعدك
    لو معملتش مصيبة هتنجح من أول مرة لو فيه مشكلة بترجع بعد أسبوع تعيد العملي

    يقلولك روح المرور بتاعك بعد شهر تلاقي ملفك وصل
    تروح تستلمه من الشباك وتقدمه فى الشباك التاني وتدفع 55 جنيه رسوم الرخصة
    تتصور وتستلم بعد نص ساعة

    اجمالي الرسوم 280 جنيه وتخلص وتتعلم من غير ولا ملييم رشوة وناس محترمة ومدربين كويسين وتتعامل باحترام فى المرور

    المدرسة عند محطة مترو أنفاق غمرة ناحية شبرا والشرابية
    مش فاكر نمرة تليفونهم بس مواعيدهم زي الحكومة لحد 2 بس والسبت تقريبا أجازة
    وربنا يوفقكم
    [CENTER][FONT=Tahoma]"الْحَمْدُ لِلّهِ الَّذِي هَدَانَا لِهَـذَا وَمَا كُنَّا لِنَهْتَدِيَ لَوْلا أَنْ هَدَانَا اللّهُ "[/FONT][/CENTER]
    الكلمات الدلالية (Tags): 20, 50, اسعار, التو, الجديدة, السواقة, اللي, النسر, الي, بيع, تعليم, جير, حجز, حكومة, رائع, رخصة, سعر, سيارات, شار, شرح, صور, عربية, عن, غمرةشركة, فاكر, فرامل, في, كل, للسيارات, مدرسة, مرور, مشكلة, مصر, مع, من, مين, هل
  • #2
    رائعة جداً
    جزاك الله خيراً
    بس ملهاش فرع في اسكندرية
    او فرع يكون قريب من 6 أكتوبر عشان عاوز أعلم مراتي السواقة ونفسي اوديها مكان محترم
    [CENTER]Me on Twitter
    @aliabutaleb[/CENTER]

    Comment

    • #3
      انا كنت سمعت أن ليهم فرع فى الجيزة بس مش متأكد ومعرفش عنه حاجة
      ممكن تتصل بالدليل تاخد نمرة فرع غمرة وتسألهم
      [CENTER][FONT=Tahoma]"الْحَمْدُ لِلّهِ الَّذِي هَدَانَا لِهَـذَا وَمَا كُنَّا لِنَهْتَدِيَ لَوْلا أَنْ هَدَانَا اللّهُ "[/FONT][/CENTER]

      Comment

      • #4
        طيب ممكن حد يتعلم عندهم ويطلع الرخصة من مرور تاني بمساعدتهم برده ولا هما بيعلموا بس
        [SIGPIC][/SIGPIC]
        m_18c_m سابقا :s1[1]:
        __________________
        [COLOR="Blue"]عش ماشئت فأنك ميت... واحبب من شئت فأنك مفارقه ... واعمل ماشئت فأنك مجاز به[/COLOR]
        طوّر حيــــــــــــــاتك [COLOR="Red"]TE[/COLOR][COLOR="Gray"]Data[/COLOR]
        Mar!am سابقاً

        Comment

        • #5
          مهما كان مرورك بتروح تمتحن من عندهم فى عبود وبعدين الملف بعد ما تنجح يتبعت على مرورك تستلم الرخصة من هناك
          [CENTER][FONT=Tahoma]"الْحَمْدُ لِلّهِ الَّذِي هَدَانَا لِهَـذَا وَمَا كُنَّا لِنَهْتَدِيَ لَوْلا أَنْ هَدَانَا اللّهُ "[/FONT][/CENTER]

          Comment

          • #6
            شكرا جدا علي الاخبار الرائعة دي

            فعلا جات في وقتها .اصل اتعبت انا و ابن خالتي علشان نشوف مدرسة محترمة لتعليم السواقة .و زي ما انت فاهم معظمهم دون المستوي و بيزغللوا عينك بالعربيات الجديدة اللي عندهم و خلاص.

            بس مكن تكمل جميلك و تقولي اسم المدرسة ايه بالظبط؟ و اكون شاكر افضالك :)
            ___________

            Comment

            • #7
              ضروري لو سمحتوا

              شكرا جدا علي الاخبار الرائعة دي

              فعلا جات في وقتها .اصل اتعبت انا و ابن خالتي علشان نشوف مدرسة محترمة لتعليم السواقة .و زي ما انت فاهم معظمهم دون المستوي و بيزغللوا عينك بالعربيات الجديدة اللي عندهم و خلاص.

              بس مكن تكمل جميلك و تقولي اسم المدرسة ايه بالظبط؟ و اكون شاكر افضالك :)
              ___________

              Comment

              • #8
                شكرا جدا على المعلومات دى بس انت متعرفش المستعجل بكام ؟

                Comment

                • #9
                  tele 22353637

                  Comment

                  • #10
                    زي العنوان
                    [CENTER][FONT=Tahoma]"الْحَمْدُ لِلّهِ الَّذِي هَدَانَا لِهَـذَا وَمَا كُنَّا لِنَهْتَدِيَ لَوْلا أَنْ هَدَانَا اللّهُ "[/FONT][/CENTER]

                    Comment

                    • #11
                      انا اتصلت بيهم و قالولى انهم بيطلعوا رخص للقاهرة فقط و ان ديه قرارات جديدة من الداخليه !!!! بالرغم من انى فى الجيزة !!

                      Comment

                      • #12
                        ومالهومش فرع تاني فى الجيزة أو أي حته
                        [CENTER][FONT=Tahoma]"الْحَمْدُ لِلّهِ الَّذِي هَدَانَا لِهَـذَا وَمَا كُنَّا لِنَهْتَدِيَ لَوْلا أَنْ هَدَانَا اللّهُ "[/FONT][/CENTER]

                        Comment

                        • #13
                          أنا فعلاً بأشفوهم في شروق مدينة نصر بعلموا الناس
                          كل عربياتهم 128 وشكلهم ناس محترمين

                          Comment

                          • #14
                            على فكره الرقم ياجماعه هو 22353637

                            Comment

                            • #15
                              يا جماعة انا ليا سؤال؟

                              بس عايز الرد بصراحة و امانة

                              و انا عارف اني هلاقي العاملين دول متوفرين هنا

                              اولا هل المدرسة دي احلي و لا المدارس الخاصة؟

                              تانيا هل المدرسة دي عندها عريات جديدة زي المدارس الخاصة؟

                              و انهي الاحسن مدارس تعلم علي عربيات جديدة ولا عربيات قديمة زي ال128 مثلا
                              ________

                              Comment

                              السابق 1 2 template التالي
                              Working...
                              X