اريد تنظيف الراديتير سياره ريجاتا

[ashraf_fathy]

يا جماعه انا عايز انظف الراديتير و اغير الميه - الراديتير ملهوش غطا . الغطا في القربه
هل ممكن حد من الخبراء يقولي خطوات تنظيف الراديتير بالتفصيل
و هل ممكن انا انظفه بنفسي ولا لازم حد يعملهولي بمكنه او كده؟
و هل استعمل مياه عاديه ولا ملونه و لو ملونه يبقى نوعها و لونها ايه؟

على فكره انا معنديش مشاكل بس الميه فيها صدا و لونها اصفر علشان كده عايز انظفه

شكرا ليكم

[osama]

محطة شل - شارع احمد عرابي امام عمر افندي
عندهم جهاز رائع بينظف كويس والفني فاهم هو بيعمل اية هينظف وبعدين يحط مياة خضراء الموضوع
15 للمحطة
30 مياة خضراء
$$ اكرامية للفني

[ashraf_fathy]

مشكوور اسامه
بس شارع احمد عرابي ده فين؟
انا اصلا ساكن في الزيتون و اعرف برضو مدينه نصر و روكسي

[MoMohsen]

اغلب محطات وطنية فيها تنظيف ريداتير بس اللى اعرف انة كويس فعلا هو بنزينة كالتكس عباس العقاد اللى فى اخر عباس قدام جاد

[osama]

مشكوور اسامه
بس شارع احمد عرابي ده فين؟
انا اصلا ساكن في الزيتون و اعرف برضو مدينه نصر و روكسي

ميدان سفنكس - المهندسين

[أبومعاذ]

حد يعرف طريقة استخدام الردياتير فلش radiator flush

[محمد المصرى]

انا اصلا ساكن في الزيتون و اعرف برضو مدينه نصر و روكسي

احمد نور فى الزيتون قى شارع طومان باى ( مركز النور والجهاد )

راجل محترم اوى

[أبومعاذ]

احمد نور فى الزيتون قى شارع طومان باى ( مركز النور والجهاد )

راجل محترم اوى

فين في طومانباي يا باشا؟

[محمد المصرى]

عند برج التوفيقية الى بعد شارع العزيز بالله وهو مشهور جدا

او اسأل على شارع الصديق وهو على ناصية هذا الشارع

[ahmed1981]

على فكره انا معنديش مشاكل بس الميه فيها صدا و لونها اصفر علشان كده عايز انظفه

رأيي هو أن لا تفعل شيئاً طالما لا توجد مشكلة

[karmoty]

لو حضرتك عايز تنضفه بنفسك ممكن تفك واحد من الخرطومين اللي طالعين من الردياتير و توصل خرطوم مياه في القربة وتسد مكان الخرطوم بإيديك وتسيبها تطلع اللي فيها وبعد كده توصل لخرطوم بتاع الردياتير تاني وتحط شوية مانع صدأ تجيبه من البنزينة وتكمل بمياه عاديه الحكاية بسيطة مش مستاهلة حد يعملهالك بس الحكاية دي لازم تعملها كل 3 شهور زي ما إتقلي وطبعا لو ماعملتش الحكاية دي هتلاقي العربية بتسخن شوية انا كان عندي نفس المشكلة و عربيتي ريجاتا برضه بس لما نضفت الردياتير صدقني فرقت جااامد العربية مابقتش بتسخن بسهولة والحمد لله
ربنا يوفقك ويباركلك فيها ويديك خيرها ويكفيك شرها
سلامو عليكم:k49:

[nabaster]

لو حضرتك عايز تنضفه بنفسك ممكن تفك واحد من الخرطومين اللي طالعين من الردياتير و توصل خرطوم مياه في القربة وتسد مكان الخرطوم بإيديك وتسيبها تطلع اللي فيها وبعد كده توصل لخرطوم بتاع الردياتير تاني وتحط شوية مانع صدأ تجيبه من البنزينة وتكمل بمياه عاديه الحكاية بسيطة مش مستاهلة حد يعملهالك بس الحكاية دي لازم تعملها كل 3 شهور زي ما إتقلي وطبعا لو ماعملتش الحكاية دي هتلاقي العربية بتسخن شوية انا كان عندي نفس المشكلة و عربيتي ريجاتا برضه بس لما نضفت الردياتير صدقني فرقت جااامد العربية مابقتش بتسخن بسهولة والحمد لله
ربنا يوفقك ويباركلك فيها ويديك خيرها ويكفيك شرها
سلامو عليكم:k49:

كلام سليم بس نسيت حاجه صغيره

انه يفتح الطبه بتاعة الريداتير من تحت ويحط الخرطوم من فوق في القربه ويسيب ضغط الميه يقوم باللازم

[karmoty]

أنا اسف أصل انا بصراحة دورت على الطبة دي من تحت ما لقيتهاش فعملتها بالطريقة دي ولو حضرتك تعرف مكانها بجد والله تقولي عليها لو سمحت يا
nabaster

[sleepyhammer]

طب معلش يا جماعه
فى حد بينظف موجود فى اسكندرية ؟؟؟

[canner]

روح لبنزينه شل هما كويسين

بس بصراحة انا معرفش هم فين فى اسكندرية