محتاج نصايح القيادة علي الطرق السريعة

[ah.adel2]

السلام عليكم
انا اتعلمت السواقة بقالي شهر ، كل الناس بتقولي متسافرش بيها دلوقتي خليك جوا البلد روح وتعالي من الشغل
بس انا جايبها اصلا للسفر
السؤال ايه المفروض اعرفه من مهارات واتدرب عليه عاشان اسافر؟ محدش جاوب عليا و قاللي اتعلم ايه ؟

[aymanshebl]

السلام عليكم
انا اتعلمت السواقة بقالي شهر ، كل الناس بتقولي متسافرش بيها دلوقتي خليك جوا البلد روح وتعالي من الشغل
بس انا جايبها اصلا للسفر
السؤال ايه المفروض اعرفه من مهارات واتدرب عليه عاشان اسافر؟ محدش جاوب عليا و قاللي اتعلم ايه ؟

و عليكم السلام

اولا اهم حاجة ان اعصاب تكون هادية و يكون عندك حسن تصرف بمعنى لو عايز تعمل يوترن تستنى لحد ما الطريق يسمح بالتعدية و لايجوز التسرع فى التحرك ابدا لعدم حدوث حوادث لقدر الله و لو انت فى الطريق السريع ووقف اللى قدامك لاى سبب لاتحاول الخروج منه سواء يمينا او يسارا الا لو اللى وراك بعيد غير كده يبقى توقف احسن لان لو انت عديته ممكن ما تكونش عامل حساب اللى ورا و يخبط فيك

استخدام المرايات مهم جدا جدا لمعرفة ما يدور خلفك و حواليك

استخدام الاشارت اللى بتعرف اللى حواليك انت عاوز تعمل ايه بالظبط و بكده بيعمل حسابه انك مثلا داخل يمين فيعدى منك ببساطة او الانتظار لو داخل على مطب علشان اللى وراك يهدى و يعرف ان فى حاجة فى الطريق تستدعى التهدئة

اخيرا توقع خطا الغير لان انت فى مصر و ما تفتكرش ان كل الناس منظمة و بتمشى سليم

و نصيحة ما دام انت لسه متعلم من شهر يبقى احسن حاجة تتدرب اكتر و اكتر لو العربية مانيوال علشان ما تتلخمش فى التصرف و السواقة و تتعود على ابعاد العربية و لو اتوماتك هتاخود وقت اقل يعنى ندى مثال تخيل انك ماشى الحارة الشمال فى طريق سريع و دى اسرع حارة فى الطريق و لقت واحد من عفاريت الاسفلت عمال يزمر بطريقة مستفزة و عايز يعدى هتتصرف ازاى؟؟؟ لاحظ الطرق السريعة محتاجة سرعة تصرف فى زمن قصير جدا بعكس السواقة فى المدن .

و بالتوفيق

[egyption2012]

في البداية عليك أن تعلم أن القيادة في الأماكن المزدحمة أصعب بكثير من القيادة على الطرق السريعة
عليك أولا بالتوكل على الله تعالى ثم القيادة بهدوء
فلا تقود بسرعة تزيد عن 90 كيلو مطلقا في بداية تعلمك
اجعل خيار الفرامل أفضل من خيار الانتقال لحارة أخرى اذا رأيت سيارة أمامك بطيئة
ثم انظر الى المراية بطريقة لا تجعلك لا تتابع الطريق امامك لان السيارة التي امامك ممكن ان تتوقف فجأة في الوقت الذي تنظر فيه للمرأة الجانبية ثم توكل وانتقل للحارة الاخرى
اجعل نظرك للطريق بشكل ممتد وتابع السيارات التي امامك
حتى تتعرف على اماكن المطبات

[aldesha989]

اول مره ليك على الطريق السريع هتكون قلقان علشان كده ما ينفعش تبقى لوحدك لازم يكون معاك حد يطمنك ويشجعك او تتلهى معاه فى الكلام على احساس القلق بعد كده هيبقى الامر طبيعى وعادى وشوف نصايح الشباب فوق مافيش كلام زياده عليها وربنا يسترها علينا كلنا

[egyption2012]

http://www.nilemotors.net/Nile/127724-a.html

[monamize4]

في البداية عليك أن تعلم أن القيادة في الأماكن المزدحمة أصعب بكثير من القيادة على الطرق السريعة
عليك أولا بالتوكل على الله تعالى ثم القيادة بهدوء
فلا تقود بسرعة تزيد عن 90 كيلو مطلقا في بداية تعلمك
اجعل خيار الفرامل أفضل من خيار الانتقال لحارة أخرى اذا رأيت سيارة أمامك بطيئة
ثم انظر الى المراية بطريقة لا تجعلك لا تتابع الطريق امامك لان السيارة التي امامك ممكن ان تتوقف فجأة في الوقت الذي تنظر فيه للمرأة الجانبية ثم توكل وانتقل للحارة الاخرى
اجعل نظرك للطريق بشكل ممتد وتابع السيارات التي امامك
حتى تتعرف على اماكن المطبات

+11111111

[mo7eb elrasol]

اولا توكل على الله
ثانيا:امسك يمينك - امشى على مهلك - اقفل الموبايل ولاتنشغل باى شىء غير الطريق - ماتمشيش ابدا ورا عربية نقل او عربية عالية - ماتعديش ابدا من عربية نقل تقيل والطريق فى حالة دوران - طول م انت بتعدى من سيارة ميكروباص ع الطريق السريع اعلم انك على خطر لان سواق الميكروباص فى الغالب بيكون ذات مهارات عالية وسيارته فى الغالب بتكون حديثة وقوية فمعنى انه ماشى بسرعة معقولة انه بيحافظ على عربيته وعلى نفسه وانت كمان لازم تحافظ على نفسك وعلى عربيتك - حزام الامان مهم جدا - طبعا مفيش حاجة اسمها مشى مخالف

[aymanshebl]

الحقيقة انا مش عارف ليه المشاركة بتاعتى اختفت هى و مشاركة بتاعت اخ تانى مع ان فى ناس عاملة ليك عليهاو لو شوفتو عدد المشاركات فى راس الموضوع و المشاركات الموجودة فى الموضوع هتعرفوا ان فى مشاركات ناقصة و هل ديه رسالة للواحد انه يبقى سلبى و ما يساعدش الناس و يبخل باى معلومة لو عايزنة نبقى سلبيين قولنا و عادى ما اكتر السلبية وشكرا.

[ah.adel2]

الحقيقة انا مش عارف ليه المشاركة بتاعتى اختفت هى و مشاركة بتاعت اخ تانى مع ان فى ناس عاملة ليك عليهاو لو شوفتو عدد المشاركات فى راس الموضوع و المشاركات الموجودة فى الموضوع هتعرفوا ان فى مشاركات ناقصة و هل ديه رسالة للواحد انه يبقى سلبى و ما يساعدش الناس و يبخل باى معلومة لو عايزنة نبقى سلبيين قولنا و عادى ما اكتر السلبية وشكرا.

انا صاحب الموضوع استاذ ايمن ،فعلا في مشاركتين في بداية الموضوع اختفوا ، انا جديد في المنتدي ومعرفش اه السبب الحقيقي ، ونا بكتب الرد ده مشاركاتك ظهرت في اسفل الرد اريخ الموضوع
وجزاكم الله خيرا علي المساعدة

[مصطفى-حسن]

الحقيقة انا مش عارف ليه المشاركة بتاعتى اختفت هى و مشاركة بتاعت اخ تانى مع ان فى ناس عاملة ليك عليهاو لو شوفتو عدد المشاركات فى راس الموضوع و المشاركات الموجودة فى الموضوع هتعرفوا ان فى مشاركات ناقصة و هل ديه رسالة للواحد انه يبقى سلبى و ما يساعدش الناس و يبخل باى معلومة لو عايزنة نبقى سلبيين قولنا و عادى ما اكتر السلبية وشكرا.

لا ياباشا متزعلش
دى الادارة بتنقل المنتدى لسيرفر تانى اليومين
فالدنيا مش مظبوطة فى المنتدى
عادى
حصلت معايا اكتر من مرة فى اليومين اللى فاتوا

[MOK3336]

الرجالة قالت المفيد كله مش هقدر اضيف حاجة بس لا تنسي دعاء الدابة و دعاء السفر وتمشي بسرعة مناسبة للسريع

[aliabdo]

اهم حاجه متخفش ابدا و اوع تتفجع من كلاكس خصوصا النقل انت صاحب الحاره الى انت فيها و لو حد عايز يعديك و السكه مش سامحه و عمال يقرص و يدى كلاكس و نور فكك منه او اديه انتظار
و التزم حراتك و حاول متمشيش فى اليمين كتير عشان ساعات عربيات بتبقى راكنه او حد طالع و عربيه عطلانه
متبصش فى الارض خصوصا باليل عشان عينك متتعبكش بص قدامك و تنقل بين المريات سريعا لو حتغير حاره او ما شبه
اهم حاجه او تتفجع من اى صوت او شخص حوليك بابا او ما اتعلم سواقه عربيه نقل ضربت كلاكس جامد جمبه اتفجع نزل بالعربيه الترعه ههههههههههههههه
انا عن نفسى بحب السواقه على الطرق السرعه و السفر اكتر كتير من داخل البلد
اقعد فى كرسيك مرتاح و هدى اعصابك و امسك الدريكسيون بايدك الاتنين من غير تشنج يعنى املك الدريكسون و انت قاعد مرتاح عشان متتعبش بسرعه و اوعى تحسس الى جمبك على السكه انك خايف لو حد كسر عليك خليك فى مكانك لو الوضع سئ حاول تهدى و تعديه
و ربنا يكفيك شر الطريق ان شاء الله

[sozana]

ليه الكل بينصح اني امسك اليمين مع ان العربيات كل شويه توقف فيه وايه مشكله اليسار ؟؟
ولو حد زمر فعلا وانا في اليسار واعاوز يعدي اتصرف ازاي ؟؟
ولو في حاجه قابلتي فجاءة هل الفرامل كبس عادي علي السريع ولا ايه الحل ؟؟

[eisaa100]

خليك ف الحارة الوسط لا تنتقل الى اى حارة دون التأكد من خلوها
الزم حارتك الزم حارتك طالما الطريق مفتوح
لا تغضب لا تغضب فالعقول متفاوته
استعمل الاشارات دائما
الفرامل تدريجى
توقع خطأ السيارة التى بعد السيارة التى امامك ودائما فكر فى البديل

[محمود السيد]

اضافة الى نصائح الاخوة لا تنس ان تكون قبل السفرمستعدنفسين وجسدين باخذ قسط كافى من النوم وتجنب السفر بالليل لقلة خبرتك