هل فى علاقة بين العزل وارتفاع حرارة الماتور

[michohat]

السلام عليكم ورحمه الله وبركاته

جزء من العزل عندى كان وقع فركبت عزل بدل اللى وقع وهوا بين الماتور والصالون وبعد ما ركبته لاحظت ان درجه حرارة الماتور عادت بتعلى(بتكون بين ال 90 و 130) اكتر وتعدى ال 90 مستريح يعنى 90 بقى الطبيعى بتاعها (كان الطبيعى بتاعها قبل كده انها يوم ما اقول ان العربية سخنة توصل 90)
فهل العزل بيأثر على حرارة الماتور
مع العلم انى مش غسلت ونظفت الردياتير من فترة كبيرة و المروحه بتشتغل اول ما الحرارة تبقى 90

[michohat]

رحت غسلت وسلكت ونظفت الردياتير وبرضه لسه الحرارة زى ما هيا

حد يعرف اراجع مين فى الحكايه دى ميكانيكى ولا سروجى ولا كهربائى

من ساعه ما ركبت العزل فى حوض الماتور والحرارة دايما بترفع ل 90 درجه

؟؟؟

[ahmed1981]

لا توجد أدنى علاقة بين العزل وإرتفاع درجة حرارة الموتور
والتوقيت في تغير وضع الحرارة مصادفة لها سبب آخر نبحث عنه
والسؤال:
هل المياه تنقص من الرادياتير ؟
هل توصيلات البطارية جيدة ؟
هل تقليب المياه في الرادياتير جيد ؟ (بتاع الردياتير يرد عليك)

أهم سؤال : الحرارة بتعدي التسعين بمقدار أد إيه وهل بتثبت أم بتستمر في الإرتفاع ؟؟؟؟؟؟؟؟؟؟

[michohat]

- المياه مش كانت بتنقص
- وايه المقصود بتوصيلات البطارية جيده؟ لو كان المقصود ان الكابلات مش بتفصل و مش بيحصل فيها شرز فايوه هيا جيده ومش فيها مشاكل
- وتقليب المياه لسه مش سئلت فيها بتاع الردياتير" لانه قرف منى لما رحت سلكت الردياتير ورجعت له اكتر من مرة علشان كان لحامات مكان الساعه والكوع بتسرب ميه"
- الحرارة بتعدى ال90 وبتوصل لحد قبل الشرطه اللى بعدها وكان معظم المواقف اللى لاحظتها فى سكك السفر
يعنى لو مسافر وماشى بسرعه اقصاها 100 "مش بزيد عنها" الاقى الحرارة رفعت لفوق ال 90 " المروحه بتشتغل لما الحرارة تعلى عن 90 " فمش استنى عليها ف اهدى شويه واقف بالعربية لحد ما تنزل عن ال90 واكمل المشوار
ناس قالوا لى سلك الردياتير رحت سلكته بس لسه مش طلعت بيها مشوار سفر "خايف اطلع بيها تانى وتسخن"
وناس تانيه قالوا دى تاكيهات؟؟

[ahmed1981]

- الحرارة بتعدى ال90 وبتوصل لحد قبل الشرطه اللى بعدها وكان معظم المواقف اللى لاحظتها فى سكك السفر
يعنى لو مسافر وماشى بسرعه اقصاها 100 "مش بزيد عنها" الاقى الحرارة رفعت لفوق ال 90 " المروحه بتشتغل لما الحرارة تعلى عن 90 " فمش استنى عليها ف اهدى شويه واقف بالعربية لحد ما تنزل عن ال90 واكمل المشوار

حاول تتأكد من الآتي
لو أن السيارة ترتفع حرارتها بعد التسعين بشيء بسيط وتثبت على هذا الوضع ثم تشتغل المروحة فتنخفض الحرارة وهكذا
المهم أنها لا تزيد عن الوضع الأعلى من التسعين

هنا تكون سيارتك ليس بها أية مشاكل

[michohat]

هحاول اطلع بيها على سكه سفر بعد الشغل وهشوف ايه الاخبار

[l0new0lf]

rage3 3ala ma2as ezeet
we khale el kahraba2e yeksheflak 3al aplatin yemken ykon ma2fol

[ramy_fiat_2000]

يا مان اولا العزل لا علاقه له بالحراره الموتور اوك
نصيحه نظف دورة التبريد بتاعت العربيه وحط مياه خضراء وغير الثرموستات بتاع العربيه وباذن الله هتلاقى كله تمام

[michohat]

روحت نظفت وسلكت الردياتير ومن ساعتها الحمد لله الحرارة ثابته ومش بتزيد زى الاول
بس لما بشيك على ميه الردياتير كل كام يوم الاقيها ناقصة ده عادى ولا ممكن يبقى مخروم