مش عارفة استعمل الستيبترونيك ؟!!!

[Noha.M]

بجد يا جماعة موضوع الستيبترونيك دة عقدنى من ساعة ما جبت العربية

الناس كلها عمالة تقولى دة هينفعك اوى لما تحبي تحسي انك بتسوقى مانيوال و تتحكمى فى العربية !!

انا مش لاقية الكلام دة خالص بالعكس انا بحس ان العربية هي اللى سايقانى برضه !!

انا ابتديت اشك انه هو بايظ مثلا

بعدين العربية بحجمها دة و انا مشغلة التكييف و السحب بيبقي متأخر فعلا ساعات بلاقي صعوبة انى اتخطى حد و العربية مش بتسعفنى فى الموضوع دة و بيقولو المفروض الستيبترونيك بيسهل الحاجت دى بس ازاى برضه ؟؟؟

[Bassel]

زي ما في المنوال بتنزلي نقلة عشان السحب يكون افضل في حالة تخطي سيارة اخري
نفس الحكاية في الستبترونيك بتجيبي علي علامة السالب بس بيبقي في تأخير بسيط عشان ينزل للنقلة الي تحت

[Noha.M]

زي ما في المنوال بتنزلي نقلة عشان السحب يكون افضل في حالة تخطي سيارة اخري
نفس الحكاية في الستبترونيك بتجيبي علي علامة السالب بس بيبقي في تأخير بسيط عشان ينزل للنقلة الي تحت

الف شكر لرد حضرتك

يعني انا انزل نقلة بعلامة ال سالب دى (-) بعدين افضل ماشية بيها كدة لحد امتى ؟

هل هو اللى هيزود النقلة اللى انا نقصتها دى ولا انا ازود نقلة تانى ولا اقلب على ال D ?

[hamedo0]

http://nilemotors.net/Nile/showthread.php?t=33655

ممكن الموضوع ده يفيديك يا بشمهندس

[Bassel]

مسقتش عربية زي بتاعت حضرتك قبل كده
بس في الBMW بيطلع لوحده والGolf لازم تجيب علي علامة الموجب او ترجعي علي D
فاقترح علي حضرتك ترجعي علي D تاني بعد متعدي الموقف بتاع السحب

[Noha.M]

http://nilemotors.net/Nile/showthread.php?t=33655
ممكن الموضوع ده يفيديك يا بشمهندس

الف شكر على اللينك يا حميدو :)

مسقتش عربية زي بتاعت حضرتك قبل كده
بس في الBMW بيطلع لوحده والGolf لازم تجيب علي علامة الموجب او ترجعي علي D
فاقترح علي حضرتك ترجعي علي D تاني بعد متعدي الموقف بتاع السحب

انا برضه معرفش اذا كان بينقل لوحده وولا لازم انا ازود النقلة دى

طيب انا هجرب النهاردة و ربنا يسهل :)
الف شكر :)

[fahd_628]

بصى يا بشمهندسة نهى

الستيب ترونيك مش حيخلى العربية مانيوال ولا حاجة فى السحب و لكن بس حيديكى الحرية فى التحكم فى الغيارات بدال ما مثلا عاوزة تسقتى نقلة تقومى عاملة Kick down ( تدوسى على الأخر )

الستيبترونيك و انتى ماشية و جايباه على الحارة بتاعتة ( + - ) و عاوزة مثلا تتخطى العربية الى قدامك تقومى مديها زقة ناحية ال - اكنك فى المانيوال كنتى على التالت مثلا و بقيتى تانى فا العربية حتسحب معاكى و متخفيش العربية متظبطة انك مينفعش تسقتى نقلة اكثر من الازم و يحصل Over speed للموتور يعنى مينفعش تسقتى من التالت للأول لو السرعة متسمحش و برضة مينفعش تطلعى من الثبات على الثالث

بس كدة فا الموضوع بس انك حتتحكمى فى الغيارات بس مش العربية الى حتتحكم و لو فضلتى على الثانى مثلا لغاية الخط الأحمر هية حتنقل لوحدها علشان الموتور

و هية دية بس فكرة الستيب ترونيك

و الموضوع بتاع التأخر فى الأستجابة دة فى كل العربيات الأوتوماتيك فى العالم يعنى لما بتعملى كيك داون حتاخد بتاع ثانية او ثانيتين عقبال ما تجمع النقلة و دة شيئ طبيعى و لازم حتتعودى علية انا برضة كان خانقنى لأنى اول مرة اسوق اوتوماتيك بس خلاص اخدت علية و حتلاقينى كنت فى منتدى رينو عامل موضوع زى بتاعك بالظبط :) عن التأخر فى السحب و انها مش بتسعف :)

الفكرة بقى فى الستيبترونيك ان مثلا الواحد بيكون بيشد و العربية بتنقل حسب الضغط على البنزين فا ممكن لما يشيل رجلة و يدوس تانى تتأخر شوية عقبال ما تجمع انهى نقلة فى الستيبترونيك بقى مثلا تكونى مثبتاة على النقلة الثانية و لو شيلتى رجلك و دوستى مش حتتأخر فى تجميع النقلة لأنها حتفضل على الثانى و كمان فى الميجان بلاحظ انها بتعمل Engine brake زى المانيوال فى وضع الستيبترونيك

و لو فية اى استفسار انا موجود

[fahd_628]

انا برضه معرفش اذا كان بينقل لوحده وولا لازم انا ازود النقلة دى

لأ هوة مش حينقل لوحدة غير لما تقومى انتى زقة العصايا ناحية ال + و حينقل لوحدة فى حالة انك بس حتتخطى الخط الاحمر حتلاقية قام ناقل حفاظا على الموتور و حينقل لنقلة اقل لوحدة لو انتى مشيتى على سرعة اقل من سرعة النقلة يعنى 10 على الثالث مثلا حتلاقية ممكن يجيب اول لوحدة منغير تدخل منك

[Noha.M]

بصى يا بشمهندسة نهى

الستيب ترونيك مش حيخلى العربية مانيوال ولا حاجة فى السحب و لكن بس حيديكى الحرية فى التحكم فى الغيارات بدال ما مثلا عاوزة تسقتى نقلة تقومى عاملة Kick down ( تدوسى على الأخر )

الستيبترونيك و انتى ماشية و جايباه على الحارة بتاعتة ( + - ) و عاوزة مثلا تتخطى العربية الى قدامك تقومى مديها زقة ناحية ال - اكنك فى المانيوال كنتى على التالت مثلا و بقيتى تانى فا العربية حتسحب معاكى و متخفيش العربية متظبطة انك مينفعش تسقتى نقلة اكثر من الازم و يحصل Over speed للموتور يعنى مينفعش تسقتى من التالت للأول لو السرعة متسمحش و برضة مينفعش تطلعى من الثبات على الثالث

بس كدة فا الموضوع بس انك حتتحكمى فى الغيارات بس مش العربية الى حتتحكم و لو فضلتى على الثانى مثلا لغاية الخط الأحمر هية حتنقل لوحدها علشان الموتور

و هية دية بس فكرة الستيب ترونيك

و الموضوع بتاع التأخر فى الأستجابة دة فى كل العربيات الأوتوماتيك فى العالم يعنى لما بتعملى كيك داون حتاخد بتاع ثانية او ثانيتين عقبال ما تجمع النقلة و دة شيئ طبيعى و لازم حتتعودى علية انا برضة كان خانقنى لأنى اول مرة اسوق اوتوماتيك بس خلاص اخدت علية و حتلاقينى كنت فى منتدى رينو عامل موضوع زى بتاعك بالظبط :) عن التأخر فى السحب و انها مش بتسعف :)

الفكرة بقى فى الستيبترونيك ان مثلا الواحد بيكون بيشد و العربية بتنقل حسب الضغط على البنزين فا ممكن لما يشيل رجلة و يدوس تانى تتأخر شوية عقبال ما تجمع انهى نقلة فى الستيبترونيك بقى مثلا تكونى مثبتاة على النقلة الثانية و لو شيلتى رجلك و دوستى مش حتتأخر فى تجميع النقلة لأنها حتفضل على الثانى و كمان فى الميجان بلاحظ انها بتعمل Engine brake زى المانيوال فى وضع الستيبترونيك

و لو فية اى استفسار انا موجود

بس اللى مضايقنى انه بجد العربية تجميعها بيبقي سخيف فعلا و مش حاسة بال 121

حصان دول و بيزيد الكلام دة لما التكييف بيبقي مفتوح .. كمان لازم ادوس بنزين للاخر

خالص و فجاة الاقى العربية عاملة زى ما يكون واحد نايم و صحيته من النوم و فاق فجاة

و تقوم عاملة صوت عالى اوى كدة و تاخد سرعتها و ترجع تهدي تانى .. هو دة طبيعي؟؟

ما انا سقت اوتوماتيك كتير قبل كدة اول مرة اشوف كدة برضه!؟ قلت يمكن عشان انا

برضه معنديش D3 و D2 و حاطين بداله الستيبترونيك دة و انا اصلا مش عارفاله لازمة

بس ان شاء الله هجرب النهاردة و اقولك حصل ايه

ميرسيي يا فهد الف شكر :)

[fahd_628]

بس اللى مضايقنى انه بجد العربية تجميعها بيبقي سخيف فعلا و مش حاسة بال 121

حصان دول و بيزيد الكلام دة لما التكييف بيبقي مفتوح .. كمان لازم ادوس بنزين للاخر

خالص و فجاة الاقى العربية عاملة زى ما يكون واحد نايم و صحيته من النوم و فاق فجاة

و تقوم عاملة صوت عالى اوى كدة و تاخد سرعتها و ترجع تهدي تانى .. هو دة طبيعي؟؟

ما انا سقت اوتوماتيك كتير قبل كدة اول مرة اشوف كدة برضه!؟ قلت يمكن عشان انا

برضه معنديش D3 و D2 و حاطين بداله الستيبترونيك دة و انا اصلا مش عارفاله لازمة

بس ان شاء الله هجرب النهاردة و اقولك حصل ايه

ميرسيي يا فهد الف شكر :)

ما انا عندى نفس الموتور بتاعك و فعلا حاسس بالى انتى بتقولى علية دة

اكن فعلا واحد صحيتة من النوم و انا قلت كدة فى التقييم منغير كيك داون العربية بتبقى عادية جدا بس لما بعمل كيك داون بتسحب كويس مش عارف لية كدة و اعتقد دة العادى لأنه عندى انا كمان و الحمد لله حد حس غيرى بتأثير التكييف على العربية بشكل ملحوظ

انا حجرب مرة بنزين 95 و حجرب و حقولك الاخبار

[Noha.M]

ما انا عندى نفس الموتور بتاعك و فعلا حاسس بالى انتى بتقولى علية دة

اكن فعلا واحد صحيتة من النوم و انا قلت كدة فى التقييم منغير كيك داون العربية بتبقى عادية جدا بس لما بعمل كيك داون بتسحب كويس مش عارف لية كدة و اعتقد دة العادى لأنه عندى انا كمان و شوفتى بقى حكاية التكييف بيأثر على السحب ازاى لأن فى ناس كتيير بيقولو انة مبيأثرش على السحب فى بعض العربيات :)

انا حجرب مرة بنزين 95 و حجرب و حقولك الاخبار

لا و مش يقولك بس التكييف مش بياثر على السحب دة ساعات الفتى بيوصل انه يقوولك التكييف ليه موتور منفصل !!!!! ليييييييييه ان شاء الله !!! راكب هامر !!!!!!!

طبعا اى تكييف لازم يأثر على السحب ! دة العربية بتبقي متكتفة بجد و حاجة من الاتنين يا استحمل الحر و يا استحمل العربية و هى مخنوقة من التكييف

جرب باة 95 و قولى حصل معاك ايه

[king_de_egypt]

يا شباب دا زمن الماذدا ولا تقولى النترا و لا كيا سيراتو ولا اى 30 ولا اى حاجه من الهجص دا الماذدا و مفيش غيرهاااااااااااااااااااااااا

[ramyso4]

لا و مش يقولك بس التكييف مش بياثر على السحب دة ساعات الفتى بيوصل انه يقوولك التكييف ليه موتور منفصل !!!!! ليييييييييه ان شاء الله !!! راكب هامر !!!!!!!

طبعا اى تكييف لازم يأثر على السحب ! دة العربية بتبقي متكتفة بجد و حاجة من الاتنين يا استحمل الحر و يا استحمل العربية و هى مخنوقة من التكييف

جرب باة 95 و قولى حصل معاك ايه

انتي اثارتي نقطة مهمة وهي إن فيه ناس كتير جداً فالمنتدى بتقول إن التكييف تأثيره غير محسوس خالص عل سحب في عربياتها وإتكرر الكلام ده كتير لغاية ما ابتديت أشك في عربيتي بس من خلال تجاربي في كذا عربية يا جماعة مفيش متور 1600cc التكييف بتاعه مش بيأثر عل سحب جايز تبقى واحد جايب العربية جديد وفرحان بيها فمش واخد بالك من فرق في السحب بس هو بيأثر أكيد

[Noha.M]

يا شباب دا زمن الماذدا ولا تقولى النترا و لا كيا سيراتو ولا اى 30 ولا اى حاجه من الهجص دا الماذدا و مفيش غيرهاااااااااااااااااااااااا

فعلا العربية دي جامدة اوى ما شاء الله بس توكيلها مش مضمون

انتي اثارتي نقطة مهمة وهي إن فيه ناس كتير جداً فالمنتدى بتقول إن التكييف تأثيره غير محسوس خالص عل سحب في عربياتها وإتكرر الكلام ده كتير لغاية ما ابتديت أشك في عربيتي بس من خلال تجاربي في كذا عربية يا جماعة مفيش متور 1600cc التكييف بتاعه مش بيأثر عل سحب جايز تبقى واحد جايب العربية جديد وفرحان بيها فمش واخد بالك من فرق في السحب بس هو بيأثر أكيد

فعلا عندك حق . ممكن الواحد بيبقي فرحان شوية بعربيته و يقولك تكييفها تاثيره مش محسوس بس طبيعي يا جماعة . مينقصش خالص من قدر اى عربية ان تكييفها بيأثر على السحب

انا اول ما جبت العربية كنت فاكرة ان تاثيرها فعلا بسيط اوى لكن لما ابتديت اشد و اجرى الدائري و الصحراوى و بقيت محتاجة ان العربية تصحصح معايا كدة فعلا حسيت ان التكييف خانق العربية و بقيت كل شوية اقفله و استحمل الحر و خلاص

بس فعلا العربية بتتخنق و تتكتف بالتكييف و اى كلام غير كدة يبقي فتى و كلام مش منطقى !!

[king_de_egypt]

بصراحه الماذدا تكيفها مشكله و يشتغل و هى ماشيه ولا اكن عملتى حاجه و 125 حصان ماشاء الله و صوت الماتور بيبقى جامد فى الصالون مش عارف ليه بس مش صوت تعبان لا صوت جامد اوووى زئير زى ما بيقولو زئير اسد