امتحان السواقة

[mokhtar]

يابوسى انت جايه على نفسك ليه دقيقه واحده بس ....خليهم اتنين...ومفيش تعب ولا حاجه ... انتى هتجيبى شهاده مؤهل وصوره بطاقه و8صوروشهادتين باطنه وعيون زى ما قال حازم انا كنت جايبهم من عند دكتور عيون تقريبا هو اللى ماسك الليله دى ب25جنيه اسالى عندك فى المرور اللى انت تابعه ليه هتعرفى بيييجوا منين وتروحى تشترى الملفبتاع الرخصه الخاصه مش فاكر بكام حوالى 15 جنيه جنيه تقريبا وشويه نماذج مش فاكر بكام حوالى 10 جنيه وهتملى البيانات وتكتبى اسمك على الملف من بره بخط كبير وتقدميه على الشباك بتاع الرخصه الخاصه بعد كده بيقولولك على ميعادك اللى هتعملى فيه الامتحان بيبقى غالبا بعدها باسبوع او 10 ايام .....تيجى يوم الامتحان الصبح الساعه 9 مثلا فى هتلاقيهم بينادوا اسامى يدخلوا يمتحموا كمبيوتر وبالمناسبه بييجى مع الملف كارت اختبار كمبيوتر مدته 45 دقيقه وممكن تشترى واحد كمان ب10 جنيه عشان تبقى مطمنه ..هتدخلى تمتحنى كمبيوتر 12 سؤال تنجحى لو جاوبتى على 10 فاكثر يعنى ماتغلطيش اكتر من غلطتين ..ان شاء الله بعد ماتعدى الكمبيوتر ...هتستنى شويه ييجى امتحان السواقه غالبا بيبقى بعربيه المرور هى كانت شاهين ...واهم حاجه التركيز ومتخافيش وخدى الموضوع براحه برضه الاسامى امين الشرطه بينده عليها بالترتيب بالنسبه لانك تدخلى بعربيه من معاكى مش عارف ايه ظروفها صراحه بس ممكن تسالى ...وبعد ماتنجحى ان شاء الله بيبقى فيه ملف ب55 جنيه وتصورى وتاخدى الرخصه بس فى الاول كده شوفى لو فى واسطه تخلصك بدرى عشان وجع الدماغ او على الاقل حد يمشيلك الاجراءات بسرعه عشان العالم هناك بتبقى ابرد خلق الله وشغالين برخامه وحاولى حد ييجى معاكى اخوكى مثلا او والدك وان شاء الله نباركلك قريب ...



..mokhtar

[Bossy_Fadl]

ماليش اخ و بابا اتوفي من شهر و نص

هاروح لوحدي و ان شاء الله ربنا يسهل

طيب ممكن يا جماعه تقولولي ايه هو امتحان الكمبيوتر ده؟

يعني بيمتحنونا في ايه مش فاهمه؟

[mokhtar]

البقاء لله فى والدك وربنا يرحمه ويجعل مثواه الجنه وهنا احنا كلنا اخواتك وانت قدها وقدود وربنا هسيهلك ....امتحان الكمبيوتر بيبقى عباره عن 12 سؤال على الكمبيوتر اسئله اختيارى يعنى بيسالك سؤال فى قوانين المرور او المواقف اللى ممكن تحصلك فى الطريق ويديكى 4 اختيارات وانت تختارى الصح فيهم اهم حاجه ماتغلطيش فى اكتر من اتنين يعنى مش اقل من 10 من 12 والموضوع سهل وانت بتشترى الملف هتلاقى معاه كارت تخربشيه وتدخلى على الموقع المكتوب فى الكارت
www.futuredriver.net والكارت بيديكى 45 دقيقه تدربى على الاسئله وممكن من غير الكارت فيه اسئله فرى ممكن برضه تدربى عليها فى اى وقت ومن غير الكارت بس طبعا الكارت ضرورى لانك لو ذاكرتيه كويس هتلاقى كل اللى فى الامتحان جاى منه ...وممكن تشترى كارت زياده ب10 جنيه تراجعى فى مده اكتر



..mokhtar..

[Bossy_Fadl]

جزاك الله كل خير يا مختار علي مساعدتك

و ربنا معايا بقي ان شاء الله

و ميرسي لكل اللي ساعدني

[mody_moka]

عادى يجماعه انك تدخل بعربيتك لو معاك

والصراحه يبقى احسن لو تدخل بالعربيه بتاعتك ع الاقل هتبقى داخل ونت مطمن

عربيات المرور دي عاوزه تتفجر لازم بيبقى فيها عيوب ف عشان تبقى مأمن نفسك ادخل بعربيك لو معاك وخلاص :d

سواء بقى كانت مانيوال او اوتو مش هتفرق هيدخلوك عادى وهتنجز