استفسار مهم لمبتدئه سواقه ؟؟؟؟؟؟

[Tota86]

السلام عليكم ورحمه الله وبركاته
مش عارفه ابتدي ازاي بس انا متبعاكم من زمان وبقرا ع المنتدي كتيير جدا جدا من ساعه مقررت اغامر واتخبطت في دماغي وادخل رالي الشوارع المصريه وعالم السواقه واشتركت مخصوص عشان نفسي تفيدوني مش عارفه ده القسم المناسب للموضوع ولا لا بس انا بدخل القسم ده دايما
انا قررت اتعلم سواقه من شهر مارس واخدت 12 حصه في مركز تعليم وطلعت الرخصه الحمد لله بس مش هي دي المشكله انا اتعلمت علي فيرنا 2013 مانيوال ودي كانت اول مره في حياتي اسوق اصلا او اقعد علي كرسي سواق في حياتي وكنت متحمسه جدا ومخفتش ابدا ابدا بالعكس كنت متهوره جدا ودايما بقول للي بيعلمني علمني علي اني ولد طبعا عشان سمعه الستات سبقاهم
كنت ماشيه زي الفل بس مش هفضل اتعلم علي طول علي عربيه المكتب و العربيه اللي عندنا بقي سيفيك 95 اول مره اركبها خفت جدا منها مش عارفه ده صح ولا لا بس ابعاد مختلفه مش عاليه زي الفيرنا وحاسه اني واقعه جواها بشوف الكبوت بالعافيه بس الحمد لله تخطيت المرحله دي وطلعت بيها مرتين مع المدرب وبقيت بمشي بيها كويس
بس الخوف مراحش مش هفضل طول عمري بتعلم امتي اقرر اني امشي بالعربيه لوحدي بجد محتاره وياريت تفيدوني بخبراتكم هل الرهبه دي هتروح لو مشيت لوحدي ولا فعلا لسه شويه واصبر علي نفسي
واسفه لو طولت عليكم وياريت تفيدوني

[mohammedgido]

اولا كويس ان حضرتك بتعرفي تسوقي وتتحركي بالعربية دا شيء كويس

ثانيا: حضرتك جربي تسوقي بالعربية في أماكن الازدحام فيها قليل علشان مترتبكيش من اولها فيحصل لا قدر الله حاجة
وبعد كدا تبدئي تختاري شوارع اكثر كثافة من الي قبلها وهكذا لحد ما تخديها تدريجيا فبكدة إن شاء الله ميحصلش حاجة

لكن لو غامرتي ودخلتي في الزحمة والسرعات وتلاقي دا بيكسر عليكي ودا عايز يجري وانتي مهدية ولخبطة وزنقة وزحمة من اول مرة مش هيبقى كويس
يبقى التدريج وإن شاء الله مش هيحصل حاجة
وبالتوفيق

[fares_311]

ان شاء الله الرهبه دي تروح مع الوقت واحده واحده

حاولي تاخدي بالعربيه مشوار طويل كده طريق سفر والا حاجه ويكون حد معاكي,لم تمشي بالعربيه مسافه كبيره حتحسي انك اتعودتي عليها,متقلقيش كله مع الوقت حيبقى تمام,جمدي قلبك واختاري شوارع فاضيه شويه بعدين ازحم فأزحم لحد ما تبقي تمام

[Tota86]

اولا كويس ان حضرتك بتعرفي تسوقي وتتحركي بالعربية دا شيء كويس

ثانيا: حضرتك جربي تسوقي بالعربية في أماكن الازدحام فيها قليل علشان مترتبكيش من اولها فيحصل لا قدر الله حاجة
وبعد كدا تبدئي تختاري شوارع اكثر كثافة من الي قبلها وهكذا لحد ما تخديها تدريجيا فبكدة إن شاء الله ميحصلش حاجة

لكن لو غامرتي ودخلتي في الزحمة والسرعات وتلاقي دا بيكسر عليكي ودا عايز يجري وانتي مهدية ولخبطة وزنقة وزحمة من اول مرة مش هيبقى كويس
يبقى التدريج وإن شاء الله مش هيحصل حاجة
وبالتوفيق

استاذ محمد شكرا جدا علي ردك انا فعلا نزلت مرتين في اماكن هاديه جدا سريعه لحد ما وجربت اسوق لفتره طويله متواصله وهي فعلا مشكله الناس اللي بتكسر وتستعجل وتزمر بتربكك مفيش اي نوع من الصبر مع اني الحمد لله ببقي ماشيه كويس مش معطله الدنيا ملتزمه بحارتي وتعليمات المدرب اللي معايا لكن مشكلتي الاساسيه في الخوف اللي مش عارفه سببه انا اترعبت اكتر من ساعه مركبت عربيتي وحاسه طول الوقت اني هعمل حاجه غلط او اني مش هعرف امشي لوحدي ولازم حد دايما يوجهني جنبي وناس كتير نصحتني ان الرهبه دي مش هتروح غير لما اتجرا وانزل مره او مرتين لوحدي في وقت يكون بدري والدنيا هاديه عشان اكسر الخوف ده

[Tota86]

شكرا استاذ فارس علي ردك ونصيحتك وان شاء الله احاول اجربها وربنا يكرم

[احمد نظمي]

علي فكرة الخوف دا عادي جدا ولو مخفتيش يبقا في حاجة غلط كلنا خفنا ومع كل يوم بتسوقي فيه بتتعلمي من اخطاءك وكل مرة بتحسني من نفسك لحد بعد كدا تبتدي تاخدي بالك من اخطاء غيرك وتتفاديها
بس نصيحتي ليكي تمشي في اماكن مش زحمة اوي مع حد بيعرف يسوق جنبك مش المدرب وتطلبي منه انه يسكت ومش يوجهك وفي نفس الوقت تحسي بالامان لو لاقدر الله حصل حاجة هوه هيطلعك من الموقف دا
وربنا يوفقك

[mem]

بصى حضرتك السواقه ممارسه
كل ما تسوقى اكتر كل ما الثقه تزيد والرهبه تخف
اكيد لازم فى البدايه يكون فى رهبه انتى لسى جديده فى عالم القياده
فلازم يكون فى رهبه وخوف فى البدايه لكن طالما عندك اصرار انك تكون متميزه فى السواقه
فلازم تسوقى كتير علشان تتعودى على عربيتك وتاخدى على جو الطريق والمفاجاءت اللى ممكن تقابلك
وكل مفاجاءه هتقبلك اكيد هتتعلمى منها
واهم حاجه فى السواقه انك تتوقعى خطا الغير ودايما تبقى واخده بالك وعمله حسابك لاى خطا من الاخر
ولازم فى البدايه يكون فى احد معاكى بيعرف يسوق كويس على شان لا قدر الله حصل اى موقف يقدر يتصرف
وشويه شويه هتلاقى حضرتك عايزه تسوقى فى طرق مزدحمه شويه فكل ما تتجراى اكتر هتلاقى مستواكى بقى افضل فى القياده
هتلاقى نفسك عايزه تدخلى فى طرق اصعب وبعد كده هتلاقى نفسك تقدرى تسوقى فى اى مكان
وبالتوفيق لحضررتك

[mesaharaty]

الممارسة والنزول إلى الشارع عمليا وبعدين هو يا دوبك شهر تقريبا وكل شىء حيبقى تمام والرهبة تزول والقلب يبقى جامد .

[OilMan]

كلما تسوقى وتزيد مسافاتك كل ما تاخدى الثقه اكتر بالتوفيق ان شاء الله
حاولى تتعودى على الركن برده بين عربيتين مثلا او تحطى طوبتين او قمعين وتتعودى على المناورة
حذارى حذارى من الارتباك والتردد فى اخذ القرار فى تعاملك مع السيارة وانتى سايقه بلاش تردد نهائى وتعاملى انى الخطأ بييجى من الغير وليس منك ودايما عينك امامك( مش فى موبايلك ) وتكونى متوقعه ما يحدث امامك لمسافة لا تقل عن 500 متر لتفادى اخطاء الغير وامشى بمبدأ السلامه وربنا يسترلك طريقك

نصيحه
ياريتك تتعودى من دلوقتى على عدم السواقه وانتى بتتكلمى فى الموبيل (ويا سلام بقى لو محجبه وحطاه تحت الحجاب ما اسهله) او بتشييتى وانتى بتسوقى وبتابعى اصحابك على الفيس والحركات اللى بجد بقت اوفر سواء من صنفنا او صنفكم

وفى الاخر ربنا يقدرنا على ست جديده فى عالم السواقه

مع تحياتى بسواقه أمنه

[Tota86]

علي فكرة الخوف دا عادي جدا ولو مخفتيش يبقا في حاجة غلط كلنا خفنا ومع كل يوم بتسوقي فيه بتتعلمي من اخطاءك وكل مرة بتحسني من نفسك لحد بعد كدا تبتدي تاخدي بالك من اخطاء غيرك وتتفاديها
بس نصيحتي ليكي تمشي في اماكن مش زحمة اوي مع حد بيعرف يسوق جنبك مش المدرب وتطلبي منه انه يسكت ومش يوجهك وفي نفس الوقت تحسي بالامان لو لاقدر الله حصل حاجة هوه هيطلعك من الموقف دا
وربنا يوفقك

شكرا جدا استاذ احمد علي تشجيعك بس المشكله اني معنديش حد بيعرف يسوق او اللي عندي بيعرف يسوق ركبنا مع بعض مرتين او تلاته واختلفنا لانه بيوترني جدا وبيبقي دايما قلقان حتي لو انا ماشيه صح ومش معقول هاخد المدرب دايما انا عايزه اخد خطوه اني امشي لوحدي وانا اللي خايفه بصراحه لان فعلا المدرب غصب عنه طول الوقت بيوجه وبيبقي قلقان من العربيه لانها مش مجهزه ومساعداه زي بتاعه المكتب بس ربنا ييسر ان شاء الله

بصى حضرتك السواقه ممارسه
كل ما تسوقى اكتر كل ما الثقه تزيد والرهبه تخف
اكيد لازم فى البدايه يكون فى رهبه انتى لسى جديده فى عالم القياده
فلازم يكون فى رهبه وخوف فى البدايه لكن طالما عندك اصرار انك تكون متميزه فى السواقه
فلازم تسوقى كتير علشان تتعودى على عربيتك وتاخدى على جو الطريق والمفاجاءت اللى ممكن تقابلك
وكل مفاجاءه هتقبلك اكيد هتتعلمى منها
واهم حاجه فى السواقه انك تتوقعى خطا الغير ودايما تبقى واخده بالك وعمله حسابك لاى خطا من الاخر
ولازم فى البدايه يكون فى احد معاكى بيعرف يسوق كويس على شان لا قدر الله حصل اى موقف يقدر يتصرف
وشويه شويه هتلاقى حضرتك عايزه تسوقى فى طرق مزدحمه شويه فكل ما تتجراى اكتر هتلاقى مستواكى بقى افضل فى القياده
هتلاقى نفسك عايزه تدخلى فى طرق اصعب وبعد كده هتلاقى نفسك تقدرى تسوقى فى اى مكان
وبالتوفيق لحضررتك

شكرا جدا لردك بجد انتو شجعتوني انا بس محتاجه اجمد قلبي شويه واخد حتي خطوه اني امشي لوحدي حتي ولو تحت البيت شويه لاني لحد الان مخدتش الخطوه دي ومجرد محس اني لوحدي في العربيه بخاف اتعودت علي وجود المدرب جنبي

الممارسة والنزول إلى الشارع عمليا وبعدين هو يا دوبك شهر تقريبا وكل شىء حيبقى تمام والرهبة تزول والقلب يبقى جامد .

يااااااااااارب بس انا ممكن اخد اكتر من شهر لاني مش بقدر اسوق كل يوم بصراحه بسوق يوم الاجازه من الشغل بس

كلما تسوقى وتزيد مسافاتك كل ما تاخدى الثقه اكتر بالتوفيق ان شاء الله
حاولى تتعودى على الركن برده بين عربيتين مثلا او تحطى طوبتين او قمعين وتتعودى على المناورة
حذارى حذارى من الارتباك والتردد فى اخذ القرار فى تعاملك مع السيارة وانتى سايقه بلاش تردد نهائى وتعاملى انى الخطأ بييجى من الغير وليس منك ودايما عينك امامك( مش فى موبايلك ) وتكونى متوقعه ما يحدث امامك لمسافة لا تقل عن 500 متر لتفادى اخطاء الغير وامشى بمبدأ السلامه وربنا يسترلك طريقك

نصيحه
ياريتك تتعودى من دلوقتى على عدم السواقه وانتى بتتكلمى فى الموبيل (ويا سلام بقى لو محجبه وحطاه تحت الحجاب ما اسهله) او بتشييتى وانتى بتسوقى وبتابعى اصحابك على الفيس والحركات اللى بجد بقت اوفر سواء من صنفنا او صنفكم

وفى الاخر ربنا يقدرنا على ست جديده فى عالم السواقه

مع تحياتى بسواقه أمنه

هههههههههههههه الحركه دي مستفزه جدا سواء من الرجاله او من الستات فعلا الموبايل والشاتينج والاكل بجد بحسه استهتار بارواح الناس
بالنسبه للركنه الحمد لله دي اتعلمتها وفعلا بعرف اركن بين عربيتين وربنا يكرمه اللي علمني علمني ازاي اركن من اول مره صح من غير محتاج ادخل واخرج ميت مره لانه عارف ان دي ازمه البنات كلها
ومفيش غير الركنه واليوتيرن اللي بعرف اخدهم كويس
اما الباقي هو الخوف ثم الخوف ثم الخوف اللي مش لاقياله مبرر والتردد فعلا في اتخاذ قرار ودي مشكلتي بخاف في اماكن لازم يكون رد فعلي سريع فيها وبتسرع في مواقف مينفعش اكون فيها متهوره ومتسرعه بس ان شاء الله كله بالوقت يتظبط وبجد ربنا يخليكو كلكوا علي مساندتكو

[حنان رجب]

أنا سوقت العربية اول يوم انهاردة لوحدى والدنيا كانت تمام وذى الفل وبعدين لقيت حد كسر عليا وانا ماشية دوغرى الحمد لله وش العربية باظ وعربية الراجل اتخبطت وما مشيش غير لما اخد 500 جنيه ومن ساعتها وانا اعصابى بايظة وحاسة انى مش هسوق تانى

[BassemKassem]

انا سجلت مخصوص عشان اسال حضرتك وصلتي لأيه دلوقتي؟ لأني هخوض التجربة دي الايام دي وربنا يستر

[BassemKassem]

اكيد حضرتك تغلبتي على الخوف وحالياً بتسوقي
قوليلنا بقى خرجتي منها ازاي