إعـــــــلان

Collapse

.

,
See more
See less

محتاج نصائحكم لسة متعلم سواقة قريب !

Collapse
X
 
  • Filter
  • الوقت
  • Show
Clear All
new posts

  • محتاج نصائحكم لسة متعلم سواقة قريب !

    السلام عليكم اولا :)
    ثانيا .. انا متعلم سواقة تقدرو تقولو كدة مثلا بقالى 6 شهور تمام ؟؟ اوك تمام
    نزلت اتعلمت فمدرسة قيادة من 4 شهور تقريبا حوالى 6 حصص وكنت فالحصة السادسة بسوق تمام جدا ومفيش اى مشكلة .. المشكلة انة خلانى اسوق (فى طرق سريعة يعنى مش فرعية ) وخلانى اخش على ميادين كتير وطبعا انتو عارفين زحمة الميادين والى جايلك يمين وشمال وكدة .. فكنت ببقي خايف جدا وانا داخل على الحاجات دى وببقي حاسس برهبة برضو لانى بسوق فطرق سريعة او بمعنى اصح (رئيسية) وانا لسة بتعلم فتانى حصة تقريبا ... قولت ماشي مش مشكلة ... جيت قولت لوالدى عاوز اطلع رخصة .. فنزل معايا حوالى 4 مرات وخلانى اسوق العربية (المانيوال) وهو قاعد جمبي بس المشكلة برضو اننا كنت بنسوق فطرق سريعة وجة فرابع مرة خلانى اسوق (عالمحور) انا طبعا ماكنتش عاوز اقولكم مدى القلق الى كان مسيطر عليا وانا طالع الكوبري ... المهم روحت طلعت الرخصة ومن بعدها ماسوقتش العربية خالص من 4 شهور الا مرة واحدة كنا رايحين هايبر وان وكان قاعد جمبي برضو وطبعا بيوترنى جدا وانا سايق ( خلى بالك العربيات * خلى بالك المطبات * خلى بالك من الخ الخ الخ الخ ) ... فانا دلوقت بقالى 4 شهور مبسوقش بس انا سواقتى مش وحشة يعنى نوعا ما كويسة بس ببقي مخنوق وفى حد معايا فالعربية بيوجهنى يعنى نفسي انزل بيها لوحدى وحاسس ان الخوف بتاعى دة هيروح بمجرد ما انزل بيها مرة او مرتين لوحدى عشان ببقي فدماغي حاجة مثلا وبابا فدماغة حاجة تانية فبيلغبطنى (بالبلدي) وممكن اغلط ... من كام يوم نزلنا نشتري عربية جديدة وطبعا روحنا بالعربية بتاعتنا (كيا موتورز الى بعد كارفور الصحراوى وانا من سكان 6 اكتوبر ) .. المهم واحنا راجعين كدة هيبقي معانا عربيتين فبابا اقترح انى اسوق المانيوال وهو يسوق الجديدة (بصراحة فرحت جدا بس كنت خايف شوية لان الصحراوى طريق سريع ومسوقتش علية قبل كدة ) بس والدتى موافقتش وقالتلة لا مايسوقش لوحدة عالطريق دة وبعد عناء انا ووالدى فاقناعها اضطرينا نجيب سواق للعربية الجديدة عشان نروح بيها البيت ... فانا مش عارف اعمل اية ! تفتكرو انزل اتعلم سواقة تانى ؟؟ ولا اعمل اية بجد مش عارف انا داخل ف 4 شهور مش بسوق ووالدى من النوع الحريص جدا على العربية فلما بقولة عاوز اخدها يقولى لسة شوية ومش عارف اية ... فانتو تنصحونى باية ؟؟ وتنصحونى باية فموضوع الرهبة دة ؟؟ ... وغير طبعا انى معرفش اعمل حاجة مع العربية لو حاجة فيها عطلت بالبلدي يعنى مخدتش غير حصة واحدة ميكانيكا ومفهمتهاش اوى .. فانزل اخد حصة ميكانيكا عن العربية ولا اية ؟؟ ... واسف انى طولت عليكم وشكرا :)

  • #2
    مفيش ولا نصيحة خالص كدة :(

    Comment


    • #3
      مع تحياتى ... والقياده اساسا ممارسه وواحده واحده هتسوق وقلبك يجمد ولكن لازم يوميا تسوق اى مسافه ويستحسن يكون معاك حد من اصحابك من اللى بيعرفوا القياده للمساعده .... وحاول تقرأ المواضيع اللى في المنتدى خاصه ورشه نايل هتتعلم حاجات كتير ...... بالتوفيق .
      :36_2_55[1]:

      Comment


      • #4
        مش هتعرف تتعلم غير على عربيتك اللى جايبها من مالك الخاص هيا دى اللى هتجمد قلبك
        ahmed air سابقا

        Comment


        • #5
          المشاركة الأصلية كتبت بواسطة ahmed air مشاهدة المشاركة
          مش هتعرف تتعلم غير على عربيتك اللى جايبها من مالك الخاص هيا دى اللى هتجمد قلبك
          كلام من الاخر اوافقك تماما

          Comment


          • #6
            بص انت تجيب سواق يعلمك على عربيتك بتاع تلاتة اربع حصص بس تطمن بيها والدك اولا و تجرب عربيتك ثانيا و هتحس بالعربية اكتر و متخفش مفيش امتع من السواقه عالصحراوي و الطرق السريعة :d شوية شوية هتلاقي نفسك جبت 180 و بتعمل غرز :d
            [SIGPIC][/SIGPIC][shfaf2]http://postimg.org/image/wmpo6bihv/[/shfaf2]

            http://www.facebook.com/Yarisawy

            Comment


            • #7
              طول ما ابوك قاعد جمبك مش هتتعلم حاجة

              حاول تنزل لوحدك فى اماكن رايقة شوية وبعدين خش على الزحمة غير كدة مش هتتعلم وقلبك مش هيجمد

              Comment


              • #8
                متشكر ياجماعة عالنصايح دى .. وفعلا انا لما ببقي مع والدى ببقي متوتر جدا وممكن اغلط من التوتر دة

                Comment


                • #9
                  سوق لوحدك وشغل اغانى وعلى الصوت وعيش حياتك بس متجريش بسرعة زيادة وسيبك من الغرز والكلام الفاضى ده عشان خطر واعمل كل اللى نفسك فيه بس كله الا ابوك هيقعد جنبك مش هتعرف تعمل اي حاجة ولو بطل العالم فى السواقة ابوك هيخليك تنسى البنزين فين والدبرياج فين ... انا بسوق بقالى سنين ... اول ما ابويا يركب جنبى بيحسسنى انى ومليش فى السواقة واى مطب يقولى حااااسب ولو عربية كسرت عليا يبقى انا اللى غلطان وحاجات كتييييييييييييير ما علينا ...
                  زى ماقولتلك سوق لوحدك وحس بمتعة السواقة ومش هتحسها فعلا غير بعربيتك اللى شاريها على حسابك من مالك الخاص مش بتاعت ابوك لانه هيخاف عالعربية اكتر ماهيخاف عليك
                  اسأل مجرب !!!
                  [CENTER][SIGPIC][/SIGPIC]
                  [/CENTER]
                  [CENTER]
                  [/CENTER]

                  Comment


                  • #10
                    المشاركة الأصلية كتبت بواسطة sam4ever2010 مشاهدة المشاركة
                    سوق لوحدك وشغل اغانى وعلى الصوت وعيش حياتك بس متجريش بسرعة زيادة وسيبك من الغرز والكلام الفاضى ده عشان خطر واعمل كل اللى نفسك فيه بس كله الا ابوك هيقعد جنبك مش هتعرف تعمل اي حاجة ولو بطل العالم فى السواقة ابوك هيخليك تنسى البنزين فين والدبرياج فين ... انا بسوق بقالى سنين ... اول ما ابويا يركب جنبى بيحسسنى انى ومليش فى السواقة واى مطب يقولى حااااسب ولو عربية كسرت عليا يبقى انا اللى غلطان وحاجات كتييييييييييييير ما علينا ...
                    زى ماقولتلك سوق لوحدك وحس بمتعة السواقة ومش هتحسها فعلا غير بعربيتك اللى شاريها على حسابك من مالك الخاص مش بتاعت ابوك لانه هيخاف عالعربية اكتر ماهيخاف عليك
                    اسأل مجرب !!!
                    هههههههههههههه فعلا بيجيلى نفس احساسك دة وهو قاعد جمبي بحس انى فالطراوة خالص :d
                    انا بفكر اشيلى مبلغ على جمب واجبلى عربية 27 صغيرة ولا حاجة وبفكر فالموضوع دة كتير فعلا

                    Comment


                    • #11
                      كبر دماغك مش هتتعلم صح الا لما تسوق عربية من فلوسك وقطع غيارها بملاليم زى ال 128 و ال127 والماروتى عربيات مافيهاش اى رفاهية بس تعلم الادب سوق لواحدك خبط وكسر لغاية لما تاخد على ابعاد العربية عادى ياكينج انما لو معاك الوالد مثلا حاسب الراجل اللى بيعدى ف اخر الشارع ولا حاسب الواد اللى بيعدى وراك طب حاسب المطب اللى ف الشارع الجاى وعيش يا كينج

                      Comment


                      • #12
                        بص ياباشا
                        العبد لله معلم خمسة السواقة قبل كدا
                        مبدئيا موضوع انك تسوق كويس وابوك قاعد جنبك دا عشم ابليس في الجنة ...... لا يمكن تعجبه سواقتك

                        انا مرة قرصت على الغيار التاني لحد سرعة 60 علشان باخد غرزة في شارع فيصل والتكييف شغال فالعربية تقيلة ... كان هينزلني من العربية ..... بس لما بسوق لوحدي بعمل اللي انا عايزه

                        اولا :: يفضل ان اللي يعلمك يبقى حد من سنك وشخص لذيذ مش خنيق
                        ثانيا ::: تنزلوا قرب الفجر كدا او بعد الفجر على طول وتلف في كل الحتت الزحمة اللي في البلد العملية دي تككرها مثلا 5 مرات
                        ثالثا :: تبدا تدخل في الزحمة شوية شوية .... يعني زحمة الساعة 11 بليل وبعد كدا العشاء وبعد كدا العصر وبعد كدا وقت الذروة ... يعني الزحمة بالتدريج كدا
                        رابعا :: بعد تعلم الزحمة تسافر بالعربية مشوار حلو... القاهرة اسكندرية مثلا ... 4 او 5 سفريات هتلاقي ثقتك بقت كبيرة قوي ... انا بتكلم عن سفر طويل مش 20 كيلو والسلام ..... يعني اقل حاجة 100 كيلو سواقة لمدة ساعتين متواصل ويفضل طرق حلوة زي اسكندرية او العين السخنة (( طبعا اسكندرية الصحراوي مش الزراعي ))
                        خامسا ::: ابدا اتعلم الركن بالتوازي مع الموضوع دا
                        سادسا :: قول اللي بيعلمك انه يديك فرصة تسوق مثلا 10 دقائق وبعد كدا اسمع النصائح بتاعته بعد ما تخلص 10 دقائق .. يعني هيقعد ساكت كانه اختبار
                        سابعا::: خليك هادي وحاول تمشي بالراحة و ماتستعجلش على الجري بسرعة هيجي وقتها بعدين
                        ثامنا::: اوعى تفكر تطلع بالعربية لوحدك وانت مش واثق في نفسك ... علشان لاقدر الله لو خبط عربية حد مش هتعرف تتصرف بينما اللي معاك هيكون خبرة وهيتصرف
                        تاسعا :: انسى اللي وراك واوعى تفكر فيه ..... معظم اللي بيتعلموا جديد بيبقى مشغول بالعربية اللي وراه ..... ومش بيركز قدامه قوي ............ الي وراك مش هيقدر يعملك حاجة حتى لو قعد يزمر ......... آخره هيعمل ايييييييييييه ؟؟؟ ولا اي حاجة ........ اللي وراك يهمك بس لو هتدخل قدامه يمين او شمال غير كدا سيبك منه .....
                        عاشرا :: ودي اهم نقطة .......
                        هدفك وانت بتسوق انك ماتخبطش حاجة ..... يعني تمشي بسرعة تمشي بطيء مش هتفرق ... تنقل الغيار بدري او متأخر مش هتفرق ...... العربية تنتش وتطفي منك في وسط الزحمة برضو مش هتفرق ..... تدوس فرامل جامد او مرة واحدة او بحرفنة علشن اللي راكب معاك مش يحس بيها برضو مش فارقة .............

                        المهم انك تمشي وما تخبطش حد ... دا هدفك ... ( الحاجات التانية دي فنيات سواقة هتيجي بالتعود والممارسة )))

                        Comment


                        • #13
                          المشاركة الأصلية كتبت بواسطة abdulhafeez مشاهدة المشاركة
                          بص ياباشا
                          العبد لله معلم خمسة السواقة قبل كدا
                          مبدئيا موضوع انك تسوق كويس وابوك قاعد جنبك دا عشم ابليس في الجنة ...... لا يمكن تعجبه سواقتك

                          انا مرة قرصت على الغيار التاني لحد سرعة 60 علشان باخد غرزة في شارع فيصل والتكييف شغال فالعربية تقيلة ... كان هينزلني من العربية ..... بس لما بسوق لوحدي بعمل اللي انا عايزه

                          اولا :: يفضل ان اللي يعلمك يبقى حد من سنك وشخص لذيذ مش خنيق
                          ثانيا ::: تنزلوا قرب الفجر كدا او بعد الفجر على طول وتلف في كل الحتت الزحمة اللي في البلد العملية دي تككرها مثلا 5 مرات
                          ثالثا :: تبدا تدخل في الزحمة شوية شوية .... يعني زحمة الساعة 11 بليل وبعد كدا العشاء وبعد كدا العصر وبعد كدا وقت الذروة ... يعني الزحمة بالتدريج كدا
                          رابعا :: بعد تعلم الزحمة تسافر بالعربية مشوار حلو... القاهرة اسكندرية مثلا ... 4 او 5 سفريات هتلاقي ثقتك بقت كبيرة قوي ... انا بتكلم عن سفر طويل مش 20 كيلو والسلام ..... يعني اقل حاجة 100 كيلو سواقة لمدة ساعتين متواصل ويفضل طرق حلوة زي اسكندرية او العين السخنة (( طبعا اسكندرية الصحراوي مش الزراعي ))
                          خامسا ::: ابدا اتعلم الركن بالتوازي مع الموضوع دا
                          سادسا :: قول اللي بيعلمك انه يديك فرصة تسوق مثلا 10 دقائق وبعد كدا اسمع النصائح بتاعته بعد ما تخلص 10 دقائق .. يعني هيقعد ساكت كانه اختبار
                          سابعا::: خليك هادي وحاول تمشي بالراحة و ماتستعجلش على الجري بسرعة هيجي وقتها بعدين
                          ثامنا::: اوعى تفكر تطلع بالعربية لوحدك وانت مش واثق في نفسك ... علشان لاقدر الله لو خبط عربية حد مش هتعرف تتصرف بينما اللي معاك هيكون خبرة وهيتصرف
                          تاسعا :: انسى اللي وراك واوعى تفكر فيه ..... معظم اللي بيتعلموا جديد بيبقى مشغول بالعربية اللي وراه ..... ومش بيركز قدامه قوي ............ الي وراك مش هيقدر يعملك حاجة حتى لو قعد يزمر ......... آخره هيعمل ايييييييييييه ؟؟؟ ولا اي حاجة ........ اللي وراك يهمك بس لو هتدخل قدامه يمين او شمال غير كدا سيبك منه .....
                          عاشرا :: ودي اهم نقطة .......
                          هدفك وانت بتسوق انك ماتخبطش حاجة ..... يعني تمشي بسرعة تمشي بطيء مش هتفرق ... تنقل الغيار بدري او متأخر مش هتفرق ...... العربية تنتش وتطفي منك في وسط الزحمة برضو مش هتفرق ..... تدوس فرامل جامد او مرة واحدة او بحرفنة علشن اللي راكب معاك مش يحس بيها برضو مش فارقة .............

                          المهم انك تمشي وما تخبطش حد ... دا هدفك ... ( الحاجات التانية دي فنيات سواقة هتيجي بالتعود والممارسة )))
                          بجد ياباشا تشكر والله ربنا يخليك ويجازيك خير عالنصايح دى والله ... متشكر اوى لزوقك

                          Comment


                          • #14


                            اتمنى انه يساعدك

                            Comment

                            Working...
                            X