فى اليوتيرن مين اللى ليه اولوية؟

[AhmedElsayed]

السلام عليكم

بمناسبة الكلام على اليوتيرن
لما بدخل يوتيرن ونفترض انه على الشمال وانا داخل على الضيق وجنبى واحد تانى
مين فينا اللى يستنى التانى؟
يعنى لو كملنا احن الاتنين حيبقى بوز عربيتى داخل فى الباب بتاعه لو هو بيلف على الواسع
ولا الاولوية للى دخل الاول؟

[Ahmed Selim]

الأولوية للى على الشمال

[Ahmed Samy]

اللي على الشمال هو اللي اتعامل مع اليو تيرن الأول و اللي جنبه بيسطو على حقه
بس سيبه ... هوا اللي هايلبس في اللي جاي في الطريق من على اليمين :)

[tutankhamoun]

في ج ع ع ............ الموضوع سبهللة
سمك ............ لبن ........... تمر هندي

في الدول المحترمة و بأكرر المحترمة ( يعني مش أحنا )

مفيش حاجة أسمها أثنين يلفوا مع بعض
هو واحد بس بيلف و الباقيين وراه في طابور

في الدول المتخلفة جدا زينا كدا بالظبط
ممكن أي حد يخش على أي حد و الموضوع سايب و لا ظابط و لا رابط
و لا ناس عايزة تتنظم و لا عندهم ذرة صبر أساسا

و بأكرر في الدول المحترمة

الدخول سيارة سيارة خلف بعضهم البعض

و شكرا للإستماع و ربنا يرحمنا
اللهم أرحمنا من هذه البلد و من أهل هذه البلد اللي هو أحنا في بعض

[chihab18]

مفيش احلي من نظريه مد البوز اللي سمعتها من احد الاخوة في المنتدي

[abou_ruqi]

الحكمة الأذلية

البقاء للأصيع

[Nader]

اللي على الشمال هو اللي اتعامل مع اليو تيرن الأول و اللي جنبه بيسطو على حقه
بس سيبه ... هوا اللي هايلبس في اللي جاي في الطريق من على اليمين :)

+1
I agree with you:)

[kareem_Ashmawy]

يا جمااااااااااااااااااااااااااااعة
كويس ان الموضوع ده اتفتح
لحسن بيبقى هيجيلى شلل من الناس اللى بتلف اليوتيرن بمنتهى السذاجة
اليوتيرن لازم يتاخد على الواسع
يعنى قبل ما تدخل تفتح الدريكسيون شوية و تروح داخل
عشان تطلع من اليوتيرن فى الاتجاة الجديد يدوب جنب الرصيف ( الرصيف الشمال
فى المثال المذكور فوق )
كده هتلاقى بوز عربيتك مش بينط فى وسط الشارع فى الاتجاه اللى انت داخل عليه
وتقعد تستنى العربيات و كل واحد يمد بوزوا و اللى يلحق يعدى
الكلام ده بيبان صحته اوى فى اليوتيرنز اللى معموله صح بتلاقى نفسك خرجت منها
من غير ما تعطل الطريق اللى جاى خاااااالص
اما اللى معمولة غلط بتبقى يادوب فتحة فى الرصيف
لو عملت كده هتلاقى نفسك عطلت الحارة الشمال بس
مش تطلع فى نص الشارع و تقفل الدنيا و تاخد الملف لغاية ما توصل للرصيف التانى
.
.
.
اما بأه مين اللى ليه الاولوية
فبما ان لاتوجد قوانين و البقاء للأصيع( حلوة اوى الكلمة دى)
فدايما برده اللى بياخده على الواسع هو اللى بيقدر يعدى الاول
لأن اللى واخده على ضيق لو كمل هيدخل فى الباب بتاعه
يبقى هيضطر يستنى و التانى هو اللى يعدى
خليك دايما صاااااايع لأن البقاء للأصيع
عذرا أستاذ توت بس حضرتك اللى قولت
انها سمك لبن تمر هندى

[M.Mokhtar]

يا جمااااااااااااااااااااااااااااعة
كويس ان الموضوع ده اتفتح
لحسن بيبقى هيجيلى شلل من الناس اللى بتلف اليوتيرن بمنتهى السذاجة
اليوتيرن لازم يتاخد على الواسع
يعنى قبل ما تدخل تفتح الدريكسيون شوية و تروح داخل
عشان تطلع من اليوتيرن فى الاتجاة الجديد يدوب جنب الرصيف ( الرصيف الشمال
فى المثال المذكور فوق )
كده هتلاقى بوز عربيتك مش بينط فى وسط الشارع فى الاتجاه اللى انت داخل عليه
وتقعد تستنى العربيات و كل واحد يمد بوزوا و اللى يلحق يعدى
الكلام ده بيبان صحته اوى فى اليوتيرنز اللى معموله صح بتلاقى نفسك خرجت منها
من غير ما تعطل الطريق اللى جاى خاااااالص
اما اللى معمولة غلط بتبقى يادوب فتحة فى الرصيف
لو عملت كده هتلاقى نفسك عطلت الحارة الشمال بس
مش تطلع فى نص الشارع و تقفل الدنيا و تاخد الملف لغاية ما توصل للرصيف التانى
.
.
.
اما بأه مين اللى ليه الاولوية
فبما ان لاتوجد قوانين و البقاء للأصيع( حلوة اوى الكلمة دى)
فدايما برده اللى بياخده على الواسع هو اللى بيقدر يعدى الاول
لأن اللى واخده على ضيق لو كمل هيدخل فى الباب بتاعه
يبقى هيضطر يستنى و التانى هو اللى يعدى
خليك دايما صاااااايع لأن البقاء للأصيع
عذرا أستاذ توت بس حضرتك اللى قولت
انها سمك لبن تمر هندى

كلام جميل جدا يا باشا وكله تمام
بس فى حاجة حضرتك مش واخد بالك منها
ان مش ديما اللى بياخدها على الواسع هو اللى بيطلع الاول
كل عربيه وليها محور لف فى عربيات محورها ضيق وفى محورها واسع
هتلاقى المرسيدس مثلا ممكن تاخد ملف اضيق من الفيات (مجرد مثال) مع ان المرسيدس اطول بكتيييييييييييييييييييييييييييييييييييييييييييير من الفيات
ثانيا فى حاجة تانيه
لو اخدت ملف على سرعه بتاخده اضيق من لو اخدته ببطئ
عشان كده لو بتلف وحاسس ان اللفة مش هتجيبك بفرق حاجة بسيطه اوى جرب تاخده على سرعه هتلاقيها جت معاك (عشان بتقرص على العجلة ناحية الملف بفتديك دوران اضيق) بس خلى بالك احسن تلبس فى حاجة :)
يعنى الموضوع محتاج فهم للعربيه اللى انت راكبها وفهم لحالة الطريق

بالنسبالى انا لو داخل ملف لوحدى بدخله على الواسع
اولا عشان اخرج من الملف براحتى وموازى للرصيف من غير ما اضايق اللى جاى
ثانيا عشان محدش يجى يرخم عليا ويدخل معايا :)

بس ساعات تلاقى واحد واقف بعربيته فى الملف وخايف انه يدخل وشكله كده لسه جايب العربيه جديد او مش شايف حاجة او مش عارف يسوق اساسا
طبعا بدل ما اتشل جنبه باضطر ادخل معاه على الواسع او على الضيق حسب المتاح واطلع منه

فى الاخر الاوليه للداخل اليوترن الاول
والمفروض يخرج لوحده مش يدخل لوحده
يعنى عادى جدا ان اتنين يدخلوا اليوترن سوى لو اليوترن واسع
بس يخرجوا على الطريق المعاكس واحد واحد

الحاله فى مصر عندنا
الاوليه للبوزه عدى من الاول
يعنى لو دخلت على الضيق وعرفت تزنق اللى جنب فى اليوترن مش هيعرف يطلع منك عشان هيبقى قدامه الرصيف بتاع اليوترن
ولو انت اخدتها على الواسع وعرفت ترمى بوز عربيتك قدامه هو كده كده هيستناك عشان ملهاش حل تانى

اسف على التطويل

[tutankhamoun]

فى الاخر الاوليه للداخل اليوترن الاول
والمفروض يخرج لوحده مش يدخل لوحده
يعنى عادى جدا ان اتنين يدخلوا اليوترن سوى لو اليوترن واسع
بس يخرجوا على الطريق المعاكس واحد واحد

السلام عليكم و رحمة الله و بركاته
أزيك يا باشمهندس محمد ...... أتمنى أن تكون بخير

أولا ياباشا
مفيش حاجة أسمها أن أثنين يدخلوا مع بعض يو ترن ( منعطف )

لأن المنعطف بيتعمل واسع علشان المركبات الطويلة ( أوتوبيس أو عربية نقل )

بس طبعا مفيش في مصر لا قانون ....... و لا أنظمة
بس أنا بتكلم عن القانون المروري الدولي

المنعطف تقف فيه السيارات طويل
و الأولوية للقادم في الإتجاه المعاكس لو لم توجد إشارة مرور
و إذا وجدت إشارة مرور فالأولوية طبعا لمن له اللون الأخضر

يبقى برضه مفيش حاجة أسمها أثنين يدخلوا منعطف مع بعض
الصح
السيارات تقف خلف بعضها البعض و يبدأ التحرك سيارة سيارة
إنما في مصر

تلاقي إن بسبب المنعطف ......... الطريق كله أتسد
و ده ليه
علشان محدش عايز يقف وراه حد لغاية ما الطريق كله يتسد علشان البهاوات اللي داخلين المنعطف سادين الطريق كله

و أبلغ مثال
فتحة و دخلة المهندسين و ميدان لبنان من على الطريق الدائري

الصبح بيكون الطريق كله مسدود علشان البهاوات اللي معندهاش دم مش عايزين يقفوا ورا بعض
و بدل الوقوف في طابور زي الناس المحترمة المنظمة
تلاقي واحد برضه معندوش دم
و جاي من أقصى الشمال و يكسر عليك أقصى اليمين علشان يدخل منعطف

و للآسف السواقة في مصر ........... دراع و قلة أدب

و آسف على الإطالة و شكرا لحسن الإستماع

[ahmedfawzy14]

الحكمة الأذلية

البقاء للأصيع

[محمد عز]

فيه موضوع فى القسم العام عن اليو تيرن
ان شاء الله تلاقوا فيه الاجابه على كل تسؤلاتكم

http://www.nilemotors.net/Nile/showthread.php?t=36557

[M.Mokhtar]

فيه موضوع فى القسم العام عن اليو تيرن
ان شاء الله تلاقوا فيه الاجابه على كل تسؤلاتكم

http://www.nilemotors.net/Nile/showthread.php?t=36557

موضوع جميل مع ان المشكله اطرحت هنا قبل ما موضوعك ينزل
بس مش مشكله
المهم الكل يستفاد
ياريت الاداره تضم الموضوعين

[kareem_Ashmawy]

لو اخدت ملف على سرعه بتاخده اضيق من لو اخدته ببطئ
عشان كده لو بتلف وحاسس ان اللفة مش هتجيبك بفرق حاجة بسيطه اوى جرب تاخده على سرعه هتلاقيها جت معاك (عشان بتقرص على العجلة ناحية الملف بفتديك دوران اضيق) بس خلى بالك احسن تلبس فى حاجة
يعنى الموضوع محتاج فهم للعربيه اللى انت راكبها وفهم لحالة الطريق

شكرا ياباشا على التوضيح
اول مرة اعرف موضوع ان سرعة دخول اليوتيرن بتفرق فى قطر الدوران
هجربها ان شاء الله
بس عامة الواحد بيلاقي انه صعب يدخل بسرعة
عشان يااما هلبس فى اللى جاى من الاتجاه التانى
او هقف فجأه و ممكن يطلع ورايا واحد لازق فيا يروح راشق فى الشنطة
.
.

[tutankhamoun]

شكرا ياباشا على التوضيح
اول مرة اعرف موضوع ان سرعة دخول اليوتيرن بتفرق فى قطر الدوران
هجربها ان شاء الله
بس عامة الواحد بيلاقي انه صعب يدخل بسرعة
عشان يااما هلبس فى اللى جاى من الاتجاه التانى
او هقف فجأه و ممكن يطلع ورايا واحد لازق فيا يروح راشق فى الشنطة
.
.

ده بالإضافة إلى أن الإنحراف فجأءة بالسيارة يؤثر سلبا على الكبالن