تعريف لزوجه الزيت و اختيار المناسب منه

[YahiaAshraf]

تعرف لزوجه الزيت بانها(مقاومه الزيت للتدفق ) ويرمز لها بالرمز(دابليو)و قد وجدت للاسف ان غالبيه الناس تعرف التعريفات بشكل خاطىء وغير علمى وسوف اقوم بشرح الموضوع بشكل مبسط ارجو ان يحوز على اعجاب الجميع

يوجد نوعان من الزيوت زيت احادى الدرجه وزيت متعدد الدرجات

اولا : زيت احادى الدرجه

لا تتغير درجه لزرجته بتغير درجه الحراره صعودا او هبوطا ويتم تحضيره من مواد بتروليه اساسيه فتجد مثلا مكتوب على العبوه(دابليو 10)اى ان مقياس درجه اللزوجه هى (10)ولا تتغير بتغير درجه حراره المحرك ويستخدم غالبا فى المحركات القديمه او كزيت تروس

ثانيا : زيت متعدد الدرجات

وهو زيت تتغير درجه لزوجته بتغير درجه حراره المحرك صعودا وهبوطا ويتم تحضيره من مواد كيميائيه وجزيئات البوليمارات الدقيقه ومواد بتروليه ويتميز هذا النوع بانه يكون خفيف وذو درجه لزوجه منخفضه عندما يكون المحرك بارد صباحا ويكون الزيت مثلا ذو درجه لزوجه (10) فتستطيع مضخه الزيت ضخه بسرعه الى جميع اجزاء المحرك والاجزاء العليا فى زمن قليل جدا حتى لا تتعرض للتأكل نتيجه الاحتكاك فى الصباح عندما يكون الزيت فى قاع المحرك

وتدريجيا يسخن المحرك فتتمدد دقائق البوليمارات الموجوده فى الزيت فتزداد درجه لزوجته كلما زادت درجه حراره المحرك حتى تصل الى اقصى درجه حسب مواصفات الزيت مثلا الى درجه لزوجه مثلا (50) اى ان الزيت تحول تدريجيا من درجه لزوجه (10 : 50) وهذا ما يطلق عليه زيت متعدد الدرجات وكلما زاد الفرق بين الدرجه السفلى والعليا كان ذلك افضل ويكون اغلى ثمنا ايضاومن الملاحظ انه يسيطر على كثير من الناس هاجس سرعه تغيير الزيت وليس الامر بهذه الخطوره وفى معظم (يوزر مانيوال )لغالبيه السيارات ينصح بتغيير الزيت عند (10000 كم) بينما نحن نقوم بتغيير نفس النوعيه عند (3000 كم)

ونصيحه لاتعطى أذانك الى بائعى الزيوت عندما يقول لك ان التاخير بهذا الشكل سوف يتلف المحرك فهو من مصلحته تغييره كثيرا ولو كل يوم

ولاكن لابد من الاخذ فى الاعتبار قياس الزيت عند كل (1000 كم) وضع نصب عينيك انه من المستحيل حدوث تلف للمحرك طالما لم يكن نقص فى الزيت عن العلامه السفلى على مقياس الزيت

فلا تضيع اموالك بسبب هواجس مصدرها مجموعه من المنتفعين والجهلاء ولا تهتم باسم الشركه المصنعه ولكن اهتم بالمواصفات والرموز السالف ذكرها من جوده اداء ودرجه لزوجه مناسبه لاجواء مكان اقامتك فهذه المواصفات لا يمكن لاى شركه تغييرها من تلقاء نفسها ولابد لها من اتباع المواصفات والاكواد العالميه




منقول

[aymanshebl]

شكرا على المعلومات

[#MAAM#]

شكرا على المعلومات المهمة ده

[Abo-Yousef]

طيب ايه افضل انواع الزيوت بالنسبة للفيات 128

[Amr Axel]

ليا تعليق علي المقطع ده

ايضاومن الملاحظ انه يسيطر على كثير من الناس هاجس سرعه تغيير الزيت وليس الامر بهذه الخطوره وفى معظم (يوزر مانيوال )لغالبيه السيارات ينصح بتغيير الزيت عند (10000 كم) بينما نحن نقوم بتغيير نفس النوعيه عند (3000 كم)

طبعا مش كل العربيات ينصح بتغيير الزيت ع 10000 ع سبيل المثال عندي ينصح كل 5000 او 4 شهور

احب اضيف ان التخليقي عمره اطول 9-13 الف تقريبيا و ده اعتمادا ع اكتر من سبب طريقة القيادة و نوع الموت رو حالته بالاضافة لدرجات الحرارة كل ديه عوامل تأثر ع وقت وجوده قبل ما يفقد خواصه و لا يفضل يفضل في الموتور اكتر من 8 شهور

اما نقطة بيتغير ع 3000 ده بيتقال ع المعدني لأن عمره دايما بيكون قصير نظرا لأنه مستخلص من مواد بتروليه و ليس مُصنع بمواصفات التخليقي و بالتالي لا يتعدي 5 الاف و في حالات قليلة ممكن يوصل لـ6 الاف و برده يعتمد ع نفس العوامل فبيقولوا رقم تقريبي اقرب للتغير منها سبوبة لكن في نفس الوقت الموضوع مفيد للبهوات اللي مبيحبوش يتعبوا او يلطخوا ايديهم بالزيت او مش فاهمين انهم يغيروا ع مواعيد اقرب للحقيقة

فحسب المقال المكتوب هيخلي الناس تستخدم المعدني اللي بيقولوا عليه 3000 او 5000 لاكتر من كده و خاصة لو الشخص مش فاهم او باصص للأرخص و التوفير , و ده اللي فعلا هيتلف المحرك و هو مش حاسس

[mostafa_dvd]

ليا تعليق علي المقطع ده



طبعا مش كل العربيات ينصح بتغيير الزيت ع 10000 ع سبيل المثال عندي ينصح كل 5000 او 4 شهور

احب اضيف ان التخليقي عمره اطول 9-13 الف تقريبيا و ده اعتمادا ع اكتر من سبب طريقة القيادة و نوع الموت رو حالته بالاضافة لدرجات الحرارة كل ديه عوامل تأثر ع وقت وجوده قبل ما يفقد خواصه و لا يفضل يفضل في الموتور اكتر من 8 شهور

اما نقطة بيتغير ع 3000 ده بيتقال ع المعدني لأن عمره دايما بيكون قصير نظرا لأنه مستخلص من مواد بتروليه و ليس مُصنع بمواصفات التخليقي و بالتالي لا يتعدي 5 الاف و في حالات قليلة ممكن يوصل لـ6 الاف و برده يعتمد ع نفس العوامل فبيقولوا رقم تقريبي اقرب للتغير منها سبوبة لكن في نفس الوقت الموضوع مفيد للبهوات اللي مبيحبوش يتعبوا او يلطخوا ايديهم بالزيت او مش فاهمين انهم يغيروا ع مواعيد اقرب للحقيقة

فحسب المقال المكتوب هيخلي الناس تستخدم المعدني اللي بيقولوا عليه 3000 او 5000 لاكتر من كده و خاصة لو الشخص مش فاهم او باصص للأرخص و التوفير , و ده اللي فعلا هيتلف المحرك و هو مش حاسس

كلام حضرتك جميل جدا ولو ممكن اضافه ازاى نفرق بين الزيت المعدنى والزيت التخليقى

[Amr Axel]

كلام حضرتك جميل جدا ولو ممكن اضافه ازاى نفرق بين الزيت المعدنى والزيت التخليقى

الزيت المعدني دايما هتلاقي لزوجته كالآتي : 15w50 - 20w50
و بيكون معروف يعني لو شل يبقي hx5 او اللي بيسمي شل لاسفر لو موبيل زي xhp لو فيسكو يبقي 2000 هو رقمه كده مش معناه يقعد اد يعني و هكذا كل شركة حسب التسمية لكن اللزوجة بتكون كما اوضحت مكتوبة ع الجيركن

التخليقي بقي لزوجة 5w30 - 5w40
زي شل الترا او موبيل وان او فيسكو5000 او وولف فايت تك ع ما اتذكر

و فيه النصف تخليقي و ده اساس معدني و حسب تسمية الشركة انه خليط تخليقي او نصف تخليقي و لزوجته بتكون 10w40 زي شل اتش اكس 7 او شل الازرق

طبعا بالنسبة للمعدني و التخليقي في ارقام كتييير للزوجة و من 0w30 كمان بس ده عايز الاماكن المتجمدة :)
لكن الزوجة اللي نازلة هنا و اللي ذكرتهم فوق هو المناسب للاجواء و الظروف هنا في مصر

اهم حاجة تجيب من البنزينة بلاش المحلات و تبص كمان ع تاريخ الانتاج مطبوع تحت ع العلبة لأن الزيت ليه صلاحية 5 سنين بدون استخدام لكن دايما هتلاقي انتاج السنة و احتمال الشهر كمان :)

[Abo-Yousef]

محدش عبرنى برضو ..... دلوقتى يا جماعه انا يعتبر عامل نص عمرة للماتور ... مغير كرنك وسبيكه والماتور محتاج تليين فى كنت عاوز اعرف اجيبله زيت نوع ايه عشان المكنة تلين ؟؟؟؟ يعنى المفروض يكون زيت درجة اللزوجة بتاعته عاليه ... يكون لزج يعنى ... فاهمنى طبعاً .... ارجو الرد من السادة الخبرااااااااء وفى اسرع وقت والنبى الناهرده عشان رايح استلم العربية قبل الفطار

[S O P H O S]

مشكورر عالمعلومات ..

[Amr Axel]

محدش عبرنى برضو ..... دلوقتى يا جماعه انا يعتبر عامل نص عمرة للماتور ... مغير كرنك وسبيكه والماتور محتاج تليين فى كنت عاوز اعرف اجيبله زيت نوع ايه عشان المكنة تلين ؟؟؟؟ يعنى المفروض يكون زيت درجة اللزوجة بتاعته عاليه ... يكون لزج يعنى ... فاهمنى طبعاً .... ارجو الرد من السادة الخبرااااااااء وفى اسرع وقت والنبى الناهرده عشان رايح استلم العربية قبل الفطار

جيب شل المعدني اللي هو الاصفر و مكتوب عليه لزوجة 15w50 ده كويس و سعره دلوقتي بقي 130 ج

[أبو عابد]

شكرا على هالمعلومات اخي يحيى

انا كنت اعبي زيت بترومين 20w50 العادي
والان راح اغير على زيت كاسترول ماجنتيك بدرجة لزوجة 5w30 تخليقي

تنصحني فيه خصوصا الاجواء عندنا حارة تصل درجة الحرارة الى 50 في بعض الاحيان

يعطيك العافية على المجهود

[Abo-Yousef]

جيب شل المعدني اللي هو الاصفر و مكتوب عليه لزوجة 15w50 ده كويس و سعره دلوقتي بقي 130 ج

للأسف مجبتش ياباشا شل ... الميكانيكى قالى هات بترومين ده لزج وحلو ودوخت عليه لأن الوقت كان متأخر بالليل وفى الأخر ملقتش غير زيت تعاون الاحمر وبعد ماجبته واحد قالى كنت جيب كالتكس احسن ونفس السعر برضه فا دلوقتى مش عارف انا عاوز نوع زيت امشى عليه على طول يعنى اخلى المكنة تبقى متعودة عليه ويعيش معايا فترة كويسة ... هل بترومين ده كويس ولا شل احسن ولا كالتكس ولا التعاون وخصوصاً ان العربية فيات 128

[fosta123]

شكرا على هالمعلومات اخي يحيى

انا كنت اعبي زيت بترومين 20w50 العادي
والان راح اغير على زيت كاسترول ماجنتيك بدرجة لزوجة 5w30 تخليقي

تنصحني فيه خصوصا الاجواء عندنا حارة تصل درجة الحرارة الى 50 في بعض الاحيان

يعطيك العافية على المجهود

يفضل في حالتك إستخدام لزوجة 5w-40 أو أعلى مثل 5w50 أو 10w60

[mrghost]

فعﻻ الكﻻم ده صحيح بدليل ان مفيش جركن هتﻻكى مكتوب عليه يقعد كام كيلو كل ده فتى علشان الناس تغير زيت بسرعه
انا مبغيرش الزيت عندى قبل ما يعمل 3000 او 4000 كيلو مع ان الصنايعية يقولولى ده 1500 كيلو نفسى اعرف بيجيبوا الرقم ده منين
بس طبعا التغيير يعتمد على اسلوب القياده ودرجة الحرارة وهكذا يعنى ممكن تكون مش غامل كيلوهات كتيرة بس بتقف فى اشارات كتير