الفرق بين الفرامل ال abs و العادية

[AmericanMuscle]

بحثت في المنتدى و في المواضيع المثبتة في هذا القسم ملقتش مقارنة بين ال ABS و العادي و لأن في ناس كتير مش عارفة قيمة ال ABS, فـقررت أعمل موضوع بسيط جدا و قصير عن الفرق بينهم.

هناك تلات فروق جوهرية بين الفرامل العادية و ال ABS.

1- التحكم في عجلة القيادة أثناء الضغط على الفرامل

لو عندك فرامل ABS, يمكنك - لا قدر الله - تتفادى حادثة عن عربية وقفت فجأة قدامك لأن لو فراملك مزودة بـ ABS, تقدر تدوس على الفرامل للآخر و في نفس الوقت تحرك العربية شمال و يمين و أنت دايس على الفرامل, لأن العجل مش هيعمل "Lock" معاك و هيفضل متحرك كأنك مش دايس على الفرامل.

2- في الطرق المنزلقة أو اللي فيها ماء على الأرض.

لو عندك فرامل ABS و ماشي على طريق بيزحلق, ممكن تهدي العربية وانت ماشي على الماء و العربية هتفضل ثابتة و مش هتحدف منك لا شمال ولا يمين, لكن لو فرامل عادية و دست فجأة و أنت بتجري على أرضية عليها ماء العربية هتلف منك لفات كاملة 360 درجة و لا قدر الله ممكن تخبط في حاجة لانك هتفقد كامل السيطرة على السيارة.

3- مسافة الوقوف بعد ضغط الفرامل

لو عندك فرامل ABS و كبست فجأة على الفرامل في أي ظرف طارق - لا قدر الله - عربيتك هتقف في وقت اقل و مسافة اقصر من الفرامل العادية. يعني ممكن لو كبست فرامل فجأة على سرعة 100 كم/س, يبقى تقف العربية بعد 5 أو 6 متر في حال إن لو الفرامل عادية ممكن تبقى 9 أو 10 و الفرق ده يبان صغير لكن لا قدر الله في الحوادث السنتيمتر الواحد بيفرق معاك.

و لذلك, نصيحة, لو بتجيب عربية خصوصا في مصر و في الوقت الحالي اللي بنسمع فيه عن حوادث كتيرة جدا, تجيب واحدة فيها فرامل ABS, من اجل سلامتك :)

شكرا و أتمنى يكون الموضوع اعجبكم.

[alzelafy]

طبعا الايه بى اس ممتاز جدا جدا و خاصه فى العربيات الالمانى مع ثقل وزن العربيه فتقريبا موضوع الزحف دا مش موجود فى العربات دى انا بخش على المطب بسرعتى و بقف فى مسافه 4 متر او 5 غير العربيات التانيه بتهدى قبلى بكتيير

[Silent~Dream]

شكرا على الموضوع وتوضيح الصوره ادام الناس عشان فيه كثير ميعرفش الفرق و هل يستحق فرق الفلوس

[AmericanMuscle]

شكرا على الموضوع وتوضيح الصوره ادام الناس عشان فيه كثير ميعرفش الفرق و هل يستحق فرق الفلوس

طبعا مهم و خصوصا في مصر الحبيبة.

طبعا الايه بى اس ممتاز جدا جدا و خاصه فى العربيات الالمانى مع ثقل وزن العربيه فتقريبا موضوع الزحف دا مش موجود فى العربات دى انا بخش على المطب بسرعتى و بقف فى مسافه 4 متر او 5 غير العربيات التانيه بتهدى قبلى بكتيير

مش شرط الالماني بس, هيفرق في كله :)

[monamize4]

موضوع مفيد ,, تسلم ايديك
و للاسف لسه فى ناس بتشرى عربيات 2013 مفهاش abs

بخصوص النقطة رقم 3 ,,
مش دايما ال abs بيقصر مسافة الفرامل ,, بالعكس فى حالات بيزود فيها مسافة التوقف

[AmericanMuscle]

موضوع مفيد ,, تسلم ايديك
و للاسف لسه فى ناس بتشرى عربيات 2013 مفهاش abs

بخصوص النقطة رقم 3 ,,
مش دايما ال abs بيقصر مسافة الفرامل ,, بالعكس فى حالات بيزود فيها مسافة التوقف

أكيد مش دايما بس بتكلم على طبيعة شوارع مصر يعني احنا معنداش جليد ولا أي حاجة بتزحلق العربيات ولا مزلقانت كتير لأن دي هي الحاجات اللي ممكن ال abs يندل معاك فيها, لكنها في مصر تقريبا شبه معدومة :)

[hplv]

موضوع مفيد ,, تسلم ايديك
و للاسف لسه فى ناس بتشرى عربيات 2013 مفهاش abs

بخصوص النقطة رقم 3 ,,
مش دايما ال abs بيقصر مسافة الفرامل ,, بالعكس فى حالات بيزود فيها مسافة التوقف

بصراحة حضرتك يا فندم الى اقنعتنى بعدم جدوى شراء عربية مافيهاش abs لما كنت بدور على عربية مستعملة
وبالفعل ال abs انقذنى فى كذا مره وخاصة جوا البلد وفى الاماكن الى الاسفلت فيها مكسر .