سؤال عن تغير الفلاتر والسيور

[ecybrarian]

ازاي اعرف ان الفلاتر (زيت، بنزين، هوا) عايزة تتغير؟؟ وهل صحيح ان كل زيت لازم يركب له فلتر؟؟ يعني زيت الباور له فلتر برضه. والفلاتر دي بتتنضف ولا لازم تتغير
أما عن السيور فهل يكفي فقط ان انا اشوف الشدة بتاعتهم للتأكد من سلامتهم ولا أكتفي بحساب الكيلومترات على العداد وخلاص؟؟

وشكرا

[Nader]

أما عن السيور فهل يكفي فقط ان انا اشوف الشدة بتاعتهم للتأكد من سلامتهم ولا أكتفي بحساب الكيلومترات على العداد وخلاص؟؟

لأ السيور لازم تلتزم بالكيلو مترات مش بالشكل الظاهر، لو سير زي سير الكاتينة "لا قدر الله" اتقطع، هتندم اشد الندم.

بالنسبة لفلتر الزيت دة مش بيتنضف وبيتغير كل 10000 كيلو، اما بالنسبة لفلتر الهوا فدة ممكن يتنضف مش لازم يتغير على طول "حسب الحالة"، فلتر البنزين بيتغير برضة ومش بينضف.

[ecybrarian]

شكرا يا نادر باشا على الرد السريع والمفيد جدا جدا جدا 8)

[Nader]

شكرا يا نادر باشا على الرد السريع والمفيد جدا جدا جدا

اهلاً بك في أي وقت

[DAHB115]

ميرسي علي المعلومات الجميله دى بس لي سؤال انا كمان اين توجد الفلاتر دى ومين اللي بيغيرها وممكن يتكشف عليها ولا تتغير علي طول وشكرا

[MMamdouh]

هى العربية ايه؟

MMamdouh

[mecho_392]

ميرسي علي المعلومات الجميله دى بس لي سؤال انا كمان اين توجد الفلاتر دى ومين اللي بيغيرها وممكن يتكشف عليها ولا تتغير علي طول وشكرا

بالنسبة لفلتر الهواء ده بيكون فى علبة سوداء بكليبسات تفكها و تطلعة,, لما بيكون جديد بيكون لونه ابيض خالص زى القطن و مع الوقت بيتحول رمادى نتيجة الاتربة و الذى منه و علشان تحافظ عليه من الانسداد و تحافظ على عمر المحرك و اداءه ممكن تفكه و تنظفه بنفسك عن طرق بلور (لو عندك) و طبعا لازم تلتزم بتغييره عند عدد كيلو مترات محدد (فى الهيونداى عند 20,000 كم)

فلتر الزيت ده بتغيره مع كل تغيير زيت على حسب الزيت اللى بتحطه 3000 او 5000 او 10000 ... تغيره فى البنزينة

فلتر البنزين موجود على خط سحب طلمبة البنزين او بأى شكل على خط الوقود.. ده لازم يتغير كل فتره (فى الهيونداى عند 40,000 كم) و مينفعش تنظفه.

و لو بتعمل صيانة فى التوكيل هيعملوها فى مواعيدها و الافضل انك تبقى تشوف فلتر الهواء بنفسك و ممكن تشتريهم من التوكيل علشان تضمن انها اصلية لو عربيتك جديدة لكن لو 128 تجيبهم من اى محل قطع غيار.