ال Abs

[mody_halawa]

يا جماعة هو ال Abs وال Ebd دول لما بيشتغلو لما بدوس على الفرامل دوسة جامدة بيعملو تكتكة فى دواسة الفرامل ولا لا

[OlaOsman]

يا جماعة هو ال Abs وال Ebd دول لما بيشتغلو لما بدوس على الفرامل دوسة جامدة بيعملو تكتكة فى دواسة الفرامل ولا لا

و بيشتغلوا ازاي أصلا؟

[blazer]

abd =anti lock bracking system
نظام مانع انغلاق الفرامل يعنى لما تيجى تفرمل فرمله قويه جدا وبل1ات فى الطرق الزلقه يعنى فيها ميه او زيت الكاوتش ميقفش و دا عن طريق ان الفامل بتفرمل على هيه ان التيل بيعمل نبظات مش بيفضل ماسك على الطنبير بمعدل تقريبا 10 نبظات فى الثانيه الواحده ودا اكبر فايده ليه انك مثلا تقدر تتحكم فى اتجاه العربيه وانت بتفرمل وهو بيزود سنه صغيره من مسافه التوقف
اما ال ebd =electric braking distribution
يعنى نظام توزيع قوه الفرامل الكترونيا على العجلات الاربعه
يعنى لما مثلا تكون محمل جامد الشنطه او ناس كتير راكبين ورا الكمبيوتر بيخلى الفرامل ورا تبقى اقوى من المعتاد ودا لان الشنطه بتكون تقيله :)

[mody_halawa]

abd =anti lock bracking system
نظام مانع انغلاق الفرامل يعنى لما تيجى تفرمل فرمله قويه جدا وبل1ات فى الطرق الزلقه يعنى فيها ميه او زيت الكاوتش ميقفش و دا عن طريق ان الفامل بتفرمل على هيه ان التيل بيعمل نبظات مش بيفضل ماسك على الطنبير بمعدل تقريبا 10 نبظات فى الثانيه الواحده ودا اكبر فايده ليه انك مثلا تقدر تتحكم فى اتجاه العربيه وانت بتفرمل وهو بيزود سنه صغيره من مسافه التوقف
اما ال ebd =electric braking distribution
يعنى نظام توزيع قوه الفرامل الكترونيا على العجلات الاربعه
يعنى لما مثلا تكون محمل جامد الشنطه او ناس كتير راكبين ورا الكمبيوتر بيخلى الفرامل ورا تبقى اقوى من المعتاد ودا لان الشنطه بتكون تقيله :)

يعنى النبضات دى هى التكتكة اللى بتبقى فى الدواسة بتاعت الفرامل

[blazer]

مش متاكد عشان انا عربيتى مفيهاش لا absولا ebd
بس هو لو انت حساس مع عربيتك ممكن تكون هتحس بيها

[Ramy_Tantawi]

كيفية عمل النظام أخي في الله blazer شرحه جزاه الله خير ..

السؤال هل النبضات هي اللي نشعر بيها في دواسة الفرامل ؟ نعم لكن هي شيء اقوى قليلاً من التكتكه وعلى حسب السرعه اللي العجله ماشبه بيها وظروف الاسفلت يعني عن تجربه لو ماشي مثلا على 30 وفي رمل ودوست فرامل مره واحده النظام بيعمل النبضات دي بقوه من 3-5 مرات على الاكثر وبتكون العربيه وقفت ونشعر بالنبضات دي في شكل تخبيط وبرجله في دواسة الفرامل.

في ظروف تانيه جربت بس كانت الارض فيها مياه على زيت ده كان في مدخل محطة اوتوبيس وبسرعه اقل كمان النبضات المره دي كانت اسرع وعددها ازيد كمان وده لئن الانزلاق كان اكتر فرد الفعل الطبيعي لنبضات النظام انها تكون اسرع ...........الكلام ده في رينو ميجان لم اجربه في عربيه اخرى للأمانه.

سؤال علا باشا ......بيشتغل ازاي ؟

النظام في أغلب الاحوال لو الكاوتش كويس ومظبوط مش ممسوح وماشيين على اسفلت مفيش عليه مياه او رمل النظام مش هيشتغل الا على سرعه عاليه وفرمله فجائيه مش بدوسة فرامل طبيعيه ابداً ...........لو حضرتك عاوزه تجربيه وتحسي ازاي بيشتغل تعالي على اي مكان فيه رمل وياريت يكون فاضي وجربي على سرعة 20-30 مثلاً دوسي فرامل مره واحده وهو هايعمل اللي عليه ...............انا لئن عندي هسهس في المواضيع دي دايما باشوف اماكن فيها رمل او حاجه واجرب كل فتره كده حتى تقر عيني واطمئن ........وربنا يحفظنا من كل سوء ويجعل من هذه الوسائل المتطوره سبب ان شاء الله في حماية البشر والحفاظ على حياتهم آمين يا رب .

ملحوظه :- مش هافكر حضرتك وانتي بتجربي ياريت تكوني لوحدك في العربيه او تعرفي اللي معاكي انك هاتجربي وياريت مايكونش في حاجه على الكنبيه الخلفيه او الكرسي اللي جنب حضرتك اي حاجه ممكن تقع ..........وياريت كمان تتبتي في الدركسيون كويس فقط كي تشعري نفسك بالأمان .

[mody_halawa]

يعنى التكتكة اللى فى الدواسة دى حاجة طبيعية فى الفرامل ال abs
طيب لما الاقى التكتكة دى اشيل رجلى ولا افضل مثبت رجلى
وبعدين التكتكة دى ليها صوت زى حاجة بتتكسر

[Ramy_Tantawi]

يعنى التكتكة اللى فى الدواسة دى حاجة طبيعية فى الفرامل ال abs
طيب لما الاقى التكتكة دى اشيل رجلى ولا افضل مثبت رجلى
وبعدين التكتكة دى ليها صوت زى حاجة بتتكسر

طبيعيه جداً بس مش في كل مره ندوس فيها فرامل ........لما حضرتك تحس ان الكاوتش بيتزحلق لكن النظام بيحاول يوقف العربيه فالنبضات دي يتعمل بتردد وبسرعه نبضات على التيل اكنك بتدوس فرامل وتشيل رجلك بس بسرعه..

لأ طبعاً لو شلت رجلك العربيه هاتمشي تاني وتسيب الفرامل .......تفضل مثبت رجلك لغاية مالعربيه تقف طبيعي مافيش اي مشكله ان شاء الله.

[OlaOsman]

يعني هي ال ABS بتشتغل لما العجل يبقى فوق مكان فيه رمل أو زحلقة بس؟ و لا شغالة مع كل فرملة انما بتظهر مع الزحاليق؟

[waled369]

يا جماعة تكتكة ايه بس مفيش تكتكة في الايه بي اس و لا حاجة الموضوع بسيط جدا أن الفرامل في النظام ده بتشتغل بطريقة غير الفرامل العادية بمعني ان فرامل الكاوتش الأمامي اليمين مثلا بتمسك مع فرامل الكاوتش الخلفي شمال و العكس و دا طبعا بيكون في أجزاء من الثانية ( يعني شئ غير محسوس بالمرة ) و دا مش بيخللي العربية تتزحلق طبعا في فرملت في ميه مثلا .
أما بالنسبة بتشتغل مع الزحاليق بس أو شغالة على طول لأ طبعا هيه شغالة على طول بس بتكون محسوسة أكتر لو فرملت في ميه مثلا أو على رمل .
أما موضوع التكتكة ده و انته بتقول انها صوت كسر طبعا مفيش الكلام ده خالص و لازم تروح تشوف حد كويس يكشف لك ع الفرامل بتاعة عربيتك .
و شكرا

[mohamedway]

الABS بيشتغل فى اى ظروف تخلى العجل يتوقف عن الدوران فى حين ان السياره مازالت تسير فيتدخل للمحافظه على دوران العجل حتى نهايه عمليه توقيف العربيه و فايده كده انك ممكن تتحكم فى العربيه اثناء الفرمله بأقصى قوه ممكنه انما لو العجل قفش مش هيبقى فيه اتجاه للعربيه و الدركسيون هيفقد خاصيه توجيه السياره اثناء قفشان العجل و بالنسبه للعجل الخلفى لو قفش ممكن لا قدر الله العربيه تلف حول نفسها اثناء الفرامل الشديده على سرعه عاليه أو ارض مزحلقه و كل المشاكل ده بيحلها الABS عن طريق من قفشان العجل اثناء الفرامل وده معنى الكلمه Anti-Locking Braking System . وطبيعى جدا انه لما بيتدخل لمنع قفشان العجل بيغير قوه الفرامل على العجل عشرات المرات فى الثانيه الواحده وده عشان يقدر يضبط افضل قوه فرامل ممكنه بالنسبه لقوه التصاق الكاوتش بالأرض اللى ماشى عليها و فى نفس الوقت متخليش العجل يقفش لعدم فقد السيطره على العربيه و طبعا كونه بيعمل ده عشرات المرات فى الثانيه فطبيعى جدا ان بدال الفرامل يقاوم رجلك و يعمل اهتزازات قويه و تسمع صوت تخبيط جامد من مكنه الABS وده فى كتالوج عربيتى مكتوب انه طبيعى و معناه ان النظام يعمل كويس و بينبه عليك انك دوس فرامل بقوه و ماتشيلش رجلك مهما حصل لغايه ما الموقف ينتهى او العربيه توقف و بينبهك لإمكانيه استخدام الدركسيون فى مفاداة اى حاجه ممكن تكون هتخبطها و العربيه مش هتلحق تقف و ده الفرق بين وجود الABS من عدمه لأن لو مفيش ABS و دايس فرامل على الأخر مش هتقدر تفادى حاجه.

[iBiZa]

الABS بيشتغل لما يحس ان العجل بيتزحلق لاى سبب, سواء كان فى رمل او مياة او زيت او اسفلت (لو بتجرى و دوستى فرامل جامد فى العربيات العادية تلاقى العجل قفش و العربية بتتزحلق).

الABS من اسمة Antilock Bracking System هو بيمنع العجل يحصلة Lock بسبب الفرامل فى اى ظرف من الظروف.

[mohamedway]

يا جماعة تكتكة ايه بس مفيش تكتكة في الايه بي اس و لا حاجة الموضوع بسيط جدا أن الفرامل في النظام ده بتشتغل بطريقة غير الفرامل العادية بمعني ان فرامل الكاوتش الأمامي اليمين مثلا بتمسك مع فرامل الكاوتش الخلفي شمال و العكس و دا طبعا بيكون في أجزاء من الثانية ( يعني شئ غير محسوس بالمرة ) و دا مش بيخللي العربية تتزحلق طبعا في فرملت في ميه مثلا .
أما بالنسبة بتشتغل مع الزحاليق بس أو شغالة على طول لأ طبعا هيه شغالة على طول بس بتكون محسوسة أكتر لو فرملت في ميه مثلا أو على رمل .
أما موضوع التكتكة ده و انته بتقول انها صوت كسر طبعا مفيش الكلام ده خالص و لازم تروح تشوف حد كويس يكشف لك ع الفرامل بتاعة عربيتك .
و شكرا

الكلام ده كله ليس له اساس من الصحه وواضح ان صاحبه ميعرفش يعنى ايهABS وعمره ما جربه.

[iBiZa]

الكلام ده كله ليس له اساس من الصحه وواضح ان صاحبه ميعرفش يعنى ايهABS وعمره ما جربه.

+1
انا بقول كدة بردة

[nobody]

يا جماعة تكتكة ايه بس مفيش تكتكة في الايه بي اس و لا حاجة الموضوع بسيط جدا أن الفرامل في النظام ده بتشتغل بطريقة غير الفرامل العادية بمعني ان فرامل الكاوتش الأمامي اليمين مثلا بتمسك مع فرامل الكاوتش الخلفي شمال و العكس و دا طبعا بيكون في أجزاء من الثانية ( يعني شئ غير محسوس بالمرة ) و دا مش بيخللي العربية تتزحلق طبعا في فرملت في ميه مثلا .
أما بالنسبة بتشتغل مع الزحاليق بس أو شغالة على طول لأ طبعا هيه شغالة على طول بس بتكون محسوسة أكتر لو فرملت في ميه مثلا أو على رمل .
أما موضوع التكتكة ده و انته بتقول انها صوت كسر طبعا مفيش الكلام ده خالص و لازم تروح تشوف حد كويس يكشف لك ع الفرامل بتاعة عربيتك .
و شكرا

ABS ايه اللي انت جاي تقول عليه انت عارف قبله معنى ABS ايه؟؟؟!!!