مصطلحات لازم تعرفها عن عربيتك .. هام جدا

[mijodian]

السلام عليكم
دي مصطلحات اللغة الانجليزية الخاصة بالعربية
هيا عباره عن اجزاء في العربية لكن مهمه جدا
اهميتها مش بس المصطلح بيقابله ايه في الانجلش لا
الاهمية انك ممكن تدخل يوتيوب او جوجل صور وتشوف اجزاء كل قطعه او طريقة تركيبها بنفسك فبكده تعلم نفسك بنفسك وممكن كمان حاجات كتيره انت تغيرها حسب موديل سيارتك
عشان خاطر التوكيل بياخد منك فلوس كتيره جدا ملهاش اي ستين لازمة
وده طبعا لعشاق التعامل مع السيارة وجه لوجه مش من ورا المقصورة بس
اتفضلو بعض اهم المصطلحات الخاصة بالصيانات الدورية لاي سياارة
Brake Disc طنابير
Brake Pad تيل
Shock Absorbers مساعدين
Coil Springs سوست المساعد
Radiators ردياتير
Wiper Blades مساحة زجاج
Clutches دسك واسطوانة
Batteries بطاريات
EngineBelt سير كاتينة
Ignition HT Lead Set طقم كهرباء
Air Filter فلترا هوا
Oil Filter فلتر زيت
Axle الكوبلن
Piston البستم
Crankshaft عمود الكرنك
Valve بلف العجلة
Spark plug البوجيهات
Serpentine belt سير التكييف
Serpentine سربنتينه التكييف
Dynamo belt سير الدينامو
Suspension Bush جلبة للعفشة
Engine Mount كراسي المكنة
Cylinder Head Gasket جوان وش سلندر
Gasket rocker cover جوان وش تاكيهات


شكرا ... ليكم تمنياتي بالتوفيق
محمد

[MOSTAFA.EID]

معلومات مفيده جداااا

[J A G U A R]

مشكور يا باشا

[mijodian]

شكرا لردودكم ياجماعه ... انا ناوي اهمل قاموس لمصطلحات العربيات اللي الميكانيكيه بوظوها دي
عشان نقدر نصلح بنفسنا ونشوف افضل وادق طريقه والله انا بعمل حاجات كتير بنفسي في العربية بتوفر اكتر من 150 ج شهريا زي تنضيف كربيراتير
ظبط المكنة هوا
تغير بوجيهات
السيور
الفلاتر
تغيير الزيت
كل ده حاجه عبط وكل ما العربيه مابتبقي حديثة التعقيد بيقل جدا
لانهم اعتمدو في العربيات الحديثة انك تصلحها دليل كلامي كاتالوج السيارة
فيه صفحات اعطال اولية واعطال مركز صيانه
انت تقدر تعمل منها بنفسك من غير اي جهد حوالي 50 % من الاعطال
لكن اللي بيحتاج صنايعي قوته او ايده وشغله في الزيت وكده فساعتها تبقي انت الدماغ وهو العضلات
ده انسب حل وفكك من التوكيل ومراكز لصيانه اللي فيها عضلات ومفهاش دماغ
عشان كده عمرك ماهتلاقي صناعيني بيفهم غير حاجه من اتنين يابيفكر يابيفكر

[saddam]

صديقي المواطن
شكرا على هذا الموضوع التثقيفي البسيط لفائدة زملائك من أعضاء المنتدى الكرام ولا تحرمنا من كل جديد لك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[akmm]

شكرا للمعلومات

[Yousef.Kamel]

جميل وابدا فى الباقى

[S O P H O S]

مشكوررر يا باشا

[Ahmed.Essam]

معلومات جميلة تسلم على المعلومات وعلى مجهودك