هل الغيار العكسى ضار على السيارة ؟؟

[ismail kassem]

يعنى لو اضطر الامر انى اغير من الخامس للرابع او التالت لاأى ظرف هل دا غلط على العربية ؟؟؟مع العلم انو شئ عادئ فى قيادة السيارة اكون ماشى على الخامس والامر يتحتم على اغير للرابع او التالت مثلا !!

ارجو الافادة من اهل الخبرة وشكرا

[janarad]

على السرعات العالية غلط على الكبالن و جلب المقصات و على المدى الطويل ها يقصر عمر اسطوانة الديبرياج .... القيادة الناعمة بتطول عمر آلة الجر و العفشة .

[ismail kassem]

على السرعات العالية غلط على الكبالن و جلب المقصات و على المدى الطويل ها يقصر عمر اسطوانة الديبرياج .... القيادة الناعمة بتطول عمر آلة الجر و العفشة .

شكرا جزيلا

[janarad]

شكرا جزيلا

العفو

[lad]

عادى جدا هى مصممة لكدا

[janarad]

عادى جدا هى مصممة لكدا

مين قال انها مصممة لكدة ؟ طيب ما هى مصممة و فيه امكانية انك تمشى على 6 او 7 الاف ار بى ام .. يبقى المشى عليه عادى مثلا ؟

[J A G U A R]

مفيهاش حاجه بس المفرود كل غيار وليه سرعته يعنى الغيار التالت على سرعه 60 والرابع على 80 والخامس على 90 او 100 دى السواقه المظبوطه وبتريح العربيه .

[borio1704]

الغيار العكسي ممكن يكون كويس وممكن يكون ضار

بس إمتى؟؟؟؟


لو سرعة العربية نزلت عن الحدود الدنيا للاستخدام المريح للغيار... يعني مثلا.. تبقى ماشي على 40 على الرابع.. يبقى ساعتها من الضروري إننا نعمل غيار عكسي...

المسألة هنا مش اختيار.. ده ضرورة



حالة تانية...

لو حضرتك ماشي بسرعة متوسطة بالنسبة للغيار.. يعني مثلا.. 60 على الرابع.. وحبيت تعدي عربية قدامك بس بسرعة... لازم تعمل غيار عكسي علشان تاخد تسارع أعلى

الموضوع هنا اختياري


حالة تالتة...
لو حضرتك ماشي على سرعة عالية بالنسبة للغيار.. يعني مثلا.. 60 على الثالث.. وعملت غيار عكسي. . ساعتها الموتور بيعمل فرملة للعربية.. وده ممكن يكون له تأثير سلبي على أجزاء نقل الحركة بشكل عام وكمان قواعد الموتور... ده غير إن فيه احتمال كبير الموتور يلف بسرعة عالية أكبر من الحدود القصوى ويدخل في الخط للأحمر

الموضوع هنا مضر

حالة واحدة بس اللي تبقى مضطر تعمل فيها كده.. هي إنك تكون عايز تفرمل وما تلاقيش الفرامل مساعداك.. أو في حالات انفجار الكاوتش لا سمح الله.

بس أصلا.. التكنيك ده عشان تقدر تستخدمه صح .. محتاج تجربة وتمرين بسيط.


لو عايز تعرف معلومات اكتر.. ادخل على الموضوع ده
http://www.nilemotors.net/Nile/329379-rpm.html



...

[lad]

مين قال انها مصممة لكدة ؟ طيب ما هى مصممة و فيه امكانية انك تمشى على 6 او 7 الاف ار بى ام .. يبقى المشى عليه عادى مثلا ؟

يبقى انت اساسا مفهمتش السؤال بتاع صاحب الموضوع يعنى لو ماشى خامس على 130 و نزلت لى 70 افضل ماشى عليه برده اكيد لا يعنى بيقولك اغير فى اى ظرف عادى و ستين عادى كمان

[Sherif Mandoor]

الغبار العكسى لو انت مثلا ماشى عالرابع وفى مطلع كوبرى بتجيب عكس الغبار التالت او تكون على طريق السفر وعايز تتخطى سياره وامامك ظريق مقابل فيكون من الخامس للرابع التعرض لموقف مفاحى ولكن ماينفعش اجيب الغيار من الخامس للتانى وانا مثلا على سرعه 100

[MOTOR HEAD]

الغيار العكسي ممكن يكون كويس وممكن يكون ضار

بس إمتى؟؟؟؟


لو سرعة العربية نزلت عن الحدود الدنيا للاستخدام المريح للغيار... يعني مثلا.. تبقى ماشي على 40 على الرابع.. يبقى ساعتها من الضروري إننا نعمل غيار عكسي...

المسألة هنا مش اختيار.. ده ضرورة



حالة تانية...

لو حضرتك ماشي بسرعة متوسطة بالنسبة للغيار.. يعني مثلا.. 60 على الرابع.. وحبيت تعدي عربية قدامك بس بسرعة... لازم تعمل غيار عكسي علشان تاخد تسارع أعلى

الموضوع هنا اختياري


حالة تالتة...
لو حضرتك ماشي على سرعة عالية بالنسبة للغيار.. يعني مثلا.. 60 على الثالث.. وعملت غيار عكسي. . ساعتها الموتور بيعمل فرملة للعربية.. وده ممكن يكون له تأثير سلبي على أجزاء نقل الحركة بشكل عام وكمان قواعد الموتور... ده غير إن فيه احتمال كبير الموتور يلف بسرعة عالية أكبر من الحدود القصوى ويدخل في الخط للأحمر

الموضوع هنا مضر

حالة واحدة بس اللي تبقى مضطر تعمل فيها كده.. هي إنك تكون عايز تفرمل وما تلاقيش الفرامل مساعداك.. أو في حالات انفجار الكاوتش لا سمح الله.

بس أصلا.. التكنيك ده عشان تقدر تستخدمه صح .. محتاج تجربة وتمرين بسيط.


لو عايز تعرف معلومات اكتر.. ادخل على الموضوع ده
http://www.nilemotors.net/nile/329379-rpm.html



...

فنان

[S O P H O S]

مظبوط لو سرعة عالية وبتنقل لغيار اقل ده غلط طبعا
بس الحالة دي بتستخدم فالمواقف الطارئة فقط