**........صيانه كهرباء السياره ............ للمبتدئين**

[دموع الثلج]

المكونات الكهربائيه

و هي تشمل ( البطاريه و كابلاتها - التكييف - المارش - الدينامو - طقم الكهرباء - الفيوزات )

____

* البطاريه و كابلاتها : وتختلف فئاتها و أنواعها تبعاً للأمبير و الحجم ..

و أما الحفاظ عليها فيكون بالصيانه الدوريه.. ومراعاة الآتي :

- متابعة مستوى المياه في كل عين من عيون البطاريه و تزويدها بالماء المقطر .. و لا تزود بالماء العادي .

- مراجعة مستوى الحامض بالبطاريه كل 6 أشهر ( عند أي محل لبيع البطاريات و الكاوتش ) .

- تنظيف أقطاب البطاريه ( خصوصاً القطب السالب ) من الأملاح التي تتكون عليه، و ذلك بالماء الساخن .
و لمنع و تقليل إحتمالية ترسب الأملاح.. يتم دهان القطبين بالشحم لعزلها .

أما للحفاظ علي البطارية من خلال قيادتك.. عليك مراعاة الآتي :

- تشغيل السياره يومياً في فصل الشتاء أو الصيف.. لا تتركها بدون تشغيل أكثر من 3 أيام، و يفضل التحرك بالسياره و تشغيل المصابيح أثناء السير بها .

- التأكد من إغلاق المصابيح و الكاسيت أو أي شيء قبل ترك السياره .

- تجنَّب تشغيل الكاسيت ( خصوصاً الكاسيت و الأكولايزر الهاي باور ) أو أي مصابيح لفتره طويله جداً دون أن يكون الموتور دائراً .

-عدم تركيب مصابيح للضباب إضافية ( الهالوجين ) بصوره مبالغُ فيها.. فهي تستهلك طاقه كبيره من البطاريه ..

- عند نفاذ شحنة البطارية و القيام بشحنها من بطارية أخرى يراعى توصيل الأقطاب بالصورة التالية

القطب الموجب مع الموجب (+) و القطب السالب مع السالب (-) بالبطارية الأخرى .

* التكييف : و هو جهاز تبريد الهواء بالسياره

و للحفاظ عليه أثناء قيادتك و من خلال الصيانه الدوريه عليك مراعاة الآتي :

- عدم تشغيل التكييف على أعلى درجه مره و احده .. و إنما ابدأ بالسرعه الأولى ثم انتظر 10 ثواني ثم إنتقل للسرعة التانيه و هكذا .

- (في الصيف) قم بفتح نوافذ السياره لتغيير الهواء الساخن بداخلها قبل تشغيل التكييف، وذلك لعدم إجهاده.

- ( في الشتاء) قم بتشغيل المكيف على الأقل مره كل أسبوعين لمنع تراكم الأتربه على دورة المكيف و لمنع تسريب الفريون .

- عند ملاحظة تغير رائحة الهواء الصادر من المكيف لابد من مراجعه دورة التكييف و الفلتر عند مركز صيانة تكييف .

- التأكد من نظافة و عدم ارتخاء (سير) المكيف .

* المارش : و هو محرك بدء التشغيل للموتور ..

و للحفاظ عليه أثناء قيادة السيارة، ومن خلال الصيانه الدوريه.. عليك مراعاة الآتي :

* (في حالة السياره الموقوفه لأيام أو الاستخدام اليومي )

- عدم القيام بإدارة السياره ( الكونتاكت ) بصوره مستمره لمدة أكثر من 5 ثواني في المرة الواحدة.

- الانتظار بين كل تشغيل و الآخر لمدة من 5 إلى 10 ثواني لعدم إجهاد المارش

* الدينامو : و هو شاحن البطاريه ..

و للحفاظ عليه عليك مراعاة الآتي :

- متابعة علامة البطاريه الموجوده في التابلوه إذا كانت مضيئه أم لا.. فالمشكله إما في البطاريه أو في الدينامو أو في سير الدينامو .

- مراجعة سير الدينامو للتأكد من عدم ارتخائه .

- مراجعة كهربائي السيارات كل 10000 كم للكشف على الدينامو .

* طقم الكهرباء : و يشمل البوجيهات ، الأبلاتين ، الكوندينسر ..

صورة البوجيه ..

صورة الأبلاتين ..

و للحفاظ على هذه المجموعه راعي الآتي ..

- عدم ترك مفتاح الكونتاكت في حالة تشغيل[ON] ( بمعنى أن يكون التابلوه مضاءا دون دوران الموتور ) فإذا حدث ذلك لفتره طويله، فإنه يتسبب في تلف ( الأبلاتين ) .

- هذا الطقم يتم تغييره كل 10000 كم ... أو في حالة حدوث ( كركره ) للسياره أو ضعف في القدره على التسارع . ( و يتم تغييره عند أي ورشه كهرباء و ميكانيكا)

* الفيوزات : وهي المسئوله عن الحفاظ على الدوائر الكهربائيه بالسياره، والحفاظ على مجموعة الأسلاك بالسياره ( الضفاير )، و تختلف أنواعها عادة باختلاف نوع السيارة سواء كانت يابانية أو امريكية أو فرنسيه ... إلخ
و هذه صوره لأنواعها

و هذه الفيوزات يتم تغييرها عند احتراقها و يتم اكتشاف ذلك في حالة وجود عنصر أو أي جهاز معين لا يعمل بالسياره ( كمصابيح الإضاءة أو آلة التنبيه ) أو غير ذلك ..

ملحوظة هامه :
إستبدل الفيوز دائما ً بآخر من نفس الأمبير لأن استعمال فيوز بأمبير أعلى قد يؤدي لسخونة واحتراق الأسلاك و الموصلات بالسياره و قد تحدث ( قفله )..
نصيحه ( فك الفيوز و اشتري مثله ) ..
منقول للفائده

[mahamedaraby]

موضوع رائع ومفيد

وفعلا الحاجات دى لازم تعلمها صيانه دوريه كل فتره علشان بتاثر فى العربيه جامد

[Bossy_Fadl]

عن جد موضوع مفيد اوي يا دموع

انا شخصيا استفدت منه جدا خصوصا اني لسه متدئه في موضوع العربيات ده و بحاول اتعلم منكم

ميرسي ليكي يا جميلة

بوســـــــــي

[blazer]

شكراااا على الموضوع :):)

[amirhamed]

مفيد جدا الموضوع ده وخصوصا تشغيل العربيه كل 3 ايام وتشغيل التكييف في الشتاء.
شكرا جزيلا

[amr_elmasry]

مشكور موضوع اكثر من رائع

[دموع الثلج]

موضوع رائع ومفيد

وفعلا الحاجات دى لازم تعلمها صيانه دوريه كل فتره علشان بتاثر فى العربيه جامد

معاك حق اهم ششششششششى متابعه الصيانه باستمرار وبشكل دورى

[دموع الثلج]

عن جد موضوع مفيد اوي يا دموع

انا شخصيا استفدت منه جدا خصوصا اني لسه متدئه في موضوع العربيات ده و بحاول اتعلم منكم

ميرسي ليكي يا جميلة

بوســـــــــي

شكرا ليكى يا قمر هى مع الوقت معلومه من هنا ومعلومه من هناك هتبقى اجدع مهندس فى صيانه عربيتك

[دموع الثلج]

مفيد جدا الموضوع ده وخصوصا تشغيل العربيه كل 3 ايام وتشغيل التكييف في الشتاء.
شكرا جزيلا

لازم تشغل العربيه على الاقل كل 3 ايام عشان البطاريه متنامش وتاخد لفه بيها حتى فى الجراج وتركنها تانى

وبالنسبه للرائحه بتاعه البكتريا اللى بتطلع اول ما نشغل التكييف
تجنب التعرض للهواء ده وشم الرائحه خصوصا لو كانت العربيه مركونه كم يوم لانها بتسبب امراض فى الرئه وحساسيه


كان مهندس فى التوكيل قالى على طريقتين

او ل واحده هو انه كل اسبوعين او كل شهر مثلا اول ما اشغل التكييف اشغله على الساخن لحد دقيقتين مثلا وبعدين ارجع للبارد
ده بيقتل البكتريا اللى فى الفلتر والريش

الطريقه الثانيه انك لما تكون مشغل التكييف وخلاص هتركن وتطفى العربيه وتنزل
اطفى زرار AC وسيب التكييف شغال بدون AC اخر دقيقتين قبل ما تطفى العربيه والتكييف

[دموع الثلج]

شكراااا على الموضوع :):)

amr_elmasryمشكور موضوع اكثر من رائع

الشكر لله نورت الموضوع وياريت اللى عنده معلومات اضافيه يفيدنا بيها

[Qamar]

Many Thanks. Simple and to the point

[Ayman_52]

موضوع مفيد جدا...واستفدت منه بجد لانى معنديش اى خبره فى مجال العربيات

الف شكر عالموضوع الهادف

[دموع الثلج]

موضوع مفيد جدا...واستفدت منه بجد لانى معنديش اى خبره فى مجال العربيات

الف شكر عالموضوع الهادف

الشكر لله لو تابعت نايل موتورز فتره بسيطه هتبقى خبير فى السيارات

QamarMany Thanks. Simple and to the point

العفووووووو نورت الموضوع

[أبومعاذ]

جزاكم الله خير على الموضوع الممتاز ده

[gassermohyaldin]

its really great work thanx alot