فرامل اليد مشدوده و مشيت بتاع كيلو عليها

[samehshokry]

استفسار لولبي
بدماغي انهارده و للاسف مشيت بتاع كيلو او 2 كيلو و فرامل اليد مشدوده و انا ماشي و شامم ريحه حريقه و كنت فاكرها من الشارع بره لغايه ما اخدت بالي و لقيت العجله بتطلع دخان .
السؤال :
انا قعدت ادلق عليها ميه عشان ابردها ( هل فيها مشكله عشان الاراء بتختلف في الحكايه دي )
ثانيا : الطنبوره فيها خط كده مكان التيل ما بيمسك فيها ( بس مش متأكد ده مني و لا قبل كده لأني لسه جايب العربيه و ماخدتش بالي بصراحه). لو مافيش رجه مع الفرامل هل فيه ضروره لتغيير الطنبوره ؟ هل فيه تأثير علي اي حاجه ؟
شكرا ليكم

[eng.salama93]

لا هو ان شاء الله محصلش حاجة بس غلط انك تدلق عليها ميه و هي سخنة كدا انتا بتبوظ الطنابير

[samehshokry]

لا هو ان شاء الله محصلش حاجة بس غلط انك تدلق عليها ميه و هي سخنة كدا انتا بتبوظ الطنابير

ده كنت عايز اعرفه ، هي المياه مش بتساعد علي التبريد .... ايه اللي ممكن يحصل
و ازاي اعرف ان الطنابير باظت ؟؟؟؟؟؟؟ بيحصل فيها ايه ؟
هتقفع مثلا و لا فيه بوظان من نوع تاني ....
ارجو الافاده

[gadoo30]

ان شاء الله سليمة
بس المية ماتجيش تانى على الطنابير وهى سخنة علشان مايحصلش فيها ريجة او تقفع
وطبعا العيب دة بخلى فية رجة في العربية لما تدوس فرامل

[automea]

الحريقة نتيجة ان التيل قافش في الdrum نتيجة الاحتكاك بيسخن وبيتحرق وانت شادد فرامل اليد
اما حكاية انك تدلق مية على اي حاجة سخنة فده خطر انت بتعمل تبريد فجائي للسطح الساخن والتبريد الفجائي بيغير في خصائص المادة الي عندك فبتبدي تشقق او تشرخ .

[samehshokry]

ان شاء الله سليمة
بس المية ماتجيش تانى على الطنابير وهى سخنة علشان مايحصلش فيها ريجة او تقفع
وطبعا العيب دة بخلى فية رجة في العربية لما تدوس فرامل

يعني لو الرجه او الهزه في الدركسيون دي مابتحصلش ، اقدر اقول ان الحمد لله جت سليمه و مافيش ريجه
بس انا بيتهيألي كده فيه ريجه لأني بمشي ايدي علي الطنبوره كده بحس بيها بس بصراحه مش بتعمل اي هزه ..... فيها مشكله لو اتسابت علي كده و اديني ماشي بيها

الحريقة نتيجة ان التيل قافش في الdrum نتيجة الاحتكاك بيسخن وبيتحرق وانت شادد فرامل اليد
اما حكاية انك تدلق مية على اي حاجة سخنة فده خطر انت بتعمل تبريد فجائي للسطح الساخن والتبريد الفجائي بيغير في خصائص المادة الي عندك فبتبدي تشقق او تشرخ .

شكرا يا مسيو علي شرحك الوافي ...
ماكنتش اعرف عشان كده فعلتها ، الحمد لله !!

[eng.salama93]

الأخوه شرحوا اللي كنت هقوله ف موضوع التبريد بالميه :)