يا جماعة بجد كرهت حاجة اسمها مرشدير ساعدوني

[Abdo Taha]

السلام عليكم يا رجالة حاسس ان عندي مشكلة في الرجوع لورا انا في السواقة لقدام و كله زي الفل اوي اوي اجي بقى ارجع ورا مسافة حلو يعني احس اني اول مرة اسوق في حياتي مع اني بسوق سواقة فعلية بقالي حوالي سنة و نص بس مش بركن بضهري كتيير معظمه بوشي فعندي مشكلة في تقدير المسافات و انا راجع بالمرايا و " وانا راجع بس و بصراحة مبحبش الوح راسي لورا لحسن يكون في عائق امامي ممكن اخبط فيه و المشكلة ان العربية كبيرة هى فيكترا سي 2008 و انتو عارفين انها الى حد ما كبيرة و طويلة و مش سهلة فمتبهدل فمش عارف اعمل بيبقى منظري وحش اوي و انا بحاول ارجع فيدوني عشان انا محرج اخر حاجة .

[ahmedjemy]

اول حاجه انك طبيعي :) كل الناس مهما بلغت كفائه سواقتهم برضو بيبقو احسن قدام عن ورا . الفتره اللي سوقت فيها العربيه مش كبيره فماتعقدش نفسك .انا لما برجع بظهري بستعمل المرايات واتعودت على كده بس ﻻتخلو الركانات من بعض الاخطاء يعني اجى اركن العربيه بين عربيتين الاقيني داخل بزاويه غلط وعادي بطلع اعدل زاويتي واركن . انا ركبت كاميرا خلفيه وفرقت كتير معايا ممكن تركب وحده برضو . ادي لنفسك فرصه واتفرج على فيديوهات ازاي تركن من اليوتيوب وهتبقى معلم :) ربنا يحرسك ويباركلك فيها .

[Abdo Taha]

اول حاجه انك طبيعي :) كل الناس مهما بلغت كفائه سواقتهم برضو بيبقو احسن قدام عن ورا . الفتره اللي سوقت فيها العربيه مش كبيره فماتعقدش نفسك .انا لما برجع بظهري بستعمل المرايات واتعودت على كده بس ﻻتخلو الركانات من بعض الاخطاء يعني اجى اركن العربيه بين عربيتين الاقيني داخل بزاويه غلط وعادي بطلع اعدل زاويتي واركن . انا ركبت كاميرا خلفيه وفرقت كتير معايا ممكن تركب وحده برضو . ادي لنفسك فرصه واتفرج على فيديوهات ازاي تركن من اليوتيوب وهتبقى معلم :) ربنا يحرسك ويباركلك فيها .

شكرا جدا لحضرتك لنصائحك و تشجيعك ليا و موضوع الكاميرا ده ان شاء الله هحاول اعمله عشان ناوي اغير الكاسيت و اجيب واحد بشاشة و هدخل على اليوتيوب و اجرب انا كان نفسي بس يبقى عندي اقماع احاول اتدرب عليها بس مش مشكلة .

[abohend]

ل=بالتوفيق

و السنسور بارك برضه بيفرق كتييير

و العملية تقدير مسافات مع التعود مش أمتر

و مهما بلغت مهارتك ممكن تفاجأ بخابور مزروع في الأرض و يقطملك الإكصدام الخلفي نصين و أنت راجع (و ده بقى السنسور عمره ميجيبه...يمكن الكاميرا توضحه)

عشان كده أرجع دايماً بهدوء جداً (كفاية دبرياج بلاش بنزين دبل الأرض مستوية)

و سنة و نص مش كتير عشان تحكم على نفسك

بالتوفيق

[J A G U A R]

حكايه المرايه دى عايزه ممارسه وتعود مش اكتر والمشكله الكبيره والصعبه لما تكون حاجه ورا الاكصدام والمرايا مش جايباها ومش ظاهره ودى ناس كتير بتقع فيها وخصوصا عندى علشان مركب ستاره ودى حلها كاميرا وحساسات
انا عارف ان الفيكترا سى حجمها كبير وضخمه جدا وانا مجربها قبل كده وكنت حاسس انى راكب اوتوبيس مش عربيه ملاكى

[Abdo Taha]

و السنسور بارك برضه بيفرق كتييير

و العملية تقدير مسافات مع التعود مش أمتر

و مهما بلغت مهارتك ممكن تفاجأ بخابور مزروع في الأرض و يقطملك الإكصدام الخلفي نصين و أنت راجع (و ده بقى السنسور عمره ميجيبه...يمكن الكاميرا توضحه)

عشان كده أرجع دايماً بهدوء جداً (كفاية دبرياج بلاش بنزين دبل الأرض مستوية)

و سنة و نص مش كتير عشان تحكم على نفسك

بالتوفيق

منا عارف ان سنة ونص مش كتيير بس الناس مش بتقدر غيرها يعني مش كفاية بتعامل مع شوارع غير منظمة و سواقين لمؤخاذة في اللفظ عربجية و كل واحد ماشي فاكر ان الشارع بتاعه و مش مراعي غيره انا عربيتي ايزي ترونك فبالنسبة لي الفرامل هى الدبرياج و فعلا برجع بالفرامل بس ، بس لازم اصبر اعمل ايه و المشكلة ان بتقل ثقتي في نفسي شوية لو حصل حاجة و ممكن مكنش انا غلطان و انا الحمد لله مخبطش غير مرة واحدة اللي لمست فيها عربية و البوية عندي قشرت شوية في الاكصدام و العربية التانية محصلش فيها حاجة ان شاء الله اول ما الحالة المادية تتيسر هركب الكاسيت بالكاميرا و السينسور عشان استريح

[Abdo Taha]

حكايه المرايه دى عايزه ممارسه وتعود مش اكتر والمشكله الكبيره والصعبه لما تكون حاجه ورا الاكصدام والمرايا مش جايباها ومش ظاهره ودى ناس كتير بتقع فيها وخصوصا عندى علشان مركب ستاره ودى حلها كاميرا وحساسات
انا عارف ان الفيكترا سى حجمها كبير وضخمه جدا وانا مجربها قبل كده وكنت حاسس انى راكب اوتوبيس مش عربيه ملاكى

بص المراية عندي مش بتجيب بوز العربية للاسف و في ستارة خلفية كمان هو فعلا العربية دي عايزة سينسور و كاميرا بس المفروض ضخامة العربية دي تحسني في المستوى انا لما سقت فيرنا محستهاش غير لعبة و كانت سهلة اوي بس الصراحة الفيكترا على قد ما الواحد بيخاف من حجمها في الزحمة الا انها بتسعفني في الملفات الجامدة و مش ببيقى خايف خالص لو فيرنا اخاف جدا و امشي جنب الحيط

[Abdo Taha]

حكايه المرايه دى عايزه ممارسه وتعود مش اكتر والمشكله الكبيره والصعبه لما تكون حاجه ورا الاكصدام والمرايا مش جايباها ومش ظاهره ودى ناس كتير بتقع فيها وخصوصا عندى علشان مركب ستاره ودى حلها كاميرا وحساسات
انا عارف ان الفيكترا سى حجمها كبير وضخمه جدا وانا مجربها قبل كده وكنت حاسس انى راكب اوتوبيس مش عربيه ملاكى

بص المراية عندي مش بتجيب بوز العربية للاسف و في ستارة خلفية كمان هو فعلا العربية دي عايزة سينسور و كاميرا بس المفروض ضخامة العربية دي تحسني في المستوى انا لما سقت فيرنا محستهاش غير لعبة و كانت سهلة اوي بس الصراحة الفيكترا على قد ما الواحد بيخاف من حجمها في الزحمة الا انها بتسعفني في الملفات الجامدة و مش ببيقى خايف خالص لو فيرنا اخاف جدا و امشي جنب الحيط عشان اخاف متحكمش فيها كويس