إعـــــــلان

Collapse

.

,
See more
See less

الحصة الأولة ... وما أدراك ما الحصة الأولى

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    الحصة الأولة ... وما أدراك ما الحصة الأولى

    السلام عليكم إخوتى جميعا
    بارك الله فيكم
    النهاردة كانت أول حصة سواقة وأول مرة أتعامل فى المجال ده
    طبعا العربية بطلت كتير وصرخت كتير بس أنا متفائل وفيه أمل
    بس من فضلكم يا إخةانى أنا موضوع تبديل الغيارات بالفتيس ده محيرنى جدا ومش عارف أتعامل معاه ومش فاهم يعنى إيه (( المور )) وما أهميته .
    فمن فضلكم إللى يقدر يساعدنى بتوضيح خريطة لغيارات الفتيس (الأول ، الثانى .... إلخ) أو حتى يرسمها لى لأن الموضوع ده مسبب لى عكننة جدا
    :36_1_61[1]:[B][SIZE=1] [/SIZE][SIZE=3][COLOR=navy]لما كلكم عاوزين تبقوا فتوات أمال مين إللى حينضرب[/COLOR][/SIZE][/B]
    الكلمات الدلالية (Tags): أدراك, الأولة, الأولى, الخشب, الي, اوتوماتك, بدون, بنزين, دبرياج, سرعة, عربية, عن, غيار, فتيس, في, ما, مع, من, ولا
  • #2
    لا متخضش كلنا عذبنا العربيات اللى اتعلمنا عليها محدش مولود بيسوق
    المور يعنى تروس الحركه مفصوله يعنى العربيه مش واخدة اى نقله ولو دوست بنزين هتلاقيها بتزعق وهى واقفه

    النقلات سهله جدا
    زى مااكيد المدرب قلك دبرياج للاخر و ترفع سنه وتنزل سنه بنزين بالراحه
    اكيد هتنط منكم واكيد هتبطل كتير متعدش
    لحد متحس بالدواسات
    كله بالتعود
    رسمه الغيارات مش هعرف اجيبهالك لانى فى المكتب
    بس الاول بيبقى اول حاجه نايه رجلك وبيجى من النص لاقصى الشمال فوق
    التانى تحته
    التالت بتجيب الفتيس قى النص وتطلع بيه لفوق
    الرابع تحت التالت
    لو فى خامس بيبقى اقصى اليمين فوق
    المارشدير تحته وساعات بيبقى المارشدير بسسته ترفعها من تحت راس الفتيس او بتدوس عليه سنه لتحت
    مصر دلوقتى بقيت عاملة زى واحد أخرس بيقول لواحد أطرش إن فى واحد أعمى شاف واحد مشلول بيجري ورا واحد أقرع بيشد فى شعره

    Comment

    • #3
      شكرا يا Dr Mido على سرعة الرد
      بس فى الواقع أنا محتاج رسمة لحركة الفتيس للغيارات المختلفة فهل من الممكن - بدون إثقال عليكم - إطلاعى على رسمة الغيارات دى حتفرق معايا كثير
      جزاكم الله كل خير وألف شكر
      :36_1_61[1]:[B][SIZE=1] [/SIZE][SIZE=3][COLOR=navy]لما كلكم عاوزين تبقوا فتوات أمال مين إللى حينضرب[/COLOR][/SIZE][/B]

      Comment

      • #4
        اخي تقدر تعتبرها حرف H

        Comment

        • #5


          دي يا باشا الرسمة الموجودة في أغلب العربيات ، بتختلف في أنواع من العربيات في المرشدير بس الي هوا R

          في عربية زي الدايو مثلا ً بتبقى عبارة عن سوستة يتم سحبها لأعلى وتنقل كأنك هتنقل على الأول

          في عربية زي الفيات الموديلات القديمة منها عبارة عن سوستة لتحت تضغط على الفتيس وتنقل كأنك هتنقل على الأول

          ولو احتجت أي حاجة يا باشا متتكسفش واسأل على طول
          [CENTER]الي مدخلش QNET .. مدخلش دنيا
          http://www.nilemotors.net/Nile/244377-a.html
          [/CENTER]

          Comment

          • #6
            إخوانى أشكركم جدا جدا لسعة صدركم
            بس فيه مصطلح سمعته كده وكنت عاوز أعرف كيفية تنفيذه وهو ( الغيار العكسى )

            يعنى مثلا أنا لوكنت على الرابع وحبيت آخد غيار عكسى فكيف ينفذ يعنى إزاى أحرك الفتيس للحصول على الثالث
            هل هو نفس المشوار بتاع عصاية الفتيس بس بالعكس
            يعنى لو قلنا إن الرابع هو دفعة للأمام بالعصاية فهل الثالث (اللى هو العكسى بقى) يكون دفعة للخلف ولا إيه ؟

            شكرا جزيلا لكل من رد على استفساراتى
            :36_1_61[1]:[B][SIZE=1] [/SIZE][SIZE=3][COLOR=navy]لما كلكم عاوزين تبقوا فتوات أمال مين إللى حينضرب[/COLOR][/SIZE][/B]

            Comment

            • #7
              المشاركة الأصلية كتبت بواسطة mesaharaty مشاهدة المشاركة
              إخوانى أشكركم جدا جدا لسعة صدركم
              بس فيه مصطلح سمعته كده وكنت عاوز أعرف كيفية تنفيذه وهو ( الغيار العكسى )

              يعنى مثلا أنا لوكنت على الرابع وحبيت آخد غيار عكسى فكيف ينفذ يعنى إزاى أحرك الفتيس للحصول على الثالث
              هل هو نفس المشوار بتاع عصاية الفتيس بس بالعكس
              يعنى لو قلنا إن الرابع هو دفعة للأمام بالعصاية فهل الثالث (اللى هو العكسى بقى) يكون دفعة للخلف ولا إيه ؟

              شكرا جزيلا لكل من رد على استفساراتى
              الغيار العكسى يعنى تجيب نقلة اقل من الحاليه
              يعنى لو على الرابع تجيب التالت
              وده بيحصل لما بتفرمل لاى سبب على الطريق وسرعه العربيه بتقل فلازم تجيب نقلة اقل
              وده بيتم عن طريق انك تدوس دبرياج وتحرك الفتيس للنقلة الاقل

              بس موضوع الغيار العكسى لفرمله العربيه ده بنستخدمه فى حالات اعتقد انت مش محتاجها دلوقت
              ركز بس فى الاساسيات حاليا ولما تتمكن من العربيه هتلاقى الكلام اللى بعد كده كله سهل ومش محتاج منك غير التركيز فى السواقه وهتلاقى ايدك ورجلك شغالين لوحدهم
              م/محمد مختار

              [COLOR=darkred]سبحان الله والحمد لله ولا اله الا الله[/COLOR]

              [CENTER][U][I]Opel, 1 Team, 1 Goal, 1 Family[/I][/U] [/CENTER]

              [CENTER][SIGPIC][/SIGPIC][/CENTER]


              [URL="http://www.nilemotors.net/Nile/showthread.php?t=23017"][B][U][COLOR=navy]تعديلات فى عربيتى فكترا موديل 2000[/COLOR][/U][/B][/URL]
              [URL="http://www.nilemotors.net/Nile/showthread.php?t=82965"][B][U][COLOR=navy]السيارة الاكثر شعبية فى قسم أوبل تعود للتألق من جديد (تعديلات بسيطة)[/COLOR][/U][/B][/URL]
              [URL="http://www.nilemotors.net/Nile/showthread.php?t=40134"][B][U][COLOR=navy]تعديل لاب توب لتشغيله او اغلاقه عن بعد لعمل كمبيوتر السياره[/COLOR][/U][/B][/URL]
              [RIGHT][URL="http://www.nilemotors.net/Nile/showthread.php?t=40038"][B][U][COLOR=navy]عمل كابل Aux in لكاست بايونيير[/COLOR][/U][/B][/URL][/RIGHT]
              [RIGHT][URL="http://www.nilemotors.net/Nile/showthread.php?t=40050"][B][U][COLOR=navy]عمل كابل Aux in لكاست كلاريون[/COLOR][/U][/B][/URL][/RIGHT]
              [RIGHT][URL="http://www.nilemotors.net/Nile/showthread.php?t=40391"][B][U][COLOR=navy]عمل كابل Aux in لكاست سوزوكى SX4[/COLOR][/U][/B][/URL][/RIGHT]

              Comment

              • #8
                السلام عليكم

                انا عارفان الموضوع قديم لكن أنا حبيت أفتحه تانى لأنى بدأت أول حصه برضو و بصراحه انا بقول لنفسى الراجل بتاع الميكروباص مش بيعرف يقرأ و لا يكتب و بيسوق علشان كده أكيد مش مستحيل !

                لكن أنا عندى سؤال المدرب خلانى أسوق فى مكان فيه عربيات ريحه و جيه و ده عملى قلق و كنت عمال أتمنى الوقت ينتهى !! هل الشعور ده حصل ليكم ولا كده أنا عندى مشكلة و المفروض أنى أطلب منه أروح مكان فاضى ؟؟؟
                الحمد لله

                Comment

                • #9
                  يستحسن تروح في مكان فاضي الأول لحد ما تاخد عالعربية و بعدين تدخل في الزحام لما تتعود
                  اعذروني عشان مش بقدر افتح المنتدى كتير
                  ده الايميل و هيجيلي مباشرة على التليفون لأي استفسار
                  [email]mina.nilemotors@gmail.com[/email]
                  و السكايب
                  mina.nilemotors

                  Comment

                  • #10
                    اول مرة سقيت فيها عربية رجعت البيت تعبان كانى كنت باجرى طول النهار
                    رغم الحصة كانت كلها على بعضها ساعة زمن

                    Comment

                    • #11
                      كلنا كنا كدة فى الاول
                      بكرة يا عم نشوفك فى الفورميلا 1

                      Comment

                      • #12
                        اخى العزيز ... الموضوع سهل جدا جدا ... و بكره هتبقى النقلات بالنسبة لك "اوتوماتك" ...

                        انا أول ما سوقت قعدت اقول احنا مجيبناش العربية اوتوماتك لية ... لكن بعد كدا الموضوع اصبح سهل و تلقائي ...

                        و بمناسبة العربية تبطل ... انا بطلت منى حوالى 15 مرة فى الحصة الأولى ... عادى يعنى

                        بالتوفيق :)

                        Comment

                        • #13
                          حاجة مهمة انك تتاكد انك دايس الدبرياج للاخر
                          اتعود تسوق كان اى حد فى الشارع هيعمل معاك حركة فجائية فيجب انك تكون واخد حذرك
                          A.Saad

                          Comment

                          السابق template التالي
                          Working...
                          X