استفسار عن حاجه عجيبه

[Ahmed_Elkhateb]

يا جماعه انا نفسى اعرف الطريقه الصح ان انت تاخد غورزة بالعربيه وانتى ماشى على الطريق انا باخد غورز بس بحس انى هخبط العربيه اللى واره مع انها بعيده فا بجازف وبعدى انا عاوز حد يقلى الطريقه الصح وشكرا

[ZIMOFOX]

مش عارف اقولك ايه
( ولا تلقوا بايديكم الى التهلكة)
(الدال على الخير كفاعلة)
الطريقة الصحيحة انك تمشى استريت وبسرعة متوسطة وتحط عينيك وسط راسك وتخلى ال3 مرايات تحت نظرك
عشان ميحصلكش اللى حصل لواحد صاحبى ما تعرفوش
ضيع نفسه والعربيه وواحد غيرة عشان خاطر غرزة
فبلاش احسن يا توتى مان العمر مش بعزقة انا نفسى اجاوبك بس مش قادر بصراحة

[HARDD]

من المفترض الاول انك تكون عارف ابعدا عربيتك يعنى مثلا متكنش شايف الكبوت بس عارف اخرو لحد فين والجناب والشنطة ودة بيبجى نتيجى التعود والسواقة الكتير ثانيا المفورض وانت بتعدى العرريبة وتخليهاوراك انك طبيعى هتكون اسرع منها ومن البديهى ان اول مالشنطة بتعتك بتعدى الكبوت بتاعوا تقدر انك تخدف علية لان مش تنسى انك عديتو دية حاجة بجانب انك اسرع منوا وبرضوا لازم تبص فى المراية عشان تتاكد انك عديتوا بس طول مهوة بيشد جملك متحولش انك تطلع قدامو وفى النهاية ربنا يسترها ومتحولش تعمل كدة فى طرق مقفولة

[Nour_Peugeot]

مش معني ان انت اخدت غورزه يبقي كده انت استاذ و رئيس قسم

ممكن اي حد ياخد غرزه من اي عربية بس بتفرق في طبيعة الاسفلت و تحكمك في العربية حفظك للعربية
و توقعك

مهم ممكن حد بياخد غرزه من عربية و رحت العربية القدامك داست فرامل ايه العمل ؟؟


و اهم حاجة اهم حاجة محدش ياخد غرزه علي اليمين غير لما يمون حد جمبك و شايف ان اليمين فاضي و ممكن تيجي فيه عادي

[noon_eg]

يا جماعه انا نفسى اعرف الطريقه الصح ان انت تاخد غورزة بالعربيه وانتى ماشى على الطريق انا باخد غورز بس بحس انى هخبط العربيه اللى واره مع انها بعيده فا بجازف وبعدى انا عاوز حد يقلى الطريقه الصح وشكرا

اسرع طريقه للتعلم ( تشتغل سواق ميكروباص لمده اسبوع )

[M.Mokhtar]

حكاية الغرز دى محتاجه
- تبقى عارف ابعاد عربيتك عشان تعرف امتى ممكن تاخد الغرزة من غير ما تضايق اللى وراك
- يبقى عندك قدرة على تقدير المسافات والسرعات عشان تبقى عارف هل فرق السرعه بينك وبين اللى جنبك واللى قدامك والمسافه بينك وبين اللى قدامك هتسمح بالغرزة ولا لأ
- لازم وانت بتاخد الغزرة تاخد بالك ان اللى قدامك ممكن يفرمل واللى جنبك ممكن يشد معاك عشان يضيقها عليك (نوع من التأديب عشان الناس بتتخنق من اللى بياخد غرز خصوصا لو على الضيق)
- لازم اونت بتاخد غرزة تبقى عامل حسابك انك ممكن ترجع مكانك تانى (لو غرزة على اليمين او الشمال) ممكن لما تطلع من العربيه اللى قدامك وتاخد اللى جنبك فى ظهرك تلاقى فى عربيه واقفه او ماشيه عكسى او او او او يبقى لازم ترد تانى مكانك بسرعه
ماتحدفش نفسك بسرعه وتبقى اتزنقت بين اللى جنبك(اللى كان قدامك) واللى وراك (اللى كان جنبك)

وفى الاخر ملهاش لازمه يا سيدى
مش هيحصل حاجة لو اتأخرت دقيقه على ما المجال يسمح انك تعدى من الاتنين دول

الكلام ده بقوله لنفسى كتير بس مفيش فايده :)

[Ahmed_Elkhateb]

كلام جميييييييييل بس والله الغورز بتنفع فى الأماكن الزحمه يعنى مرة كنت فى زحمه ولقيت واحد بتاع عربيه بجيو 407 بعد ما كان وريا لقيتو اول احد قدام والطريق زحمه مش فاضى فا هيا بتنفع وربنا يستر علينا جميعا

[Sherif Khalifa]

للاسف هوا دا سبب الهرجلة الى فى الشوارع

[دموع الثلج]

كلام جميييييييييل بس والله الغورز بتنفع فى الأماكن الزحمه يعنى مرة كنت فى زحمه ولقيت واحد بتاع عربيه بجيو 407 بعد ما كان وريا لقيتو اول احد قدام والطريق زحمه مش فاضى فا هيا بتنفع وربنا يستر علينا جميعا

تسمحلى اسالك سؤال وتجاوبنى

هو حضرتك او حد فينا هيموت قبل الميعاد اللى كاتبه الله عليه ولا يعلمه الا الله ؟؟؟

اكيد هتقولى لامحدش هيموت قبل ميعاد كتبه الله نفس الحكايه مش هتوصل مشوارك الا فى الميعاد اللى كتبه الله
ربنا قدر انك تخرج الساعه كذا ومقدر كمان انك توصل الساعه كذا

يبقى بلاش الانسان يلقى بنفسه فى التهلكه عن جهل
وانت شكلك بتسوق من فتره بسيطه
السواقه بيقولوا اخلاق وانت مترضاش واحد يجى قدامك ويزهقك من الغرز
اتعلم الصبر عشان ربنا يحميك من شر الطريق

[فادى]

مع الوقت هتاخد على أبعاد السيارة و قدرتها على المناورة, و هتقدر تقدر المسافة التى تستطيع سيارتك الدخول فيها بدون اصطدام,
حاجة مهمة جدا, قبل ما تاخد الغرزة حاول تبص فى مراية اللى قدامك لو مشفتش وجه السائق يبقى ده معناه انو هو كمان مش شايفك! ساعتها احترس و استخدم أله التنبيه,
و فى النهاية السائق الماهر هو من يضع سلامته و سلامة سيارته نصب عينيه.

[Ayman_52]

تسمحلى اسالك سؤال وتجاوبنى

هو حضرتك او حد فينا هيموت قبل الميعاد اللى كاتبه الله عليه ولا يعلمه الا الله ؟؟؟

اكيد هتقولى لامحدش هيموت قبل ميعاد كتبه الله نفس الحكايه مش هتوصل مشوارك الا فى الميعاد اللى كتبه الله
ربنا قدر انك تخرج الساعه كذا ومقدر كمان انك توصل الساعه كذا

يبقى بلاش الانسان يلقى بنفسه فى التهلكه عن جهل
وانت شكلك بتسوق من فتره بسيطه
السواقه بيقولوا اخلاق وانت مترضاش واحد يجى قدامك ويزهقك من الغرز

اتعلم الصبر عشان ربنا يحميك من شر الطريق

+10000000000000000000000000000000

[Sameh]

من ساعتين بس خبطنى موتوسيكل كان بياخد غرزة من ورايا زى كدة

(عربيتى)
---(الموتوسيكل)
--------(عربية تانية)

المهم العربية التانية اللى ورايا على الشمال ، كانت لسة بورقها ومش معلق نمر ، واضح إنه جديد وبيسوق بحسن نية ، فقفل الغرزة على بتاع الموتوسيكل على آخر لحظة بعد ما كان سايبها ، بحسن نية كدة من غير ما يفهم إنه يسيبهاله مفتوحة ، طبعا الموتوسيكل جاى كابس وكانت النتيجة إن الغرزة بقت ضيقة عليه وخبط فيا وأنا واقف ووقع على الأرض بس ربنا سترها معاه

قام عدل الموتوسيكل وقاللى أى حاجة أنا كفيل بيها ومش عارف إيه ، قولتله خلاص وحمدالله على سلامتك ومشينا

الدرس المستفاد : تبص على اللى بتلعب معاه ، لو سواق ميكروباص أو أوتوبيس أو نقل عادى ماتخافش منهم لأن دول أشقية أصلا وفاهمين الحركات كلها مش هيخبطوك خصوصاً لو بتلاغيه بالكلاكس بتاعك ، لو بنت أو راجل عجوز أو واحد بنضارة ورابط الحزام ومزرر القميص ! :) يبقا بلاش تلعب معاه عشان ممكن مايكونش فاهم إنت عايز تعمل إيه

[mrghost]

خلى بالك من حكاية الغرز دى انا كتير اوى اجى اعمل غرزه الاقى واحد قام معدى مره واحده الطريق وربنا بيستر من عنده فخلى بالك لانك ممكن تضيع نفسك وغيرك كمان

[human]

يا جماعه انا نفسى اعرف الطريقه الصح ان انت تاخد غورزة بالعربيه وانتى ماشى على الطريق انا باخد غورز بس بحس انى هخبط العربيه اللى واره مع انها بعيده فا بجازف وبعدى انا عاوز حد يقلى الطريقه الصح وشكرا

لما بوز اكصدام العربيه اللى ورا يظهر فى المرايه الجانبيه يبقى اكيد عديتو
و ماتعملش غرزه من اى عربيه عاليه موش شايف اللى وراها
و ماتعملش غرزه من على اليمين واليمين فيه رصيف و عربيات راكنه ممكن الى حد يطلع و تروح فى الكازوزه
نفس اللى فوق على الشيمال
ماتعملش غرزه الا وانت عارف بعد كده هتروح فين
متهددش حيات الناس اللى سايقه ممكن يتوتروا وتروحو فى الكازوزه
ماتعملش غرز خالص يبقى احسن

[omardeneo]

لما بوز اكصدام العربيه اللى ورا يظهر فى المرايه الجانبيه يبقى اكيد عديتو
و ماتعملش غرزه من اى عربيه عاليه موش شايف اللى وراها
و ماتعملش غرزه من على اليمين واليمين فيه رصيف و عربيات راكنه ممكن الى حد يطلع و تروح فى الكازوزه
نفس اللى فوق على الشيمال
ماتعملش غرزه الا وانت عارف بعد كده هتروح فين
متهددش حيات الناس اللى سايقه ممكن يتوتروا وتروحو فى الكازوزه
ماتعملش غرز خالص يبقى احسن

ايه يا عم انت ناقص تطرده من هنا هههههه