بتعلم سواقه جديد

[Om Marem]

[justify]بسم الله الرحمن الرحيم
[/justify][justify]انا بفضل ربنا بتعلم سواقه طبعا مش منظرة بس عشان ارحم بنتى من ركوب الباص وبهدلته وهى لسه طفله ما كملتشى 6 سنين
المهم من حوالى 4 سنين بابا كان بيعلمنى والموضوع فشل وحسيت انه صعب ولان فى الوقت دة ما كنتش محتاجه للسواقه اهملت الموضوع خالص
بس دلوقتى ربنا كرمنى بمدربه بتيجى تعلمنى انا واختى على عربيتى 128 من اول يوم نزلنا شوارع زحمه وطلعنا كبرى ونزلنا كبرى ومشنا ولفينا واخدت معاها 3 حصص هو الكورس 5 حصص
انهاردة قلت انزل مع بابا عشان اتمرن وياريتنى ما نزلت من اول ما ركب جنبى وانا اتوترت يمين شمال دوسى بنزين هدى اطلعى التانى لفى الدريكسيون اوى مش اوى كدة وفى الاخر دخلت فى عربيه خدشتها كانت مركونه جنب الرصيف والسبب انى كنت ماشيه وقالى امسكى فرامل بس طبعا بزعيق والنتيجه انى نسيت فين الفرامل وكملت الحمد لله صاحب العربيه طلع شاب محترم وتدارك الموضوع وطلع ذوق الله يكرمه ورجعت منهارة من العياط لدرجه انى قررت انى مش هاسوق تانى
طيب ازاى لما بكون مع المدربه بسوق طبعا مش محترفه بس بمشى لدرجه ان اخر حصه قالتلى انى بقيت اعتمد على نفسى وانى ممتازة
مش عارفه انا متوترة جدا ولولا انى محتاجه انى اتعلم كنت كنسلت الموضوع كله بس بفتكر بنتى وبهدلتها بقول استحمل
هل فعلا هاتعلم وبابا هو اللى كان موترنى ولا مافيش امل
اسفه انى طولت عليكم بس محتاجه رايكم جدا [/justify]

[Adnfalcon]

السيد الوالد السبب . بس حصل خير
المهم بلاش تبدأي تتعلمي فالزحمه كده شوفي اي مكان هادي و ليكن يوم الجمعه الصبح عشان تاخدي ثقه فنفسك

[Om Marem]

السيد الوالد السبب . بس حصل خير
المهم بلاش تبدأي تتعلمي فالزحمه كده شوفي اي مكان هادي و ليكن يوم الجمعه الصبح عشان تاخدي ثقه فنفسك

جزاك الله خيرا على ردك
بس المدربه من اول يوم طلعتنا فى الزحمه ودة شال الخوف من جوايا والحمد لله بمشى معاها كويس بس بابا فعلا وترنى جدا

[Adnfalcon]

جزاك الله خيرا على ردك
بس المدربه من اول يوم طلعتنا فى الزحمه ودة شال الخوف من جوايا والحمد لله بمشى معاها كويس بس بابا فعلا وترنى جدا

هقولك حاجه انتي لو واثقه من نفسك و متعلمه 100 % لو حصل ايه جنبك مفروض مش تتوتري .. انتي محتاجه تتعلمي صح عشان تثقي فنفسك وبعدين انتي اللي توتري والدك وتخليه يخبط عربيات الناس ههههه
نصيحتي ليكي بلاش زحمه فالأول .. بعدين براحتك

[mostafa3000]

اعتقد ان خوف السيد الوالد عليكي هيخلية يوترك
من الافضل بلاش يعلمك هو وكلي كام حصة مع المدربة افضل

[Om Marem]

هقولك حاجه انتي لو واثقه من نفسك و متعلمه 100 % لو حصل ايه جنبك مفروض مش تتوتري .. انتي محتاجه تتعلمي صح عشان تثقي فنفسك وبعدين انتي اللي توتري والدك وتخليه يخبط عربيات الناس ههههه
نصيحتي ليكي بلاش زحمه فالأول .. بعدين براحتك

متشكرة جدا على نصيحه حضرتك وان شاء الله اول ما ابدا انزل لوحدى هانزل فى شوارع فاضيه لغايه ما اتعلم صح
جزاك الله خيرا

[Om Marem]

اعتقد ان خوف السيد الوالد عليكي هيخلية يوترك
من الافضل بلاش يعلمك هو وكلي كام حصة مع المدربة افضل

فعلا كلام حضرتك مظبوط هو فعلا اصلا كان رافض فكرة ان احنا نتعلم السواقه وهو بنفسه انهاردة قال ما انفعشى اعلمكم عشان قلبى مش جامد عليكم
ان شاء الله هاخد كورس كمان مع المدربه وبعد كدة هاكمل فى مدرسه المرور عشان الرخصه وربنا ييسر بعد كدة ابقى انزل لوحدى فى شوارع فاضيه لغايه ما اتعلم صح
جزاكم الله خيرا على كلامكم

[Om Marem]

طيب معلشى سؤال تانى هو انا ممكن بامر الله على شهر 9 دخول المدارس يعنى اكون كويسه فى السواقه واقدر اودى بنتى المدرسه ولا هابقى لسه مش كويسه دة على اساس انى ان شاء الله هاقعد تقريبا شهر اتمرن مع مدربه وفى مدرسه المرور

[J A G U A R]

طيب معلشى سؤال تانى هو انا ممكن بامر الله على شهر 9 دخول المدارس يعنى اكون كويسه فى السواقه واقدر اودى بنتى المدرسه ولا هابقى لسه مش كويسه دة على اساس انى ان شاء الله هاقعد تقريبا شهر اتمرن مع مدربه وفى مدرسه المرور

الاول خليكى مع المدربه طالما هيا كويسه معاكى ولو حطيتى فى دماغك تتعلمى كويس وتمشى فى الزحمه هاتمشى بس واحده واحده لغايه متاخدى ثقه اكتر .. بس انا من وجه نظرى شايف ان فى الفتره دى هاتسوقى وكل حاجه بس مش هاتبقى متمكنه اوى وكل يوم هايعدى اكيد هاتبقى احسن من الاول .. وعلى فكره دى وجه نظر مش احباط هههه .

[Om Marem]

الاول خليكى مع المدربه طالما هيا كويسه معاكى ولو حطيتى فى دماغك تتعلمى كويس وتمشى فى الزحمه هاتمشى بس واحده واحده لغايه متاخدى ثقه اكتر .. بس انا من وجه نظرى شايف ان فى الفتره دى هاتسوقى وكل حاجه بس مش هاتبقى متمكنه اوى وكل يوم هايعدى اكيد هاتبقى احسن من الاول .. وعلى فكره دى وجه نظر مش احباط هههه .

متشكرة جدا لرد حضرتك وربنا يسهل واتعلم وهاخد بنصائح حضراتكم واتمرن كويس وابدا بالاماكن الفاضيه
جزاكم الله خيرا جميعا

[midooo_119]

مادام انتى عاوزه تتعلمى خلاص هتتعلمى و بعد كده اساذنى السيد الوالد يقعد ورا ده هيريح اعصابك كتير

[Om Marem]

مادام انتى عاوزه تتعلمى خلاص هتتعلمى و بعد كده اساذنى السيد الوالد يقعد ورا ده هيريح اعصابك كتير

متشكرة جدا لرد حضرتك وانا فعلا عايزة اتعلم ومحتاجه انى اتعلم بسرعه قبل الدراسه
وانا خلاص حرمت انى اسوق جنب بابا لو ركب معايا يسوق هو اريح لاعصابى

[M R. Z E C O]

بتعرفي تمشي العربية وعندك خبره معقولة .انزلي لوحدك ايوه انزلي لوحدك وهدي اعصابك وخلاص

بس متبدايش فالزحمة

[amr011111]

لو كده كملى مع المدربه 10 حصص سواقه طوالى و3 حصص سواقه رجوع للخلف
وحصتين او تلاتخ ركنه

وبعدين اخرجى مع نفسك كل يوم الصبح والشوارع فاضيه
لحد ما تتمكنى تماما من العربيه
وبعد كده انزلى فى الزحمه عادى

[Om Marem]

بتعرفي تمشي العربية وعندك خبره معقولة .انزلي لوحدك ايوه انزلي لوحدك وهدي اعصابك وخلاص

بس متبدايش فالزحمة

لو كده كملى مع المدربه 10 حصص سواقه طوالى و3 حصص سواقه رجوع للخلف
وحصتين او تلاتخ ركنه

وبعدين اخرجى مع نفسك كل يوم الصبح والشوارع فاضيه
لحد ما تتمكنى تماما من العربيه
وبعد كده انزلى فى الزحمه عادى

اولا شكرا لرد حضراتكم واهتمامكم
انهاردة نزلت الحصه الرابعه مع المدربه وطبعا بعد نزولى مع بابا حسيت انهاردة انى متوترة جدا بس الحمد لله لانى محتاجه فعلا اتعلم حاولت اتمالك اعصابى وطلعت بالعربيه ( على فكرة المدربه طول الحصه ما بتسوقشى العربيه خالص ) ومشينا شوارع فيصل وطلعنا للهرم ومونت العربيه والحمد لله حسيت انى بدات اتحكم فى اللف فى الملفات والدريكسون بقى احسن شويه معايا يعنى الحمد لله مشيت فى وسط زحمه وكنت ماشيه براحه وماهمنيش اللى يشتم واللى يكلكس واللى يزعق لان للاسف الناس بقى مش عندها صبر ربنا يهدينا جميعا
وسالتها هو انا ممكن اسوق لوحدى امتى قالتلى قبل العيد هاقدر اسوق وانزل لوحدى وقالتلى على حد قولها انا واختى ( لان اختى بتدرب معانا ) شاطرين وبنتعلم بسرعه
طبعا بابا تقريبا كان حاسس بتأنيب الضمير وقبل ما اروح الحصه قالى ماتخافيش هاتسوقى كويس ولما رجعت سالنى عملت ايه ( يظهر انه كان قلقان انى اكون اتعقدت بس بصراحه مجبر اخاك لا بطل ) قولتله سوقت كويس الحمد لله عشان انت مش معايا هههههههههههه

احنا ان شاء الله هاناخد كورس كمان معاها لغايه قبل العيد وبعد العيد هادخل مدرسه المرور اسبوع وان شاء الله بعد ما اخلص الكورس هاحاول انزل لوحدى فى اماكن فاضيه الاول زى ماحضراتكم نصحتونى
وبشكركم تانى على ردودكم اللى فعلا بتشجعنى