المارشدير

[madelonline]

السلام عليكم ورحمة الله

مع اني بسوق بقالي سنه والحمد لله بمشي كويس ورحت بالعربيه اسكندريه وبورسعيد
بس تبقي مشكلتي ف المارشدير
كل أما اجي أرجع بالعربيه أتبرجل واأدوخ صحيح برجع بعدها بس بعد ما أتشل وأشل اللي حواليا

ممكن تقولولي أعمل ايه

[J A G U A R]

مبدأيا كده لو مركب ستاره فى الخلف اخلعها علشان انا كان بقالى سنتين مركبها والعربيه اتخبطت قبل كده بسببها ولما خلعتها بقى احسن بكتير ... الاول مراياتك الثلاثه لازم يكونو مظبوطين على وضع القياده ورأيي تدرب نفسك فى مكان فاضى وتحط مثلا حواجز او اى حاجه تقضى الغرض وتطبق عليها لغايه ما تعرف غلطتك فين وتصلحها بس انا مفهمتش برضه ايه المشكله فى الرجوع بالظبط

[madelonline]

مبدأيا كده لو مركب ستاره فى الخلف اخلعها علشان انا كان بقالى سنتين مركبها والعربيه اتخبطت قبل كده بسببها ولما خلعتها بقى احسن بكتير ... الاول مراياتك الثلاثه لازم يكونو مظبوطين على وضع القياده ورأيي تدرب نفسك فى مكان فاضى وتحط مثلا حواجز او اى حاجه تقضى الغرض وتطبق عليها لغايه ما تعرف غلطتك فين وتصلحها بس انا مفهمتش برضه ايه المشكله فى الرجوع بالظبط

متشكر للرد يا باشا
وأنا كنت حاطط الستاره ف الأول بس شلتها
مشكلتي بقي اني لما ببقي راجع بين عربيتين مثلا أو داخل بوابه بضهري أو شارع مثلا بتلخبط ف لف الدركسيون واعادة العربيه لوضعها تاني
ومببقاش عارف أبص ورايا ولا ابص من المرايات

[J A G U A R]

مشكلتي بقي اني لما ببقي راجع بين عربيتين مثلا أو داخل بوابه بضهري أو شارع مثلا بتلخبط ف لف الدركسيون واعادة العربيه لوضعها تاني
ومببقاش عارف أبص ورايا ولا ابص من المرايات

الاول المفروض حضرتك تبقى مستوعب شكل المكان اللى هاتدخله والمكان هايدخل العربيه ولا ضيق .. هتحاول بقى تخلى العربيه موازيه للشارع اللى هاتدخله او المكان ايا كان الشكل عامل ازاى بحيث العمليه تبقى سهله فى الرجوع ومتفضلش تحود الدريكسيون على الفاضى ومش عارف بتعمل ايه والعربيه تتخبط فى الاخر ولما العربيه تبقى موازيه للشارع تحاول تطول شويه لقدام لو المكان ضيق واهم حاجه تظبط مراياتك الشمال واليمين واللى فى النص ويبقى عينك وانت راجع على الثلاث مرايات .. يعنى فى كل ثانيه او ثانيتين عينك تبقى على كل مرايه وهاترجع واحده واحده ون شاء الله تلاقيها سهله جدا .. بس هيا العمليه عايزه تعود وتجربه مش اكتر .