ازاي اكشف على العفشة ؟

[Ahmed.Essam]

السلام عليكم .. ازيكم يا وحوش نايل موتورز
كل سنة وانتم طيبين ربنا يعود عليكم وعلينا الايام بخير يارب ,,
بقالي كتير مدخلتش المنتدى لظروف شخصية ووقت ما احتاجت استفسر عن حاجة اول مكان جه في بالي هو نايل موتورز رغم اني مكسوف يوم ما ادخل المنتدى تاني لاستفسار ليا بس معلش انا عارف انكم هتفيدوني ان شاء الله

عاوز اعرف بس ازاي اكشف على العفشة ؟
يعني اروح لعفشجي عادي ولا التوكيل افضل ؟
وايا كان اللي هيكشف عـ العفشة ..
ازاي اعرف انه مش بيشتغلني وبيقول اي كلام عشان يطلع بمصلحة !
عربيتي عاملة 10 الاف كيلو بس خليجي عشان كده مش عارف اروح التوكيل وخلاص ولا ايه
وهل اصلا الـ 10 الاف كيلو دول محتاجين كشف عفشة وحاجات من دي
ياريت تفيدوني يا رجالة

[J A G U A R]

عاوز اعرف بس ازاي اكشف على العفشة ؟
يعني اروح لعفشجي عادي ولا التوكيل افضل ؟
عربيه حضرتك لسه زيرو روح توكيل افضل او عفشجى شاطر ومضمون
وايا كان اللي هيكشف عـ العفشة ..
ازاي اعرف انه مش بيشتغلني وبيقول اي كلام عشان يطلع بمصلحة !

عربيتي عاملة 10 الاف كيلو بس خليجي عشان كده مش عارف اروح التوكيل وخلاص ولا ايه
وهل اصلا الـ 10 الاف كيلو دول محتاجين كشف عفشة وحاجات من دي
10,000 كيلو العربيه صعب العربيه تكون عايز تغير حاجه فى العفشه الا بقى ممكن تحتاج تربيط مش اكتر .. ولا حضرتك حاسس ان فيها حاجه
[/SIZE]

[Ahmed.Essam]

انا عارف طبعا ان التوكيل اضمن بس كنت بتكلم على اساس انها خليجي والتكاليف ممكن تبقى زيادة وكده والحمدلله مش حاسس ان العفشة فيها حاجة بالعكس بس زي ما تقول اطمئنان كده لاني كلت مطبين على سرعة متوسطة بس خير الحمدلله

[J A G U A R]

انا عارف طبعا ان التوكيل اضمن بس كنت بتكلم على اساس انها خليجي والتكاليف ممكن تبقى زيادة وكده والحمدلله مش حاسس ان العفشة فيها حاجة بالعكس بس زي ما تقول اطمئنان كده لاني كلت مطبين على سرعة متوسطة بس خير الحمدلله

لا لو على المطبين ان شاء الله متقلقش دى حاجه عاديه ورأيي ممكن تروح لعفشجى يبص بصه كده من غير ما يعمل حاجه ولو طلع فيها حاجه ابقى وديها توكيل

[Ahmed.Essam]

لا لو على المطبين ان شاء الله متقلقش دى حاجه عاديه ورأيي ممكن تروح لعفشجى يبص بصه كده من غير ما يعمل حاجه ولو طلع فيها حاجه ابقى وديها توكيل

شكرا على ردك واهتمامك يا باشا تسلم :)

[Mostafa.Mahran]

طالما مش حاسس بحاجة جامدة فى العربية ( بتعوم مع السرعة - صوت هبدة او تخبيط - الدريكسيون بيتهز ) يبقى عفشجى عادى يربطها

[J A G U A R]

شكرا على ردك واهتمامك يا باشا تسلم :)

تحت امرك :)

[Ahmed.Essam]

طالما مش حاسس بحاجة جامدة فى العربية ( بتعوم مع السرعة - صوت هبدة او تخبيط - الدريكسيون بيتهز ) يبقى عفشجى عادى يربطها

تمام يا باشا يعني الاجراءات العادية تمام كده .. الف شكر على اهتمامك :)

[عبدالله برعى]

لو ال10 الاف اللى مشيتهم فى مطبات يبقى اكشف على العفشة


لو طريقك مفهوش يبقى ربطها عند ميكانيكى شاطر وريح دماغك

اما لو انت حاسس انها فيها مشكلة او الاتزان واصوات غريبة يبقى روح التوكيل

[Ahmed.Essam]

لو ال10 الاف اللى مشيتهم فى مطبات يبقى اكشف على العفشة


لو طريقك مفهوش يبقى ربطها عند ميكانيكى شاطر وريح دماغك

اما لو انت حاسس انها فيها مشكلة او الاتزان واصوات غريبة يبقى روح التوكيل

شكرا يا باشا تسلم على ردك :)

[S O P H O S]

اكشف عند مكان ترصيص محترم يبص فقط
لان ان شاء الله مفيش حاجة
واقصي شغل هيكون تربيط عفشة

[Ahmed.Essam]

اكشف عند مكان ترصيص محترم يبص فقط
لان ان شاء الله مفيش حاجة
واقصي شغل هيكون تربيط عفشة

شكراااا اراء الجميع تقريبا نفس اللي عاوز اعمله وده بيطمني