إعـــــــلان

Collapse

.

,
See more
See less

اقرا كتالوج عربيتك.. هتستريح

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    اقرا كتالوج عربيتك.. هتستريح


    اقرا كتالوج عربيتك.... فعلا هتستريح



    الصراحة أنا مستغرب قوي ازاي إنسان دافع في عربية فوق الـ100 ألف جنيه ومستخسر يضيع من وقته ساعة أو ساعتين يفر في الكتالوج اللي جاي معاها!!!!


    صحيح الكتالوج شكل صفحاته كتير ومكتوب فيه بخط صغير.. يعني ممكن ياخد مننا وقت كبير علشان نخلصه

    بس أنا ما قلتش يقراه بالتفصيل... يفرّ فيه ويشوف المعلومات اللي ممكن يكون محتاجها.. ولو من باب الفضول!!


    والله 80% على الأقل من الأسئلة اللي واجهتها في المنتدى جوابها موجود في الكتالوج.. بس احنا للأسف كسلانين شوية.

    وفي الآخر نسأل ناس ما يكونش عندها خبرة ويفتوا .. ونمشي وراهم وبعدين نزعل لما فتاويهم تبوظلنا الدنيا.


    وعلشان أسهل على الناس اللي لسه ما شافتش كتالوج العربية من ساعة ما اشتريتها.. هشرح ببساطة الكتالوج متكون من إيه في معظم الأحوال.


    الكتالوج في معظم الأحوال متكون من الأقسام دي:
    - مقدمة.. وده غالبا بيكون فيه معلومات عن كيفية تليين العربية وإيه نوع البنزين اللي تحطه.

    - لمحة سريعة عن السيارة ..... وده غالبا بيبقى عبارة عن صور للأجزاء الرئيسية للسيارة وتسمية كل جزء منها.

    - تعرف على سيارتك... وده فيه شرح لكل الوظائف والأوبشنز اللي في العربية وازاي تستخدمها .. وطبعا فيه أوبشنز كتير ممكن ما تكونش موجودة في العربية فعليا... بس مفيش حاجة من الأوبشنز اللي ممكن تنزل في العربية مش مشروحة فيه.

    - نظام الأمان .... وده وبيشرح الوظائف والإمكانيات الموجودة في العربية من ناحية الأمان.. زي حزام الأمان والإيرباج بأنواعه المختلفة.. وكمان بيديك نصايح علشان الأطفال وازاي تحافظ عليهم في العربية.

    - قيادة السيارة..... وده بيشرح إزاي تسوق سيارتك بحيث تحافظ عليها لأطول وقت ممكن.. زي إزاي تشغل العربية وإزاي تستخدم الفتيس العادي والأوتوماتك وازاي تستخدم الفرامل.. وكمان إزاي العربية بتتصرف مع أنظمة السلامة زي الـabs والـesp ... ده غير إنه بيديك نصايح ازاي تسوق عربيتك بحيث توفر بنزين وازاي تستخدمها في الحالات الطارئة.. إلخ.

    في رأيي .. ده أهم قسم تقراه قبل ما تسوق العربية خالص.


    - حالات الطوارئ... وده بيشرح لو اتعرضت لحالات طوارئ أو أعطال تتصرف ازاي.

    - الصيانة... وده في رأيي من أهم الأقسام ... وفي القسم ده بيشرح إيه هي الحاجات اللي يتعملها صيانة وكل قد إيه... وكمان ممكن يشرحلك الحاجات اللي ممكن تعملها بنفسك وإزاي تعملها... وكمان ازاي تحافظ على شكل العربية.

    - المواصفات... وفي القسم ده بيشرحلك أهم مواصفات السيارة ولو فيه سوائل بتتغير زي الزيوت مثلا بيقوللك مواصفاته إيه... ده غير كمان أنواع اللمبات المستخدمة .. والكاوتش تنفخه على كام.. وحاجات تانية كمان.


    طبعا... مش كل الكتالوجات زي بعض... ممكن تلاقي معلومات مكتوبة في أقسام غير اللي أنا ذكرتها فوق.. وممكن تلاقي أقسام مدمجة مع بعض.


    بس الأهم.. إننها هنلاقي في الكتالوج كل المعلومات اللي احنا محتاجينها علشان نحافظ على العربية.. بس احنا ندور... وأكيد هنلاقي.



    ...
    [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
    [I]مَثَلٌ صينِيّ[/I][/QUOTE]

    [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
    [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
    [/SIZE][/FONT]
    أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
    [SIGPIC][/SIGPIC]
    الكلمات الدلالية (Tags): اقرا, عربيتك, كتالوج, هتستريح
  • #2
    كلامك نظرياً جميل يا م.أحمد ... لكن فعلياً الناس بتستسهل وبتكسل انها تفهم او تضيع وقت فى القراءة .
    عندى مثلاً منزل مانيوال العربية pdf وبلجأله فى بعض مشاكل العربية ذات الطبيعة الغامضة ... بس للأسف الميكانيكية اوالفنيين أو حتى بعض المهندسين فى المراكز المتخصصة بيستكبروا انهم حد يقولهم اعمل كذا زى ما هو مكتوب فى المانيوال لانهم أخدوا واتعلموا بطريقة التجربة والخطا وليس الرجوع إلى أصل الأشياء فى كتيب العربية .
    [CENTER][FONT=Comic Sans MS][COLOR=gray][B][SIZE=6][I]وَمَا رَبُّكَ [COLOR=darkorange]بِظَلَّامٍ لِّلْعَبِيدِ[/COLOR][/I][/SIZE][/B][/COLOR][/FONT][/CENTER]
    [CENTER][COLOR=gray][B][SIZE=4][I]All The Power On Earth [COLOR=darkorange]Can't Change Destiny[/COLOR][/I][/SIZE][/B][/COLOR][/CENTER]
    [CENTER][SIZE=5][B][COLOR=DarkOrange]アフマド[/COLOR] [COLOR=DimGray]アミン[/COLOR][/B][/SIZE]
    [/CENTER]

    Comment

    • #3
      جبت فيرنا ٢٠١٤ من ٨ شهور واول ما استلمت الكتالوج خلصته في يومين

      Comment

      • #4
        المشاركة الأصلية كتبت بواسطة No Comment مشاهدة المشاركة
        كلامك نظرياً جميل يا م.أحمد ... لكن فعلياً الناس بتستسهل وبتكسل انها تفهم او تضيع وقت فى القراءة .
        عندى مثلاً منزل مانيوال العربية pdf وبلجأله فى بعض مشاكل العربية ذات الطبيعة الغامضة ... بس للأسف الميكانيكية اوالفنيين أو حتى بعض المهندسين فى المراكز المتخصصة بيستكبروا انهم حد يقولهم اعمل كذا زى ما هو مكتوب فى المانيوال لانهم أخدوا واتعلموا بطريقة التجربة والخطا وليس الرجوع إلى أصل الأشياء فى كتيب العربية .

        أعتقد حضرتك بتتكلم على كتالوج الصيانة Service Manual.. مش الكتالوج اللي بييجي مع العربية Owner's Manual

        أتفق مع حضرتك بدون شك إن معظم اللي بيشتغلوا في الصيانة بشكل عام بينفذوا الشغل زي ما اتعودوا.. وللأسف ده راجع لإن البيئة المصرية بتعتبر المعلومة الفنية سر كبير، واللي معاه معلومة ما بيقولهاش للي أصغر منه علشان ما يتفوقش عليه.


        وكتالوج الصيانة اللي يعتبر المرجع لكل ماكينة للأسف مش متاح لكل اللي بيشتغلوا في الصيانة.. وإذا كان متاح فمشكلة اللغة هي أكبر عائق.


        أنا باكلمك من خلفية شغلي كمهندس صيانة لمدة 6 سنين من حياتي.


        إنما لو اتكلمنا على الكتالوج اللي بييجي مع العربية.. فده هيوفر معلومات كافية للمستخدم العادي إن يحافظ على عربيته في أفضل حالة لأطول وقت ممكن..

        وهو ده اللي نفسي الناس تعمله..

        ونفسي كمان ألاقي كتالوج في عربية مستعملة



        ...
        [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
        [I]مَثَلٌ صينِيّ[/I][/QUOTE]

        [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
        [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
        [/SIZE][/FONT]
        أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
        [SIGPIC][/SIGPIC]

        Comment

        • #5
          انا اول ما اشتريت الالفيو مستعملة قلبت الدنيا على الكتالوج على الانترنت لحد ما لقيتة وقريتة كلة بس كان بتاع كندا وبرجع لة كل فترة
          وفعلا عندك حق الكتالوج بيفرق كتير دة حتى فية طريقة وترتيب توصيل بطارية سيارتين لتفادى ضرر الكمبيوتر الخاص بكل واحدة
          وعلى فكرة قراية الكتالوجات متعة

          Comment

          • #6
            الحق اطلع الكتالوج من تحت السرير بقى

            Comment

            • #7
              مهم جدا لمعرفة تفاصيل السيارة

              Comment

              • #8
                يااااااااااااه على موضوع الكتالوج دا
                لو كل واحد قرا الكتالوج كويس قبل ما يسأل ,, هيوفر على نفسه اسئلة كتييييييييير

                ابسط حاجة السؤال المتكرر ((العربية بتاخد كام لتر زيت ؟))
                اللى اعتقد ان فى حوالى 1000 موضوع ف المنتدى معمولين للسؤال دا بس
                و ف حين اجابته بمنتهى البساطة ف الكتالوج
                [COLOR=Black]الحمد لله عدد ما احصى كتابه و الحمد لله على ما احصى كتابه
                الحمد لله ملء ما فى السموات و ملء ما فى الارض و ملء ما بينهما [/COLOR]
                [img2]http://nileup.com/up/uploads/nilemotors_13651184541.jpg[/img2][COLOR=Black]
                [SIZE=4] You decide on your speed. Physics decides whether you live or die(بأمر الله طبعا)[/SIZE][/COLOR]

                Comment

                • #9
                  المشاركة الأصلية كتبت بواسطة monamize4 مشاهدة المشاركة
                  يااااااااااااه على موضوع الكتالوج دا
                  لو كل واحد قرا الكتالوج كويس قبل ما يسأل ,, هيوفر على نفسه اسئلة كتييييييييير

                  ابسط حاجة السؤال المتكرر ((العربية بتاخد كام لتر زيت ؟))
                  اللى اعتقد ان فى حوالى 1000 موضوع ف المنتدى معمولين للسؤال دا بس
                  و ف حين اجابته بمنتهى البساطة ف الكتالوج

                  فعلا عندك حق

                  ولا موضوع كاوتش العربية يتنفخ على كام..

                  حضرتك فكرتني .. من فترة عربية الشغل بتاعتنا كانت هيونداي h1.. والعربية دي معروفة بعفشتها الناشفة جدا...

                  المهم.. في مرة كنت قاعد جنب السواق والسكة طويلة.. ودعبست في درج العربية لقيت الكتالوج... وشفت موضوع نفخ الكاوتش ده

                  تعرف لقيت إيه؟؟

                  مقاس الكاوتش اللي راكب على العربية يتنفخ على 35.. وهو بيروح ينفخ على 55 زي ما كل بتوع الميكروباصات بتنفخ

                  توقعت تكون غلطة مطبعية.. وشفت الكتالوج الانجليزي لقيته نفس الكلام

                  طبعا قلتله على الموضوع ده علشان كان كل اللي موجودين في العربية على وشك يجيلهم غضروف بسبب المطبات كل يوم !!!

                  والحقيقة السواق كان متقبل وعدل ضغط الهوا.. والعربية بقت أحسن.. شوية



                  بعد كام شهر جالنا سواق تاني.. ومهما تقول له.. اللي في دماغه في دماغه !!!

                  وهي دي المشكلة الحقيقية... الحفظ دون فهم...




                  وأحيانا بشوف ناس عندها القناعة بإنهم بيفهموا أحسن من اللي صنع الشيء

                  الكلام ده ممكن أتقبله من إنسان متخصص فاهم محترف... وكلمة فاهم دي حط تحتها 100 خط.



                  إنما الهواية لوحدها مش كفاية




                  أقول لك على سر؟؟؟ ناس كتير شايفة إني أعرف معلومات كتير عن العربيات..

                  كلامهم ممكن يكون فيه شيء من الصحة.. بس تقدر تقول إن 30% من معلوماتي عن السيارات جايبها من الكتالوج.. لإنها ببساطة موفرة كل شيء عن العربية.



                  ...
                  [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
                  [I]مَثَلٌ صينِيّ[/I][/QUOTE]

                  [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
                  [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
                  [/SIZE][/FONT]
                  أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
                  [SIGPIC][/SIGPIC]

                  Comment

                  • #10
                    فعلا قرايه الكتالوج مهم جدا
                    يعنى كل يوم اثرء شويه
                    [SIGPIC][/SIGPIC][SIZE=5][COLOR=blue][/COLOR][/SIZE] اشهد ان لا اله الا الله

                    Comment

                    السابق template التالي
                    Working...
                    X