اختبار القيادة العملى

[Om Marem]

[justify]بسم الله الرحمن الرحيم
انا الحمد لله خلصت كورس سواقه خاص وخلصت الكورس الخاص بمدرسه مرور بين السرايات وان شاء الله الامتحان العملى يوم السبت وهايكون على حرف اس
بصراحه انا خايفه جدا على الرغم وبامانه المدرب اللى كان بيدربنا فى مدرسه المرور من تانى يوم وهو بيدربنا على حرف اس والحمد لله عملته اكتر من مرة صح بس برضه خايفه جدا جدا
النظرى مش خايفه منه خالص لانهم بيسلمونا سى دى فيها تقريبا 280 سؤال الامتحان بيجى منهم ( دة كلام المدرب )
اللى مخوفنى ان العربيه اللى كنت بتدرب عليها شاهين والدركسيون بتاعها بصراحه روووعه والفتيس كمان عكس عربيتى تماما اللى الدريكسيون بتاعها محتاج ونش عشان احركه والفتيس محتاج عشرة يحركوة طبعا كل دة هاغيرة ان شاء الله
بس مشكلتى انى مش عايزة اتمرن على عربيتى قبل الامتحان عشان ما اتلخبطشى

محتاجه نصائحكم عشان الامتحان العملى


[/justify]

[Adnfalcon]

لو اتعلمتي صح هتنجحي حتي لو سوقتي جرار .. بلاش قلق

[Om Marem]

لو اتعلمتي صح هتنجحي حتي لو سوقتي جرار .. بلاش قلق

بصراحه المدربه الخاصه والمدرب الخاص بمدرسه المرور بيعلموا صح جدا بس هو فعلا القلق ربنا يستر
جزاك الله خيرا على ردك

[S O P H O S]

ده اهم شئ بلاش قلق
الموضوع دقائق لو بثقة هيعدي

[J A G U A R]

اللى بيسوق كويس يعرف يسوق اى حاجه ومتفرقش معاه وغالبا بيكون فى اختبارات القياده عربيه لادا وبرضه دريكسيونها رخم والدواسات تقيله بس بتسوقى صح مش هايفرق معاكى وحاولى وحضرتك طالعه بالعربيه تزودى دوسه البنزين شويه علشان هاتكونى مش متعوده على العربيه فى الطلعه علشان لو بطلت 3 مرات هاتسقطى وركزى على الناس اللى هاتدخل قبلك وشوفى بيعملو ايه وصححى من غلطاتهم والصعوبه كلها بتكون فى الرجوع وحضرتك راجعه مارشدير بيكون فى مكان معين بتكسرى فيه الدريكسيون ولو مظبطش بتخبطى فى القرطاس وبرضه لما تكسرى الدريكسون حاولى ترجعى بالراحه علشان ممكن متلحقيش تلمى العربيه وتخبطى فى القرطاس وحاولى تعتمدى على المرايات لو هاتساعدك وبالتوفيق ان شاء الله ومبروك مقدما .

[Om Marem]

الحمد لله بفضل ربنا نجحت فى الاختبار وخدت الرخصه فى نفس اليوم من غير اى واسطه ولا قرش رشوة
ربنا يكرمكم على نصائحكم ويبارك فى حضراتكم
بس الغريب انى من يوم ماطلعت الرخصه ماليش اى نفس اركب العربيه وبروح الشغل بالمواصلات والمدربه بتاعتى بتقولى كدة غلط لازم امشى بيها وانا مش عارفه ايه السبب

[monamize4]

اللى بيسوق كويس يعرف يسوق اى حاجه ومتفرقش معاه وغالبا بيكون فى اختبارات القياده عربيه لادا وبرضه دريكسيونها رخم والدواسات تقيله

تعرف يا باشا ,, اعجب حاجة شوفتها ف اختبار الرخصة
واحد كان بيعدى الاختبار بعربية لادا ستيشن 2104 و سبحان الله الراجل
عدى الاختبار زى الفل ,,

[J A G U A R]

تعرف يا باشا ,, اعجب حاجة شوفتها ف اختبار الرخصة
واحد كان بيعدى الاختبار بعربية لادا ستيشن 2104 و سبحان الله الراجل
عدى الاختبار زى الفل ,,

هههههههه عادى جدا بس اهم حاجه يكون عنده عضلات :)
انا عديت والله الاختبار برضه بلادا 2105 او 2107 مش فاكر بس كانت عربيه مقرفه جدا :(

[J A G U A R]

الحمد لله بفضل ربنا نجحت فى الاختبار وخدت الرخصه فى نفس اليوم من غير اى واسطه ولا قرش رشوة
ربنا يكرمكم على نصائحكم ويبارك فى حضراتكم
الف مبروووك
بس الغريب انى من يوم ماطلعت الرخصه ماليش اى نفس اركب العربيه وبروح الشغل بالمواصلات والمدربه بتاعتى بتقولى كدة غلط لازم امشى بيها وانا مش عارفه ايه السبب

وكان لازمتها ايه الرخصه كده
اركبى عربيتك والمفروض قلبك جمد اكتر بعد الرخصه ولا ايه الاحساس دلوقتى ..

[Om Marem]

وكان لازمتها ايه الرخصه كده
اركبى عربيتك والمفروض قلبك جمد اكتر بعد الرخصه ولا ايه الاحساس دلوقتى ..

والله سبحان الله من اول ماخدت الرخصه للاسف ماليش نفس اركب العربيه مش عارفه ليه كل يوم اروح عند الجراج وارجع تانى اركب مواصلات على الرغم ان الرخصه ادتنى ثقه اكتر فى السواقه الحمد لله بس مش عارفه هاحاول ان شاء الله انزل بيها فى الاجازة امشى بيها شويه ربنا يسهل

[S O P H O S]

الحمد لله بفضل ربنا نجحت فى الاختبار وخدت الرخصه فى نفس اليوم من غير اى واسطه ولا قرش رشوة
ربنا يكرمكم على نصائحكم ويبارك فى حضراتكم
بس الغريب انى من يوم ماطلعت الرخصه ماليش اى نفس اركب العربيه وبروح الشغل بالمواصلات والمدربه بتاعتى بتقولى كدة غلط لازم امشى بيها وانا مش عارفه ايه السبب

مبروك
ولازم فعلا السواقة
علشان مفيش حاجة تتنسي

[drmona]

امتحان العملي

محتاجة تفاصيل اكتر عن الكورس و الامتحان و لو ينفع التواصل على الخاص

[Om Marem]

مبروك
ولازم فعلا السواقة
علشان مفيش حاجة تتنسي

الحمد لله نزلت بالعربيه ورحت الشغل وحاسه انى بقيت احسن بفضل ربنا فعلا الممارسه مهمه جدا فى السواقه كل مرة انزل باكتسب معلومات جديدة وبتعلم من اخطائى صحيح بشل اللى ماشى ورايا ههههههه بس غصب عنى عشان لسه جديدة وصحيح وقفت اكتر من شارع لما العربيه بتبطل منى بس مش مشكله ربنا يصبرهم عليا

[Om Marem]

مبروك
ولازم فعلا السواقة
علشان مفيش حاجة تتنسي

محتاجة تفاصيل اكتر عن الكورس و الامتحان و لو ينفع التواصل على الخاص

ينفع طبعا التواصل
الكورس اسبوع اول يوم نظرى وباقى الايام بتبقى تدريب على الامتحان العملى ساعه كل يوم

[DEVIL333]

ربنا معاكى