هل ممكن أداء السيارة يتأثر باختلاف قطر الكاوتش؟؟؟ ... اتعرف على أساسيات عزم الدوران

[borio1704]

شكرا على على الموضوع و لو انى فهمت 50% منه بس :)....كنت عايز اسال لو ركبت جنط مقاس 14 لعربية هيونداى i10 و هى مقاس كاوتشها الاصلى 13 هل ده هياثر على سحب العربيه و استهلاك البنزين فى السرعات و لا هياثر على الاستهلاك عموما ؟ و تاثيره بالنسبه لعفشة العربية ايه خصوصا ان كل الطرق اللى بمشى عليها كلمة زباله قليله بحقها

مقاس الجنط مش هيأثر على السحب ما دام حضرتك محافظ على القطر الخارجي للكاوتش ثابت زي ما هو..

لازم حضرتك تعرف الأول إن مقاس أي كاوتش مخصص للسيارات الحديثة بيبقى فيه 3 متغيرات.. وكلهم ليهم علاقة ببعض.

شوف الصورة دي:



القطر الخارجي للكاوتش بقى هو اللي اسمه في الصورة O.D


ببساطة كده:
OD = Z + 2Y

الـZ دي هي قطر الجنط.. والـY بيسموها الـProfile.. وبتتحسب بنسبة بيسموها الـAspect Ratio

Y = (Aspect Ratio) * X

يعني الـProfile بيبقى نسبة من عرض الكاوتش.




معنى الكلام ده إننا علشان نزود قطر الجنط .. يبقى لازم نقلل المسافة اللي فاضلة بين الجنط والأرض بنفس مقدار الزيادة .. علشان نحافظ على القطر الخارجي زي ما هو.





مثلا...

لو مقاس كان 175/70R13.. وحبيت تزود قطر الجنط وتخليه 14... يبقى نجيب مقاس الكاوتش كام؟؟

إوعى تقوللي نجيب 175/70R14


طيب نحسبها ازاي دي؟؟؟


بص على الصورة دي كده..



يعني عرض الكاوتش بيتقاس بالملليمتر
البروفايل بيتقاس بالنسبة المئوية
الجنط بيتقاس بالبوصة

حول الكلام ده كله للمليمتر حسب المعادلة اللي فوق وانت تقدر تعرف القطر الإجمالي للفردة... وده اللي نحاول نحافظ عليه بقدر الإمكان حسب المقاسات الموجودة في السوق.

فيه مواقع على النت كتير بتحسبلك الحدوتة دي وتقوللك إيه المقاس المناسب لو عايز تغير قطر الجنط أو تعرض الفردة مثلا.

اعمل سيرش صغير على النت على Tire size calculator.. وهتلاقي عشرات المواقع اللي بتحسب الموضوع ده.



بالنسبة لموضوع العفشة... فمشكلته مش في المقاس .. إنما مشكلته أساسا في الوزن.

وكل ما كان وزن المقاس الجديد أخف.. كل ما كان تأثيره على العفشة أقل..



...