ازاي اطلع الرخصه فى اسرع وقت

[dser]

السلام عليكم ورحمة الله وبركاته

انا اشتريت سيارة ومكنتش اعرف اسوق وروحت اخذت اكثر من دورة فى مدرسة تعليم القيادة ( مدرسة خاصه قريبه من بيتي ) والحمد لله اهو بعرف اسوق على قدي

المشكله هي اني عاوز اطلع رخصه قيادة وسمعت ان فى ناس بتطلعها فى يوم وفى ناس تانيه بتطلعها وهي فى البيت ومرحتش اختبرت اصلا

ازاي اطلع الرخصه فى اسرع وقت ممكن حتى لو بالفلوس لان خسارة السيارة تكون مركونه ولا استطيع حتى قيادتها لاني معنديش رخصة قيادة واحيانا بحتاج اروح مشاوير فبضطر اركب مواصلات علشان اروح للمشاوير

وشكرا لحضراتكم

[Ahmed_BYD_F0]

ارجع تانى لمدرسة تعليم القيادة اللى انت اتعلمت فيها واسالهم ممكن تطلعولى رخصة قيادة ومش عايز امتحن امتحان القيادة اصلا واكيد حيقلولك ممكن علشان معظم مدارس تعليم القيادة مفتوحة لكدة اصلا بس حضر نفسك على 500 جنيه على الاقل لان ده اقل مبلغ ممكن تدفعهولهم

[dser]

ارجع تانى لمدرسة تعليم القيادة اللى انت اتعلمت فيها واسالهم ممكن تطلعولى رخصة قيادة ومش عايز امتحن امتحان القيادة اصلا واكيد حيقلولك ممكن علشان معظم مدارس تعليم القيادة مفتوحة لكدة اصلا بس حضر نفسك على 500 جنيه على الاقل لان ده اقل مبلغ ممكن تدفعهولهم

مفيش مشكلة فى مسألة الفلوس

المشكلة هي ان مدرسة القيادة عاوزين اكمل معاهم واحصل على حصص كثيرة لان الدورة عندهم ال 10 حصص بـ 300 جنيه فلو طلبت منهم تطليع رخصه هيقولوا ليا انت لسه محتاج تاخد دورات اكتر خصوصا اني كل حصه بدفع 50 جنيه اضافية للراجل اللى بيعلمنى القيادة فمن مصلحتهم اني مطلعش رخصه وافضل اتعلم عندهم على الرغم من اني بسوق السيارة افضل من المدرب اللى كان بيدربني

[Ahmed_BYD_F0]

مفيش مشكلة فى مسألة الفلوس

المشكلة هي ان مدرسة القيادة عاوزين اكمل معاهم واحصل على حصص كثيرة لان الدورة عندهم ال 10 حصص بـ 300 جنيه فلو طلبت منهم تطليع رخصه هيقولوا ليا انت لسه محتاج تاخد دورات اكتر خصوصا اني كل حصه بدفع 50 جنيه اضافية للراجل اللى بيعلمنى القيادة فمن مصلحتهم اني مطلعش رخصه وافضل اتعلم عندهم على الرغم من اني بسوق السيارة افضل من المدرب اللى كان بيدربني

اشطة مختلفناش
شوف اى مدرسة لتعليم قيادة السيارات قريبة من المرور اللى انت تابع ليه غير اللى انت اتعلمت فيها وقوله انا تبع مرور كذا تقدر تطلعلى رخصة قيادة من غير ممتحن
يعنى خلاصة الكلام جرب فى مدرسة تانية

[dser]

اشطة مختلفناش
شوف اى مدرسة لتعليم قيادة السيارات قريبة من المرور اللى انت تابع ليه غير اللى انت اتعلمت فيها وقوله انا تبع مرور كذا تقدر تطلعلى رخصة قيادة من غير ممتحن
يعنى خلاصة الكلام جرب فى مدرسة تانية

طيب انا ساكن فى فيصل بس مش عارف انا تبع مرور فيصل ولا بين السرايات
وعلى العموم هسئل وشكرا لرد حضرتك

[dser]

محدش هنا فى المنتدى يساعدني اطلع الرخصه وله الحلاوه ؟؟؟ منتظر الرد بعد اذنكم

[أسامه الحسيني]

بتطلع فى نفس اليوم
وفر فلوسك وبلاش ترتكب حرمانيه
خد معاك صورة البطاقه و شهادة التخرج وصوره منها وشهادة الجيش وطبعا شهاده طبيه بطانه ونظر من اى مركز طبي واربع صور والموضوع كله مش هيكلفك اكتر من 100 ج

[dser]

بتطلع فى نفس اليوم
وفر فلوسك وبلاش ترتكب حرمانيه
خد معاك صورة البطاقه و شهادة التخرج وصوره منها وشهادة الجيش وطبعا شهاده طبيه بطانه ونظر من اى مركز طبي واربع صور والموضوع كله مش هيكلفك اكتر من 100 ج

شهادة الجيش ؟؟!!

اؤل مره اسمع انهم بيطلبوا شهادة الجيش هو انا حضرتك هتطلع رخصه خاصه مش رخصه مهنيه ولا رخصه دولية هل بيتطلب ذلك شهادة الجيش ايضا ؟؟؟؟

[أسامه الحسيني]

شهادة الجيش ؟؟!!

اؤل مره اسمع انهم بيطلبوا شهادة الجيش هو انا حضرتك هتطلع رخصه خاصه مش رخصه مهنيه ولا رخصه دولية هل بيتطلب ذلك شهادة الجيش ايضا ؟؟؟؟

بصراحه مش متذكر موضوع شهادة الجيش بس التعامل مع المصالح الحكوميه عودنى ان اخد معايا شهادة ميلاد ابويا هههههههه

[Abo_Mazen]

هقولك على اللي حصل معايا ..لإن أنا أكتر حاجه كانت مخوفاني من السواقه مش إني أتمسك وأنا معييش رخصه ..لأ ..أنا أكتر حاجه كانت رعباني من السواقه ..إني أخبط حد أو أدوس على حد أموته دي بقى بالنسبه لي كانت هتبقى كارثة العمر ..إني أموت حد وخصوصا إني شفت حوادث كتير لناس بيتعلموا السواقه نتيجة لخمتهم ولخبتطهم

أنا رحت مكتب تعليم سواقه ..قلتله بص ..أنا مش شاغلني إني أطلع رخصه ..لكن شاغلني إني أمشي في عز الزحمه في عز الحر وأروح بالعربيه سليمه وأروح أنا سليم ومعملش مصيبه

قعدت معاه أسبوع ..كان كل يوم ساعتين فرم ..لغاية الحمدلله ما لميت الليله ..وكنت بمشي في الزحمه وأتخن زحمه ولله الحمد مكانش عندي أي مشكله

بالنسبه بقى للرخصه ..رحت المرور ..دفعت إيصالات مدرسه ...مش فاكر كانوا كام إيصال ..المهم دفعت في حدود 400 جنيه تقريبا ..رحت أمتحن كمبيوتر ..دخلت ..المدام اللي كانت قاعده قدام الكمبيوتر قالتلي إنت مدرسه ..طيب إستنى بره ..طب إستنى بره دي يعني هتدخل آخر واحد مع بتوع المدرسه ..بيدخلوهم مع بعض ..قعدت قدام الكمبيوتر وقالتلي متضغطش على أي زرار غير لما أقولك تضغط على إيه ..وقد كان ..عديت إمتحان الكمبيوتر

دخلت ميدان القياده ..قالولنا بتوع المدرسه يومي الإثنين والخميس ..رحت يوم الخميس ..دخلت ..أول ما قعدت قلت للسواق اللي ركب جنبي ..صباحك فل ..الحج محمود بيسلم عليك..مع إن معرفش مين الحاجه محمود ده أصلا ولا هو يعرفه كمان ..بس أهي كلمه قلت أبتدي بيها كلامي ..وفجأه كان في ورقه بميت جنيه في إيده ..قالي أهلا ..ركز معايا بقى ومتدوسش على حاجه ..إيدك على الطاره ..ودانك معايا ..وقد كان ..هو يقول شمال يمين شمال بسرعه وأنا معاه على الطاره وهو شغال بالدواسات من عنده ..طلعنا عملنا حرف الإس ..رجعنا ..إنزل ..روح إتصور ..إستملت الرخصه ..الموضوع خد تقريبا ..موضوع إستخراج الرخصه ..أخد سبت وحد وإمتحنت سواقه يوم الإثنين وإستلمت الرخصه ..دي تجربتي في إستخراج الرخصه

[J A G U A R]

اى واسطه فى المرور هاتخلصلك وتسهل كل حاجه