عاوز اطلع رخصه قيادة خاصه

[dser]

السلام عليكم ورحمة الله وبركاته

انا عاوز اطلع رخصه قيادة خاصه

فى ناس قالولى ادفع فلوس وتستلم الرخصه فى نفس اليوم

طيب فين وانا ادفع بس تطلع الرخصه ؟؟!!!

اللى يعرف يساعدني اطلع الرخصه بالفلوس انا تحت امره فى اي مبلغ يطلبه

وتحياتي لحضراتكم

[hesham fawzy h]

و ليييية تدفع رشوة

ما اغلب الناس بطاع رخص من غير رشاوى

[dser]

و ليييية تدفع رشوة

ما اغلب الناس بطاع رخص من غير رشاوى

اخي العزيز كلامك سليم ولكن لو انت مكاني كنت اتصرفت مثلى تمام

انا اتعلمت فى اكثر مدرسة لتعليم قيادة السيارات وللاسف كلهم مش بيعلموني اي شىء علشان اخد حصص زيادة وطبعا كل حصة بفلوس

جربت اتعلم مع واحد خارج المدرسه كان بيعطيني الحصه بـ 150 جنيه فى الساعه وكل يوم ولا عمره علمني ازاي ارجع بالسيارة للخلف

وجاءت الطامه الكبرى اني اتعرض لموقف لما كان الراجل اللى بيعلمنى خلاني اسوق السيارة فى شارع الهرم وكان فى لجنه واقفه
كنت هتسجن لان الضابط وقفني وكنت هتبهدل لكن ربنا ستر والحمد لله
لاني بسوق بدون رخصه وكنت بتعلم على السيارة بتاعتي وطبعا قانون المرور القيادة بدون رخصه عقابها سنه وغرامه
انا قولت اطلع الرخصه وبعدين اتعلم براحتى لكن لو دخلت امتحان القيادة اكيد هسقط بالثلث

تحياتي لك

[Ayman_saad]

الحكاية مش محتاجة حد يدلك ،
روح عند المرور ألي أنت تابع ليه وأقف قدامه شوية هتلاقي عالم عواطلية واقفة بتخلص شغل وبتعمل دوسية الرخصة ، روح لهم وأسألهم هيدلوك علي السكة ، وبس

[exelence]

اعمل زيى مدرسة السواقة اللى تبع المرور و الرخصة تطلعلك و انت زى الباشا

[dser]

الحكاية مش محتاجة حد يدلك ،
روح عند المرور ألي أنت تابع ليه وأقف قدامه شوية هتلاقي عالم عواطلية واقفة بتخلص شغل وبتعمل دوسية الرخصة ، روح لهم وأسألهم هيدلوك علي السكة ، وبس

روحت وكان هيتنصب عليا اومال انا عرفت منين ان الرخصه بتطلع على طول بالفلوس

انا قولت ادخل مكان مضمون يمكن حد يساعدني تطلع بسرعه

تحياتي لك

[dser]

اعمل زيى مدرسة السواقة اللى تبع المرور و الرخصة تطلعلك و انت زى الباشا

المرور اللى انا تبعه هو مرور فيصل ياريت لو تدلني فين مدرسة المرور التابعه له واكون شاكر لسعادتك

[drmona]

المرور اللى انا تبعه هو مرور فيصل ياريت لو تدلني فين مدرسة المرور التابعه له واكون شاكر لسعادتك

مدرسة المرور في بين السرايات اسال على شارع المرور و هتلاقيها هناك في ادارة المرور بتدفع ٣٦٠ جنيه رسوم و بتتعلم على الامتحان و تدخل تمتحن بعد اسبوع بنفس العربية اللي اتدربت عليها و بتشتري سي دي عليه اسئلة امتحان الكمبيوتر و لما تنجح سواقة و كمبيوتر تاخد الملف بتاعك من مرور بين السرايات و تروح مرور فيصل تتصور و تعمل الرخصة
انا لسه عاملاها من اقل من شهر بالطريقة دي

[dser]

ها ؟؟!! مفيش حد هيقدر يساعدني اني استخرج رخصه بالفلوس وتطلع بسرعه ؟؟

على فكره اللى هعمله ده مش رشوه انا سئلت فى الازهر من دار الافتاء لان مصالحي معطله ومفيش قدامي غير اني ادفع فلوس علشان اخلص مصالحي

فمن اضطر غير باغ او عاد فلا إثم عليه

........................ واللى هيساعدني ربنا يجازيه كل خير وهتتكتب له فى ميزان حسناته
منتظر ردودكم يا اهل المساعده .

[mif]

مدرسة المرور في بين السرايات اسال على شارع المرور و هتلاقيها هناك في ادارة المرور بتدفع ٣٦٠ جنيه رسوم و بتتعلم على الامتحان و تدخل تمتحن بعد اسبوع بنفس العربية اللي اتدربت عليها و بتشتري سي دي عليه اسئلة امتحان الكمبيوتر و لما تنجح سواقة و كمبيوتر تاخد الملف بتاعك من مرور بين السرايات و تروح مرور فيصل تتصور و تعمل الرخصة
انا لسه عاملاها من اقل من شهر بالطريقة دي

طب لو حد مرور اوسيم - جيزة ممكن يروح بين السرايات ؟

ايه شكل امتحان الاشارات و اختبار القيادة ؟

[mif]

مدرسة المرور في بين السرايات اسال على شارع المرور و هتلاقيها هناك في ادارة المرور بتدفع ٣٦٠ جنيه رسوم و بتتعلم على الامتحان و تدخل تمتحن بعد اسبوع بنفس العربية اللي اتدربت عليها و بتشتري سي دي عليه اسئلة امتحان الكمبيوتر (بكام الاسطوانة دى ؟)
و لما تنجح سواقة و كمبيوتر تاخد الملف بتاعك من مرور بين السرايات و تروح مرور فيصل تتصور و تعمل الرخصة
انا لسه عاملاها من اقل من شهر بالطريقة دي

[dser]

مدرسة المرور في بين السرايات اسال على شارع المرور و هتلاقيها هناك في ادارة المرور بتدفع ٣٦٠ جنيه رسوم و بتتعلم على الامتحان و تدخل تمتحن بعد اسبوع بنفس العربية اللي اتدربت عليها و بتشتري سي دي عليه اسئلة امتحان الكمبيوتر و لما تنجح سواقة و كمبيوتر تاخد الملف بتاعك من مرور بين السرايات و تروح مرور فيصل تتصور و تعمل الرخصة
انا لسه عاملاها من اقل من شهر بالطريقة دي

حتى لو بعرف اسوق لازم ادخل مدرسة قيادة

انا اتعلمت القيادة فى اكثر من مدرسة وكمان سواقين مش تبع مدرسه واعرف اسوق كويس بس المشكله هي اني فعلا عاوز اطلع الرخصه بسرعه وبدون تعقيدات لاني سمعت ان اللى بيسقط فى الامتحان بيرجع يمتحن تاني بعد شهر او 3 شهور وده وقت طويل جدا

[drmona]

الاسطوانة كانت ب 15 او 20 مش فاكرة بالظبط

[drmona]

حتى لو بعرف اسوق لازم ادخل مدرسة قيادة

انا اتعلمت القيادة فى اكثر من مدرسة وكمان سواقين مش تبع مدرسه واعرف اسوق كويس بس المشكله هي اني فعلا عاوز اطلع الرخصه بسرعه وبدون تعقيدات لاني سمعت ان اللى بيسقط فى الامتحان بيرجع يمتحن تاني بعد شهر او 3 شهور وده وقت طويل جدا

هي المدرسة اصلا بيعلموك الامتحان اللي هو تمشي بين الاقماع حرف اس قدام و ورا و بتتدرب عليه و تدخل الامتحان تمتحن على عربيتهم اللي انت اتدربت عليها و المدرب بيحضر معاك الامتحان و يشاورلك لو لقاك اتلخبطت بس اللي يسقط برضه بيعيد بعد شهر