عضوة جديده لسه بتتعلم السواقه

[عصير قصب]

يسعدنى جدا انضمامى لهذا المنتدى الأكثر من رائع
والمفيد والمتميز بجد
انا لسه بتعلم يا ناااااااااااااااااااااااااس

يعنى المدربه بتقولى مستواكى كويس بتعلم على 128
وبدور على عربيه اشتريها اكمل تعليم او امارس بقى عليها

وطبعا سجلت هنا عشان اكون معاكم كلامكم مشجع جدا
وعندكم صبر وروح طويله وطيبه تسمعوا بعض وتردوا على مشاكل البعض

بجد ربنا يجازيكم كل خيرررررررررررررررررر

واستحملونى بقى وما تزهقوش منى

هو بس عيبى الوحيد بخاف جدا والرهبه من سواقين الميكروباص والنقل والتصرف الحيد ايلى بعمله لما اتزنق انى اقف بالعربيه وخلاص وطبعا ايلى ورايا اكيد بيكون بيلطم
بس هو انا كده بخاف ومعرفش اخاطر فى قلق او مشاكل قدامى فى الطريق بقف
دعواتكم بقى

[shiko85]

ماروتى هتكون كويسه و مناسبه جدا فمرحله التعليم (حجم صغير - سى سى قليل - قطع غيار رخيصه)
بالنسبه للخوف فده امر طبيعى جدا بس مع الوقت و التدريب و الممارسه الخوف هيقل تدريجيا
بس حضرتك خلى بالك لما تقفى بالعربيه فجأه ده ممكن يسبب حوادث

[عصير قصب]

ماروتى هتكون كويسه و مناسبه جدا فمرحله التعليم (حجم صغير - سى سى قليل - قطع غيار رخيصه)
بالنسبه للخوف فده امر طبيعى جدا بس مع الوقت و التدريب و الممارسه الخوف هيقل تدريجيا
بس حضرتك خلى بالك لما تقفى بالعربيه فجأه ده ممكن يسبب حوادث

ماروتى غاليه اوى زيروووو
بفكر فى اللانوس بنفس سعر الماروتى الزيرو
وفول أوبشن

بس سؤالى هل هى سهله فى السواقه وابعادها تمام للمبتدئين
وليه شنطتها مرتفعه كده شويه بحس انى مش هعرف اشوف مارشيدير

[shiko85]

ماروتى غاليه اوى زيروووو
انا اقصد ماروتى مستعمله مش جديده
بفكر فى اللانوس بنفس سعر الماروتى الزيرو وفول أوبشن
لانوس افضل من الماروتى طبعا
بس سؤالى هل هى سهله فى السواقه وابعادها تمام للمبتدئين
سهله فالسواقه لكن هتحتاجى وقت شويه علشان تعرفى ابعاد العربيه
وليه شنطتها مرتفعه كده شويه بحس انى مش هعرف اشوف مارشيدير
اى عربيه سيدان الشنطه بتاعتها عاليه, ممكن تركبى كاميرا او حساسات هتسهل عليكى غير ان بالتعود هتعرفى ابعاد العربيه و هتعرفى تقدرى المسافه صح

[عصير قصب]

سمعت ان الانوس فى الركنات ابعادها غريبة
قرأت مضوع لعضو هنا
بيقول ابعادها مش مظبطه
وانت بتركن مش هتشوف الرصيف فى طرف المرايه
ايه مشكلتها اللانوس ياجماعه فى الركن

[Ahmed Tarek 00]

هيا الحساسات الخلفية تكلفتها كام للفيرنا مثلا ؟؟!!!

[Ahmed Tarek 00]

سمعت ان الانوس فى الركنات ابعادها غريبة
قرأت مضوع لعضو هنا
بيقول ابعادها مش مظبطه
وانت بتركن مش هتشوف الرصيف فى طرف المرايه
ايه مشكلتها اللانوس ياجماعه فى الركن

ولا أى مشكلة سهلة جدا وموش عالية اوووى من ورا زى ما انتى فاكرة أومال السيينا تقوللى عاليها ايه !!
مسألة تعود بس والدنيا هتبقى بيس واستخدمى المرايا اللى ناحية الرصيف ومرايا الصالون

[shiko85]

هيا الحساسات الخلفية تكلفتها كام للفيرنا مثلا ؟؟!!!

نوع العربيه مش هيفرق
الطقم 4 حساسات سعره تقريبا 150 جنيه

[loly mahmoud]

تعالى جميبى
انا كمان لسه متعلمه جوزى ربنا يخليه هو الى علمنى بقالى اسبوع والحمد لله بقيت اسوق لوحدى تماما وهو مش معايا وبروح الشغل وبروح على الطريق الزراعى انا جبت ماروتى عللشان اتعلم واخبط فيها زى مانا عايزه ممتازه ومريحانى جدا واى سؤال فى السواقه انا معاكى بس غلط اوى انى تقفى كده فجاه لو حسيتى بارتباك ادى انتظار وهدى سرعتك خالص وضرورى تبصى فى المرايه الاماميه علشان لو عربيه لازقه فيكى ممكن تبقى مشكله او تبصى فى الماات الجانبيه وتغيرى حارتك اهم حاجه متخفيش وجدى قلبك وتكونى متاهبه بالدبرياج والفرامل بهدوء

[pepo2011]

ورشة المهندس ابراهيم

ش سوزان مبارك 2 ب عمارات رياسة الجمهورية - تاني شارع بعد المخابرات -- بجوار البان فينيسيا

ناصية الشارع صيدلية ابو اليزيد

[عصير قصب]

تعالى جميبى
انا كمان لسه متعلمه جوزى ربنا يخليه هو الى علمنى بقالى اسبوع والحمد لله بقيت اسوق لوحدى تماما وهو مش معايا وبروح الشغل وبروح على الطريق الزراعى انا جبت ماروتى عللشان اتعلم واخبط فيها زى مانا عايزه ممتازه ومريحانى جدا واى سؤال فى السواقه انا معاكى بس غلط اوى انى تقفى كده فجاه لو حسيتى بارتباك ادى انتظار وهدى سرعتك خالص وضرورى تبصى فى المرايه الاماميه علشان لو عربيه لازقه فيكى ممكن تبقى مشكله او تبصى فى الماات الجانبيه وتغيرى حارتك اهم حاجه متخفيش وجدى قلبك وتكونى متاهبه بالدبرياج والفرامل بهدوء

اهلا يا جميل
منورة التوبيك
انتى جريئة ما شاء الله
انا بخاااااااااااااف ومعرفش اسوق وحدى دلوقتى
بس ازاى اسبوع تعليم وبتطلعى وحدك وعلى طريق سريع كمان
اتعلمتى مطلع الكوبرى فى الزحمة والركنات وكده؟؟؟؟

[loly mahmoud]

اهلا يا جميل
منورة التوبيك
انتى جريئة ما شاء الله
انا بخاااااااااااااف ومعرفش اسوق وحدى دلوقتى
بس ازاى اسبوع تعليم وبتطلعى وحدك وعلى طريق سريع كمان
اتعلمتى مطلع الكوبرى فى الزحمة والركنات وكده؟؟؟؟

اه اصلا المنطقه عندنا كلها كبارى وتقاطعات ومن عند الكوبرى عربيات بتلف من تحته وتطلع يعنى قلق جامد بس الحمد لله تمام جرئ قلبك وانتى تبقى تمام والركنه سهله حتى لو ختيها فى الاول على كذا مره ومتركنيش فى الاول غير فى مكان واسع انا هختصرلك الركنه زى متعملتها انتى بتقفى بالتوازى قدام المكان الى عايزه تركنى فيه ولو نفرض انه ناحيه اليمين وبيكون بينك وبينه حوالى متر او اكتر مش مشكله وبتلفى الدركسيون اقصى اليمين وتدى مارشدير وبتدخلى وبتخدى بالك من الحائط وكمان شمالك علشان لو فيه حاجه وبعدين اول متحسى انك قربتى من الحائط اقلبى الدركسيون سريعا ناحيه الشمال وارجعى بمنتهى الخفه علشان تلحقى نفسك لو مظبطتش هتلاقى ضهر العربيه بقى اقصى اليمين انما مقدمتها نايحه الشمال هتعدلى عجل العربيه بيقى رجعيها يمين تانى لفه واحده تقريبا وهاتى الاول ويا دوب هتريحى على قدام كده بقى الركنه بقى تمام
وانا معاكى لو احتاجتى حاجه بس اهم حاجه تخلى بالك من الفرامل وعودى نفسك متقربيش اوى من العربيه الى قدامك

[عصير قصب]

اه اصلا المنطقه عندنا كلها كبارى وتقاطعات ومن عند الكوبرى عربيات بتلف من تحته وتطلع يعنى قلق جامد بس الحمد لله تمام جرئ قلبك وانتى تبقى تمام والركنه سهله حتى لو ختيها فى الاول على كذا مره ومتركنيش فى الاول غير فى مكان واسع انا هختصرلك الركنه زى متعملتها انتى بتقفى بالتوازى قدام المكان الى عايزه تركنى فيه ولو نفرض انه ناحيه اليمين وبيكون بينك وبينه حوالى متر او اكتر مش مشكله وبتلفى الدركسيون اقصى اليمين وتدى مارشدير وبتدخلى وبتخدى بالك من الحائط وكمان شمالك علشان لو فيه حاجه وبعدين اول متحسى انك قربتى من الحائط اقلبى الدركسيون سريعا ناحيه الشمال وارجعى بمنتهى الخفه علشان تلحقى نفسك لو مظبطتش هتلاقى ضهر العربيه بقى اقصى اليمين انما مقدمتها نايحه الشمال هتعدلى عجل العربيه بيقى رجعيها يمين تانى لفه واحده تقريبا وهاتى الاول ويا دوب هتريحى على قدام كده بقى الركنه بقى تمام
وانا معاكى لو احتاجتى حاجه بس اهم حاجه تخلى بالك من الفرامل وعودى نفسك متقربيش اوى من العربيه الى قدامك

ما شاء الله عليكى
اكيد عشان ايلى علمك راجل وجريء علمك الجراءة
انما انا اتعلمت مع ست وعندى رهبه من البنزين كانت بتقولى لى البنزين باللمس
وحياتنا كلها الدبرياج
لدرجه انى بحب الدبرياج جدا جدا مش بشيل رجلى من عليه يعتبر ههه
انا كويسه فى الركنات
بس بخاف من اليوتيرن على طريق سريع لازم استخبى فى عربية ده اساسى والف معاها
الركنه العمودى بين عربيتين والمكان ضيق صعبه بردو شويه
الموازى اسهل وفعلا اتعمتها زى ما انتى بتقولى كده

[pepo2011]

يا فندم لا طبعا رجلك علي الدبرياج علي طول اكبر غلط لانه بيحمل عالماتور وبيؤدي لتاكل الاسطوانة والديسك وبالتالي ياثر علي الموتور وعمرة وبالتالي يقلل السحب ويزيد استهلاك البنزين لكن العلاقة بين البنزين والدبرياج لازم تكون عكسية بنسبة 2:1

[أم نون]

ربنا يوفقك

أنا برده بتعلم مع مدربة وقربت أخلص
فى أول حصة كنت مرعوبة وإيديا تلجت من الخوف أصلا بس مع الوقت الخوف قل كتير

زوجى حاولى يعلمنى بس أنا كنت دايما بتوتر منه ورجلى الشمال مكنتش عارفة أرفعها من عالديبرياج صح
كل شوية العربية تفصل منى

مع المدربة الحمد لله إتحسنت بس لسه رجلى الشمال مش متمكنة 100 %

أنا برده معاكى عايزة أشترى عربية
أكتر عربية بيعجبنى شكلها وحجمها شيفروليه سبارك
حاسها فى الركنة هتبقى سهلة
بس مش عارفة بقى سواقتها ناعمة ولا صعبة

تقريبا مستعمل سعرها حوالى 45 ألف غالية أوى للأسف :(