رخصتي الأول و لا رخصة السيارة الأول

[نور كمال]

طيب تمام أوي كده بس أنا عرفت إن لما أحب أمضي على العقد عشان أروح أرخص و الرخصة تطلع بأسمي لازم أروح الشهر العقاري أمضي أدام الموثق عشان يكتب إن المشتري وقع أمامي و يختم على الكلام ده و لا أنت ليك رأي تاني و على العموم أشكرك جدا إنك رديت عليا

[Abo_Mazen]

والله لو صحت معلومة إنك لازم تروح الشهر العقاري عشان تقفل العقد ..يعني تمضي قدام الموظف ..يبقى لازم تجيب شهادة بيانات من المرور ...لو ما ثبتتش ..ودي أنا مش متأكد من صحتها يبقى زي ما قولتلك

[نور كمال]

تمام يا باشا بس مش كان أولى إنهم يطلبوا شهادة البيانات من البائع لما راح يتنازلي و بعدين أنا على حد علمي إن العربية حتى الآن مازالت بأسم البائع لأني مامضتش على العقد لحد دلوقت و بعدين خليني ان ما روحتش العقاري ورحت على طول للمرور من غير مامضي ايه اللي هيحصل

[Abo_Mazen]

أنا اشتريت سيارة 128 و نقلت ملكيتها في الشهر العقاري المهم رخصتها انتهت في 12/10/2014

السطر اللي فوق أنا ناقله من المشاركه بتاعتك ..طبعا واضح إن الرخصه وقت التنازل في الشهر العقاري كانت ساريه عشان كده الشهر العقاري ما طلبش شهادة بيانات ..
أما حكاية إنك تروح المرور من غير ما تقفل العقد في الشهر العقاري فأكيد المرور هيرجعك تاني الشهر العقاري ويقولك روح إقفل العقد في الشهر العقاري ..يعني إنت كده أو كده لازم تروح المرور عشان تطلع شهادة بيانات من المرور عشان خاطر عيون سيادة الشهر العقاري

[نور كمال]

ألف شكر و استفسار أخر

ألف شكر و آسف إني أثقلت عليك في حاجة تانية عايز أعرفها نفسي أشد العربية برة و جوة هي عربية 128 بس مش عارف تتكلف كام أنا عايز أرشها برة و جوة و أغير لونها هي بيضا أنا عايز أرشها نبيتي بوية عادية مش ميتالك عايز كمان أشدها من جوة تنجيد و لزق الدواسة و الشنطة بأي حاجة نظيفة غير الموكيت و قبل ده كله عايز أعملها عزل للدواسة كلها و الكبوت بتاع الموتور باللباد الحراري ياريت حد يقولي الليلة دي تتكلف كام بالتقريب و كمان عايز أعرف إيه أفضل نوع ميه خضرة أحطها في الريداتير

[M_hisham]

هو فيه تصريح قيادة لسن ١٧ سنة في مصر ؟ و لو فيه ايه الشروط او الاجراءات و ارجو الرد ضروري.