أسهل طريقة لطلعة الكوبري والطريق واقف

[Ahmed Tarek 00]

عاوز اعرف أسهل طريقة لطلوع الكوبري والطريق واقف طبعا بالنسبة للسيارات المانيوال وشكرااااااااااااااااا

ولما انزل منه افضل غيار ايه

[م أحمد]

اسهل حاجة تطول المسافة اللى بينك و بين العربية اللى قدامك بقدر الامكان علشان مشكل شوية تقف و على الغيار الاول لانه اعلى عزم للعربية
وفى النزول والطريق بطىء خالص تمور العربية وتمسك فرامل وبعدين التانى الا اذا احتاجت غيار زى فى وسط الكوبرى مثلا فيكون الغيار الاول

[ainshouka]

وانت واقف عالكوبرى شد الهاند
اديها سنه بنزين وشيل رجليك من على الدبرياج سنه سنه
وقبل ماتشيلها من على الدبرياج خالص تكون منزل فرامل اليد وحتلاقى العربيه بتطلع قدام ومبتسحبش لورا

[عصير قصب]

ياجماعه انا مبتدية
موضوع فرامل اليد ده مربك لان الكوبرى بيتحرك كل 10 ثوانى ويقف ومش عملى خالص
انا اتعلمت فى كورس السواقه
اول ما الكوبرى يقف طبعا احنا على الاول يقف دبرياج على الاخر فرامل
رجلى على الفرامل ما اشيلهاش
يمشى الكوبرى ارفع دبرياج سنه سنه لحد ما ترعش العربية اثبت رجلى
ازود بنزين لحد ما صوت العربية يعلى شويه


ايه رايكم مظبوط كده ولا فى ملحوظات

[Ahmed Tarek 00]

أنا فيه طريقة عندى بس أعتقد انها غلط على الاسطواااااااااااانة

وهي انى وأنا طالع الكوبري ووقف عشان زحمة ..
1- الغيار الأول
2- أخلى رجلى على الدبرياج وأرفع سنة سنة كأنى هتحرك لقدام عادى جدااااا
3 - أثبت رجلى أول مالعربية تتحرك لقدام
4- أدوس على الفرامل
5 - أول مالطريق يتحرك أشيل رجلي بس من على الفرامل وأول مايقف الطريق أدوس فرامل

[M!SHO]

ياجماعه انا مبتدية
موضوع فرامل اليد ده مربك لان الكوبرى بيتحرك كل 10 ثوانى ويقف ومش عملى خالص
انا اتعلمت فى كورس السواقه
اول ما الكوبرى يقف طبعا احنا على الاول يقف دبرياج على الاخر فرامل
رجلى على الفرامل ما اشيلهاش
يمشى الكوبرى ارفع دبرياج سنه سنه لحد ما ترعش العربية اثبت رجلى
ازود بنزين لحد ما صوت العربية يعلى شويه


ايه رايكم مظبوط كده ولا فى ملحوظات

مظبوط كده

ومع الوقت هتلاقي نفسك بتخطفها بسرعه من غير ما تاخد بالك اصلاً

ومن غير ما تدوس على الفرامل ولا حتى تستخدم الهاند

انا بوازن ما بين البنزين والدبرياج والعربيه مبتريحش ، ده في حالة ان الطريق مبيقفش كتير

[Mecha]

اهم حاجه في النزول تديها غيار حسب سرعة الطريق , مفتوح رابع
بطئ 3 او 2 واياك تسيبي العربيه في المور ممكن تعوم منك وتعملي حادثه وخصوصا مع المطر او ندي ع الكوبري
الغيار بيلجم العربيه

[عصير قصب]

مظبوط كده

ومع الوقت هتلاقي نفسك بتخطفها بسرعه من غير ما تاخد بالك اصلاً

ومن غير ما تدوس على الفرامل ولا حتى تستخدم الهاند

انا بوازن ما بين البنزين والدبرياج والعربيه مبتريحش ، ده في حالة ان الطريق مبيقفش كتير

مشاء الله يابختك
عقبالى
انا كمان بشغل الانتظار ونا على الكوبرى
بلاقى كله بيبعد عنى ويبص لى خايف
ههههههههههههههههههههه
عالم تخاف ما تختشيش

اهم حاجه في النزول تديها غيار حسب سرعة الطريق , مفتوح رابع
بطئ 3 او 2 واياك تسيبي العربيه في المور ممكن تعوم منك وتعملي حادثه وخصوصا مع المطر او ندي ع الكوبري
الغيار بيلجم العربيه

تمام يافندم

[عصير قصب]

أنا فيه طريقة عندى بس أعتقد انها غلط على الاسطواااااااااااانة

وهي انى وأنا طالع الكوبري ووقف عشان زحمة ..
1- الغيار الأول
2- أخلى رجلى على الدبرياج وأرفع سنة سنة كأنى هتحرك لقدام عادى جدااااا
3 - أثبت رجلى أول مالعربية تتحرك لقدام
4- أدوس على الفرامل
5 - أول مالطريق يتحرك أشيل رجلي بس من على الفرامل وأول مايقف الطريق أدوس فرامل

ممتاز
بعمل كده
بس المشكله انى معايا دلوقتى 128
فرخمه شويه بتعلم عليها
لازم بعد ما ارعش دبرياج واثبت
ازود بنزين شويه كتير عشان تتحرك والا العربية هتفصل منى

لكن عربيتى انشاء الله لانوس
اعتقد مش هحتاج ضغطه البنزين دى ولا ايه ؟؟؟؟؟؟

[monamize4]

نزول الكوبرى عالمور ,, معلومة غلط جدا

[Ahmed Tarek 00]

ممتاز
بعمل كده
بس المشكله انى معايا دلوقتى 128
فرخمه شويه بتعلم عليها
لازم بعد ما ارعش دبرياج واثبت
ازود بنزين شويه كتير عشان تتحرك والا العربية هتفصل منى

لكن عربيتى إن شاء الله لانوس
اعتقد مش هحتاج ضغطه البنزين دى ولا ايه ؟؟؟؟؟؟

ماهى لانوس من العربيات الحديثة زى الفيرنا والكيا برايد والسكودا فليشيا بتمشي أول ما ترفعى رجلك من الدبرياج على الغيار الأول على عكس الـــ 128 والسيات وكده

[Haitham Gamal]

استخدمي الدبرياج والبنزين بس وحاولي تتعلمي عليهم كويس لانهم الحل الاصح
بالتوفيق

[Ahmed abdkarim]

انا بفضل واقف بالعربية على المطلع بالبنزين والدبرياج من غير الفرامل او الهاند بريك

[من غير اسم]

أنا بعمل الاتى, ويا ريت حد يفدنى ويقولى صح ولا غلط:
1- فى مطلع الكوبرى والطريق واقف بشد الهاند بريك, ولما يبتدى يتحرك, اجيب الغيار الاول وادوس بنزين, وبعدين انزل الهاند بريك, وده طبعا علشان العربية مترجعش منى لورا.
2- وانا نازل من الكوبرى , بمور العربية, ولو احتاجت ادوس فرامل.
يا ريت حد يفدنى ويقولى كده صح ولا غلط

[amr011111]

فيه طريقيتن
الطريقه الاولى لا ى حد لسه فى بدايات تعلمه للسواقه وهى
ان اول لما الطريق يقف وانت على مطلع كوبرى هتعمل الاتى
1- هتدوش دبرياج وفرامل وبعدين ترفع الهاند بريك وبعدين تمور العربيهو تشيل رجلك من على الدبرياج والفرامل
يعنى متشيلش رجلك من على الفرامل الا لما تكون رفعت الهاند بريك

2- اول لما الطريق يتحرك وانت على مطلع الكوبرى هتعمل الاتى
هتدوس دبرياج وتدى الاول وبعدين تدوس بنزين بحيث انك هتدوس زياده سنه عن ما تكون ماشى طوالى وتشيل رجلك من على الدبرياج سنه اقل ما تكون ماشى على الطوالى
يعنى هتدوس بنزين زياده وترفع رجلك من على الدبرياج بسيط
وبعدين تنزل فرامل اليد كل ده بيتعمل مع بعض فى وقت واحد

الطريقه التانيه انك توازن بين الدبرياج والبنزين ومتستعملش الهاند بريك وده برضه بنفس الطريقه اللى فى الخطوه السابقه انك تكون دايس بنزين زياده سنه عن الطبيعى وترفع رجلك من على الدبرياج سنه اقل من الطبيعى