عاوزة اغير صورة الرخصه ينفع ولا لا

[عصير قصب]

هل ينفع تجديد صورة الرخصه
ولا هنلبسه طول العمر
حد منكم غير صورة الرخصه قبل كده وازاى؟

[amr011111]

لا هى بتتاخد على سهوه زيها زى صورة البطاقه :)
وبعدين لو روحتى تتصورى تانى ممكن تبقى الصوره اللى معاكى احسن من الجديده
هوه بصراحه المفروض يخدوا صوره مننا ويعملولها سكان افضل

[ENG.MaRk]

ممكن تتصوري تاني و تغيريها عند التجديد (بعد 10 سنين) ... أنا حاسس إنهم بيتفقوا مع الناس اللي بتصور في المصالح الحكومية إنهم لو طلعوا الصورة حلوة أو فيها شبه من الكائن اللي بيتصور إنهم يسيبوا الشغل ... أنا صورتي غالبا هبقي محتاج أحلف للراجل عشان يصدق إني أنا اللي في الصورة

[J A G U A R]

ملوش لازمه التغيير
غالبا الصور دى بتبقى طالعه وحشه بس انا طالع حلو فى الرخصه :)
وبالذات بقى صور البطاقه الواحد بيبقى عامل فيها زى اللى طالع من السجن

[night-knight]

لو ضروري
اعملي بدل فاقد

[drmona]

انا صورتي في الرخصة تحسها متاخدة من بعيد مش باين فيها اي ملامح لوشي و مبينة الطرحة كلها بس و زي ما يكون خدلي الصورة و انا باصة لفوق بس في الاخر مش مشوهة يعني ارحم من غيرها :)

[عصير قصب]

لو ضروري
اعملي بدل فاقد

ازاى اعمل بدل فاقد

ممكن تقولى الخطوات

[Ahmed Tarek 00]

هل ينفع تجديد صورة الرخصه
ولا هنلبسه طول العمر
حد منكم غير صورة الرخصه قبل كده وازاى؟

مشفتش حد غيرها قبل كده .. الراجل اللى بيصور بيلقط الصورة على سهوة .... ومن كاميرا ويب

[pepo2011]

تغيير صورة الرخصة

قانونا مش ممكن تتغير الا عند التجديد لو شكل الشخص اختلف كثيرا حسب ما يري الموظف لكن لو في واسطة او حد معرفة في المرور ممكن طبعا بكل سهولة.

[Ahmed abdkarim]

الحل ان حضرتك روحى تعملى محضر فى القسم ان الرخصة ضاعت و تعملى واحده جديدة بصورة جديدة

[adelghanem]

الحل ان حضرتك روحى تعملى محضر فى القسم ان الرخصة ضاعت و تعملى واحده جديدة بصورة جديدة

ده الحل الامثل
ولما تروحى تتصورى فى البطاقه او الرخصه لازم تعملى
حساب للون الطرحه بحيث انها تظهر وجهك بالشكل الامثل.
ده من تجربه زوجتى وابنتى.

[عصير قصب]

ده الحل الامثل
ولما تروحى تتصورى فى البطاقه او الرخصه لازم تعملى
حساب للون الطرحه بحيث انها تظهر وجهك بالشكل الامثل.
ده من تجربه زوجتى وابنتى.

ازاى يعنى البس ايشارب غامق
انا هربطه على ورا وخلاص

[عصير قصب]

انا صورتي في الرخصة تحسها متاخدة من بعيد مش باين فيها اي ملامح لوشي و مبينة الطرحة كلها بس و زي ما يكون خدلي الصورة و انا باصة لفوق بس في الاخر مش مشوهة يعني ارحم من غيرها :)

هههههههههههه
انا عاوزة اغيرها يا شيخه بلاش فضايح

[عصير قصب]

مشفتش حد غيرها قبل كده .. الراجل اللى بيصور بيلقط الصورة على سهوة .... ومن كاميرا ويب

ايوه
معندوش ضمير بيلقط اى حاجه وخلاص
لو يراعى ربنا فى شغله ويظبط الصورة هيحصل له ايه يعنى
هههههه
انا مش مسامحاه خالص

[عصير قصب]

الحل ان حضرتك روحى تعملى محضر فى القسم ان الرخصة ضاعت و تعملى واحده جديدة بصورة جديدة

تمام
شكرا لمرورك الكريم