التحويل لغاز طبيعى

[iomarz]

السلام عليكم

عندى سؤال صغير كدا
هل ممكن تحويل محرك ديزل ليعمل بالغاز الطبيعى بدل السولار ؟؟

[م أحمد]

محركات الديزل تعتمد على اشعال الوقود عن طريق ضغط الهواء مع السولار بقيمة عالية جدا فيحدث الاحتراق

بخلاف ان بدن الموتور الديزل يتحمل الضغوط العالية و العزم العالى المناسب لهذا الاداء

اما المواتير الغاز و البنزين فتتطلب وجود بوبينة و بوجيهات لعمل شرارة يشتعل معها البنزين او الغاز
مواتير البنزين و الغاز تتحمل درجات الحرارة العالية لان البنزين درجة حراره احتراقه اعلى من الديزل ، و لا يتحمل ضغوط مواتير الديزل

البوجيهات بيبقى معمول حسابها فى خرط وش السلندر

الخلاصة على حد علمى و الله أعلم لأ ما ينفعش.....لا ديزل يقلب بنزين و لا بنزين يقلب ديزل

[iomarz]

امال الميكروباصات اللى شغاله بالغاز دى مش كانت شغاله بالسولار فى الاول ولا البنزين ؟

[samasuper]

انا محول العربيه لغاز من سنه 1998 وكان تحويل السيارات البنزين للعمل بالغاز الطبيعى تكلفته حوالى 5000 جنيه وتكلفه تحويل المواتير الجاز حوالى 17000 جنيه فكانوا اصحاب العربيات الجاز يشترى موتور بنزين للعربيه وبعدين يروح يحولها غاز عشان يوفر في التكلفه الاجماليه