كيف تتغلب على زجاج سيارتك ( المشبر ) فى الشتاء

[طارق _عبد السلام]

السلام عليكم

شوفت الفيديو ده حبيت انقله لكم للافاده

هو فيه ماده مكتوب انها ماده تنظيف اوساخ القطط ومكتوب على الكيس سيليكا كريستال

وبتحتاج جوربين وبيوضع فيها الماده دى اسيبكم مع الفيديو

https://www.youtube.com/watch?v=4t4mzMS-ZZ8

[Haitham Gamal]

جميل الفيديو وفكرة جيملة جدا
المادة دي بيتهألي اني بلاقيها مع اي حاجة الكترونية بشتريها بس بتبقي في اكياس حجمها صغير
المهم بقي نجيبها منين بالكميات الكبيرة دي
علشان الجو تلج والواحد بيضطر يفتح الازاز شوية كدة علشان البخار

[طارق _عبد السلام]

على فكره كنت عرفت طريقه من هنا فى المنتدى ونفذتها فعلا

والنتيجه كانت مبهره جدا بس محتاجه مجهود فى مسح الزجاج الطريقه

اى مياه تبريد للراديتير...... انا استخدمت المياه الحمراء..... وكحول ابيض

الاول بقطنه جيبت الكحول الابيض ومسحت الزجاج من الداخل

وبعدها بقطنه تانيه مسحت الزجاج بالمياه الحمراء للراديتير وانتظرت قليلا لما بدأت تنشف

وبعدها المجهود بقى ان تمسح الزجاج من الداخل ويرجع نظيف جدا طبعا رائحه الكحول بتبقى عاليه جدا فى البدايه
لكن النتيجه مبهره
لامع التكييف الزجاج بيشبر ولا شوفت الشبوره بعد كده

حبيت انقل تجربتى الشخصيه وطبعا الكحول موجود فى اى صيدليه واكيد مياه التبريد فى شنطه عربيتك موجود منها كميه قليله جدا تفى بالغرض جربوها وهتدعولى

[FAR!D]

طبعا مشكور مجهودك يا استاذ طارق لكن بعد عشره كبيره مع الشبوره انا شايف الحل الاسهل يا تفتح سنه الزجاج اللي ورا حتى او تشغل التكييف من عند الزجاج لان الحاجات ديه مابتدومش