عايز اتعلم السواقه واطلع رخصه

[AMADO2015]

انا لسه متجوز كنت بتخنق من السواقه ومبحبهاش بس الحمد لله اليومين دول بعد الزواج ابتديت اميل ليها لان طبعا الحركه مع مراتك بتختلف
المهم سمعت ان في اماكن بتعلم السواقه وبطلعلك الرخصه وده كويس بالنسبه ليا لان سمعت ان لما تروح تتطلع راخصه كده كده بتدفع رشاوي فياريت لو حد يعرف مكان من دول يقولي

[AMADO2015]

اه ياجماعه فين البشر

[Mostafa Bedo]

يعني حضرتك عاوز تتعلم السواقة وﻻ تطلع رخصة علي طول وحكاية الرشاوي دي متحاولش تعتمد عليها ﻻنك ممكن تقع مع واحد ضميره صاحي يعملك مشاكل فحضرتك اتعلم كويس الاول وبعد كدة امشي في اجراءات الرخصة سليم وحضرتك عاوز اماكن للتعليم في انهي منطقة ؟؟

[AMADO2015]

يعني حضرتك عاوز تتعلم السواقة وﻻ تطلع رخصة علي طول وحكاية الرشاوي دي متحاولش تعتمد عليها ﻻنك ممكن تقع مع واحد ضميره صاحي يعملك مشاكل فحضرتك اتعلم كويس الاول وبعد كدة امشي في اجراءات الرخصة سليم وحضرتك عاوز اماكن للتعليم في انهي منطقة ؟؟

مهو عشان كده انا بدور علي الاماكن اللي بتعلم وبتطلع الرخصه

لو قولنا في المنيل مثلا

[Mostafa Bedo]

للاسف معرفش اماكن ف المنيل

[Maun00]

شوف حد ينزل معاك بعربية و اتدرب عليها احسن
السواقة كلها بانك تحس بالعربية يعني تضغط بنزين قد اية و فرامل امتى و تقدر ابعاد العربية
السواقة ممارسة

[من غير اسم]

روح اتعلم فى مرور بين السرايات, هما بيعلموك وبتدخل الامتحان, وربنا يسهل ويوفقك وتنجح من غير ما تحتاج لحد يطلعهالك بفلوس