إعـــــــلان

Collapse

.

,
See more
See less

اجراءات ترخيص سيارة جديدة من مرور فيصل

Collapse
X
 
  • Filter
  • الوقت
  • Show
Clear All
new posts

  • اجراءات ترخيص سيارة جديدة من مرور فيصل

    السلام عليكم
    كنت عايزة اسال عن اجراءات ترخيص سيارة جديدة في مرور فيصل ايه الاجراءات و الاوراق المطلوبة و الموضوع ممكن يخلص في يوم واحد و لا بيحتاج اكتر من يوم

  • #2
    عليكم السلام بصي حضرتك اجراءات الترخيص واحدة اهم حاجة الورق من المعرض جواب الافراج ومخالصة البنك لو العربية كاش والبطاقة طبعا لصاحبها لو مش صاحبها لازم توكيل وفي بعض وحدات المرور بتطلب جواب استعلام من القسم عن عنوان الشخص اللي في البطاقة انه لازال موجود بهذا العنوان واتكلي علي الله وانشاء الله تخصل في يوم لكن لو طلبو جواب الاستعلام بتاخد كذا يوم طبعا
    [SIGPIC][/SIGPIC]

    Comment


    • #3
      عن تجربتي في مرور العجوزة من اسبوع فات

      اول حاجة شهادة بيانات من مرور بين السرايات - و دي تكلفتها 5 جنيه بس معاكي انتظار ساعة او ساعتين حسب الزحمة و احترسي من النصابين لأن واحد صاحبي راح ادى ورقه لواحد طلعهاله ب 60 جنيه و الورق المطلوب هو جواب المرور بتاخديه من المعرض و صورة الافراج الجمركي عن العربية و دي بتحتاج يوم لوحدها

      في يوم تاني ( و يفضل يكون بدري جدا على الساعة 8 بالكتير ) بتروحي المرور اللي تبعك و يكون معاكي صورة بطاقتك و شهادة البيانات و ورقة استلام العربية من المعرض

      اول حاجة توقفي العربية في طابور الفحص ( ويفضل ان يكون معاكي حد بيسوق عشان تخلصي انتي الاجراءات و هو يحرك العربية لحد ما يوصل للدور عشان تنجزي وقت )

      بتشتري ورق ترخيص عربية جديدة ( 45 جنيه لو 3 سنين ) و تملي البيانات و تشتري طفاية و مثلث عاكس و شنطة اسعافات و هتلاقي جوا المرور اكشاك مختصة ببيع الحاجات دي ( تكلفتها حوالي 240 جنيه )

      تدخلي على الفحص و تخلصي اجراءاتك و هيطلب منك بصمة الموتور دي هتلاقي واحد متخصص في المرور بيطلعها ( بتديله 10 جنيه اكرامية )

      بعد ما تخلصي الفحص ترجعي على الشباك تدفعي الضريبة ( لو 1600 سي سي بتكون 834 عن ال 3 سنين )

      و كل موظف على الشباك بيقولك تروحي فين و تعملي ايه و بعد ما تستلمي الرخصة تروحي تستلمي اللوحات المعدنية و هتلاقي حد بره المرور بيركبها ( تديله 15 او 20 جنيه بس مش اكتر )

      و تركبي عربيتك و تبتدي رحلة المعاناة مع غباء بعض السواقين

      Comment

      Working...
      X