الرهبة من السواقة

[drmona]

انا اتعلمت السواقة و عملت الرخصة و لسه جايبة العربية جديد اول ما جبتها كنت جريئة في السواقة و باخدها و انزل بيها لوحدي من غير حد معايا و لكن بعد ما بقيت انزل بيها الشغل و اروح بيها كام يوم كده حسيت اني زهقت من السواقة و بقت تسبب لي توتر و قلق و ببقى شايلة هم المشوار رايح جاي و بتلكك عشان انزل من غيرها مش عارفة هل ده طبيعي في الاول و لا ايه مع اني بسوق الحمد لله مش بطال حد يفيدني في الحكاية دي و هل مع الوقت هتبقى السواقة شيء عادي

[Karim_Mohy]

ده شيء طبيعي في الاول لحد ماتتعودي علي السواقة وسط العربيات...أما الزحمة فطبيعي ان محدش بيكون طايق السواقة في الزحمة وده غالبا اللي بيخليكي مش عايزة تنزلي بيها...بس مع الوقت هاتتعودي.

[Mahmoud_Lutfi]

واحدة واحدة هتتعودي و للأسف شوارع المحروسة كفيلة انها تخلي اي حد يكره حياته مش السواقة بس

ربنا يستر طريقك

[mesaharaty]

أنا كمان مابحبش السواقة والعربية مركونة معظم الوقت وباسخنها فقط لا غير .
هل تصدقوا إنى مامشيتش بالعربية من ساعة ما جبتها فى 2010 إلا 6000 كيلو بس ؟

[msa142]

دا شئ طبيعى عشان لسه متعودتيش على السواقه زى مثلا جهاز جديد اشتريتيه ولسه متعودتيش عليه ممكن تاخد معاكى اسبوع او شهر او سنه على حسب مدى استيعابك .. انا بالنسبالى موضوع السواقه اتعلمته فى اسبوع ودا كان من سنيييين وساعتها مكنتش بجرى او مش واخد على الفرامل ومساحه العربيه وكنت ديما قافل ازاز العربيه ومنفض للكلاكسات وحاطط على اعصابى تلاجه .. والى كان بيبجح او بيشتم كنت بخليه فى وسط هدومه من الشتايم الى كانت بتطلع منى وقتها :d ههههههههه طبعا موضوع الشتايم دا مينفعش مع حضرتك طبعا
حاولى متشغليش بالك بحاجه ومتفكريش فى اى حاجه غير فى السواقه والى يكلكس يكلكس طالما متأكده انك صح + حطى فى دماغك ان السواقه البيرفكت دى هدف ولازم تحققيه مهما حصل ..وخلى عندك ثقه فى نفسك عشان ديما بيقولو السواقه محتاجه قلب ( فى مصر فقط ) :d
حاجه اخيره مفيش فرق بين راجل وست فى السواقه .. فى سواقين بنات عندهم قلب جرئ جدا فى السواقه وتعلم على اجدع سواقين فى البلد