إعـــــــلان

**MOTOR HEAD** · 01-03-2015, 07:51 PM

الحركه تنفع على الاول و التانى بس

و خصوصا لو الطريق مكسر

**amr_naser** · 02-03-2015, 08:49 AM

شوف يا سيدى الفاضل اى غيار ينفع تمشى علية من غير ما تدوس بنزين سواء اول او ثانى او ثالث ...الخ
بس خد بالك الغيار لة حدود دنيا للسرعة وله حدود قسوى
وكمان خد بالك لما تشيل رجلك من البنزين على اى غيار بيخلى العجل يحمل على الماتور يعنى اية
يعنى لو انت ماشى اعلى من الحدود الدنيا للغيار وشلت رجلك من البنزين حتلاقى السرعة قاعدة بتنزل لان الماتور سرعتة ابطأ من العجل فبيفرمل العجل
طيب ولو انت ماشى على الحدود الدنيا حتلاقى العربية ماشية على سرعة معينة ثابتة لان العجل ماشى بنفس سرعة الماتور

على فكرة كمان انت ممكن تطلع بالعربية على اى غيار مش شرط الاول بس دى محتاجة خبرة وحساسية شوية
كمان خد بالك احيانا على الغيار الاول وانت ماشى بدون ما تدوس بنزين تلاقى العربية بتنتش (يعنى كأنها بتطلع وترجع تانى فى كلامها )ودا عادة بيكون فى العربية اللى ماتورها ضعيف او القديمة

اللى ماتورها ضعيف دى يعنى ان عزم الماتور مش قوى ( والعزم ملوش علاقة بالقوة الحصانية )
والقديمة اللى فى الغالب نظام التغذية بتاعها كربريتير

**MOTOR HEAD** · 02-03-2015, 09:16 AM

( والعزم ملوش علاقة بالقوة الحصانية )

المعلومه دى غلط العزم و القدره الحصانيه فى معادله رياضيه ببنهم

بالنسبه للعربيات الكربريتير لو مظبوط مبتنتش

**amr_naser** · 02-03-2015, 10:49 AM

المشاركة الأصلية كتبت بواسطة motor head مشاهدة المشاركة

( والعزم ملوش علاقة بالقوة الحصانية )

المعلومه دى غلط العزم و القدره الحصانيه فى معادله رياضيه ببنهم

بالنسبه للعربيات الكربريتير لو مظبوط مبتنتش

يا سيدى الفاضل انا اقصد العزم ملوش علاقة بالقوة الحصانية يعنى انى مش معنى ان العربية عدد الاحنة بتاعها كبير انها تديك عزم عالى على الايدل مود فهمتنى ؟
بعنى مثلا سيارات الدفع الرباعى وما شابهة بتلاقى كمية عزم رهيبة على سرعات بطيئة جدا من الماتور بعكس السيدان بتلاقى قوة عزم متوسطة على سرعات كبيرة من الماتور

بالنسبة للكربراتير فعلا لو مظبوط مش حتلاقى تنتيش لكن ديما افترض الاسوأ دا بجانب البنزين الجميل بتاع بلدنا واللى تتوقع منة تنتيش وتصقيف وكل حاجة كمان درجة حرارة الماتور ليها علاقة بالموضوع يعنى لما تسوقها على البارد غير لما تسخن وتاخد وضعها الطبيعى
تحياتى

**amr011111** · 25-03-2015, 01:43 PM

هتمشى العربيه بالقصور الذاتى ولما سرعتها تقل عن الحدود الدنيا للغيار العربيه هترجرج وتفصل

إعـــــــلان

.

سواقة على الغيار فقط بدون بنزين

سواقة على الغيار فقط بدون بنزين

Comment

Comment

Comment

Comment

Comment